قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
كنت حلوة
13-12-2022 - 06:55 pm
السلام عليكم ورحمة الله وبركاته
كل عام وانتم بخير اولا
ثانيا اتمنى ان ما تفهمون قصدي من الكتابه بسوء النيه لا والله
واتمنى ما يصير الموضوع الى صفحه 6 وشتم وعندكم وعندنا
احب اقول ان احنا قررنا نجي قطر لاول مره وبكل اسف توقيتنا غير سليم
المده من كورنيش الدمام الى جوزات السعوديه 3 ساعات بالظبظ
المده من بعد جوازات قطر لحد اخر نقطه في المنفذ 3 ساعات
ايه ثلاث ساعات اقسم بعزة الله وجلاله اني ما افتري عليهم
والمنسقين القائمين على تنسيق السير بصراحه ماكانوا خير ممثل لبلدهم او البلد اللذي يقيموا فيه
لاحظوا ما عممت ما قلت كل القطريين ماقلت كل موظفين المنفذ من جوازات وجمارك وتأمين
لما نسأل ايش صاير يرد علينا احلموا وانتظروا !!!!!
يالاخو ايش صاير؟ يرد انت ليه جاي قطر!!!!
نقول نتمشى !!! يرد الناس كلها مثلك جايه تتمشى مالك الا تنظر مالله حادك
عيالي طفشوا وتعبوا وصاروا يصيحون
صورت والصور فيها توقيت بس ما اقدر انزل الصور احين داخله من الجوال
اعرف مزايا بلدي ومساؤه ف اتمنى محد ياخذ موضوعي بزعل ويقول السعوديه فيها وعليها
عموما مابي اتكلم كثير لاني محبطه والكلام يادوب ارتبه واكتبه
بس حبيت انبه اللي جاي يعمل حسابه
في رعاية الرحمن


التعليقات (9)
ابو فيصل ابو فيصل
ابو فيصل ابو فيصل
شي طبيعي ..
الناس تبي تسافر بالاجازه ، سواء اجازة عيد او غيرها ..
الامارات بعيده حبتين وقطر اقرب منها فالناس بدت تتجه لقطر وبذلك أصبح هناك زحمه على المنفذ ..

Stranger Man
Stranger Man
حياج الله اختي في دوحة الخير بين اهلج
شكلك اختي معصبه ومتنرفزه من الزحمه
اختي انتي قلتي ان الزحمه ماشاء الله والموسم اعياد ، اكيد بتاخذون وقت وهذا امر طبيعي !!
الموظف شنو في يده مايقدر يخليكم تمرون وغيركم واقف !!
وطاقة الموظفين والكونترات هذي طاقتها الاستيعابيه !!
اذا فيه تصرف غير لائق من موظف او موظفه في مركز بوسمره
ممكن جداً تكتبون شكوه عن طريق موقع وزارة الداخليه القطريه
وبإذن الله انهم بيتداركون اي خطأ
واختي ثقي تماماً ان العرب المسافرون بيت ثاني للجميع
وكلنا اهنيه اخوان ومابينا الا المحبه في مايرضي الله
تحياتي

بوحميـــــــــد
بوحميـــــــــد
احياناً يكون السيستم هو السبب بالتأخير
فلا داعي للعجله والعصبيه
وتذكر كل تأخيره فيها خيره بإذن الله
والحمدلله على السلامه

alnoida
alnoida
الحمدلله على السلامه وحياكم الله
الموضوع عادي جدا، مجرد ازدحام في المنافذ الحدوديه في فترة الموسم
عيالي سافروا الرياض ثاني العيد ( الله يردهم بالسلامه )
واجهتهم نفس المشكله في المراكز
لو اذكر لك اللى صادفني من ازدحام في المراكز الحدوديه لقطر والسعوديه والبحرين والكويت والامارات راح اتعب
لكن صارت عندي خبره متراكمه مته اسافر وفي اي وقت من اليوم
مثلا يوم الخميس من العصر الى الليل ما اطلع من قطر
واجتهد اطلع من السعوديه يوم السبت قبل العصر
وعلى فكره احنا مصدقين من غير حلفان
لاني حضرت زواج في الدمام الشهر الماضي وكان زمن الرحله من الدوحه الى شارع الملك خالد في الدمام 4 ساعت وشوي
إن شاء الله تردون الزياره في وقت اخر اهدئ، وعرفتوا الدرب والسالفه كلها 4 ساعات
تحياتي

