السلام عليكم ورحمة الله وبركاته
سافرنا الى هونج كونج + مكاو
ورجعنا بالسلامه الحمد لله
كانت رحله جميله وممتعه
طبعا هونج كونج لاتقارن بمكاو لأن هونج كونج دوله منظمه ونظيفه وسياحيه
لكن مكاو للأسف تمنيت عدم زيارتها والمبيت فيها ليلتين , كان المفروض على الاقل وحط تحتها خطين على الأقل ازورها من الصباح الى المساء
أهم عيب في الدوله عدم التحدث باللغه الانجليزيه حتى أكثر موظفين الفنادق واللي يشتغلون في الأماكن السياحيه مايعرفون يتكلمون انجليزي
أشهر الأماكن السياحيه فيها :
1_ زيارة فندق فينيسيا الشهير
2_ زيارة برج مكاو
3_ زيارة ساحة سينادو سكوير
دوله لاتصلح للعوائل بسبب المناظر الفاضحه والكازينوهات المنتشره في كل مكان للقمار
وانصدمت كثيرا من موقف
أقسم بالله العظيم أكثر الشوارع كنا نمشي فيها وكنا ندوس على كروت مرميه بالأرض
خاصه بفتيات الليل
كل كرت فيه صورة بنت ورقمها الخاص للأتصال
( أكثر من شارع وليس شارع واحد )
الصراحه مناظر مؤسفه يندى لها الجبين
طبعا هذا غير قصة التكاسي اللي مارضى ولاتاكسي يوقف لنا مع العلم اني اطلع عند باب الفندق واكون واقف في المكان المخصص لمواقف الفندق
لكن للأسف مايرضى احد يركبنا معه , وفيه واحد ركبت معه وقعد يصارخ علي ونزلت وخليته طيب ليش واقف
بالأخير رجعت للأستقبال حق الفندق وقلت لهم غير معقول لي أكثر من نص ساعه واقف عند باب الفندق ولاتاكسي رضى يركبني معه
قعدوا يضحكون وطلع معي واحد من موظفي الاستقبال ووقف تاكسي وتكلم معه ورضى يركبني
يعني قمة في التخلف والعنصريه
تحياتي لكم
حبيت انقل لكم تجربتي الغير ناجحه في مكااو علشان مااحد ينصدم مثلي ...