ما هقيت
ما هقيت
أنا اكتب لكم الآن من الدوحة قدمت من السعودية ثاني أيام العيد قبل الظهر ما تجاوز الإنتظار في منفذ أبو سمرة نصف ساعة وتعاملهم كان راقي وآخر نقطة أهدو لنا وردة لكل فرد في السياة وكنا ثلاثة وأعطونا خريطة قطر
هذا ما صار لي بكل مصداقية

ارمـــ ARMANI ـــاني
ارمـــ ARMANI ـــاني
وعليكم السلام ورحمة الله وبركاتة
كل عام وانتي بخير اختي كنتي حلوة
حمدلله على سلامتكم
اللي انا فهمته منك انكم جيتوا في وقت الذروة والزحام
مافيه مشكلة بسبب انه في احتفالات يوم العيد في دولة قطر الحبيبه والمهرجان الغنائي في سوق واقف وغيره من الانشطه الاخرى فالعالم توجهت لقطر الخير
(( انتي قصدك انه الموظف كان سيء معكم في التعامل بأخلاقه ؟؟؟!!!!
اذا كان قصدك كذا لاتلومينه من الزحمة فهو بشر له طاقة بس اذا كان يتريق عليكم واسلوبه شز
كان اخذتوا اسمه او رقم الكابينه ورحتوا لمديره او مسؤله وقلتوا عن تصرفاته وهم يتصرفون ))
اما بخصوص الزحمة اذكر اني قعدت 6 ساعات ونص
في جمارك جسر الملك فهد في البحرين
وتعطل علينا الموتر بسبب الحراره مع ذلك لم نجعل هذع الامور تخرب على رحلتنا بالعكس
استمتعنا وانبسطنا
اخوك : https://artravelers.com

كنت حلوة
كنت حلوة
هلا فيكم اخواني واخواتي
انتوا تقولون عادي
اجل محد سافر اذا بيجلس في الحدود 3ساعات
لان المشوار صار 7 ساعات
وانا قلت توقيتنا غير مناسب
السياحه في دول الخليج ايام الاعياد خطاء كبير
مثلا احنا رايحين ماشفنا كتارا ملقينا موقف بالسياره سوينا يوتيرن وطلعنا والؤلوه نفس الشئ
سوق واقف وقفنا في اخر الدنيا ومشينت دخلنا الناس الكتف بالكتف والمطاعم انتظار ومشينا
الحمد الله شفنا في قطر اسباير وسوق فيلاجيو فقط لاغير
اشوى الحمدالله الفندق كان حلو والا كان كملت ههه ههه
ويندام جراند ريجنسي
لكن الحمد الله ما زعلتوا خفت اشيك الموضوع الاقيكم زعلانين
خليجنا واحد

خطاب2
خطاب2
اختي الكريمة منفذ ابو سمرة القطري اعتبره افضل منفذ خليجي من حيث عدد الكبائن وتعامل الموظفين .. وللمعلومية في يوم العيد وصل انتظار السعوديين المسافرين الى الإمارات الى 16 ساعة بحسب ماجاء في الصحف !! منها 14 ساعة في الجانب السعودي (البطحاء) و(ساعتين) في منفذ الغويفات الإماراتية ..
النقطة الثانية اختي اكيد انك لاحظت الفرق الشاسع بين منفذ سلوى السعودي ومنفذ ابو سمرة القطري من حيث الزحام والخدمات والنظافة والسعة فيالتك ذكرتي هالشي
النقطة الثالثة قطر قاعدة تطبخ على نار هادئة لأجل عام 2022 ومن 3 سنوات ظهرت في قطر كم معلم سياحي جديد من معالم كثيرة جداً في الطريق ان شاء الله لكن هالمعالم الجديدة جذبت السائح السعودي من دبي بسبب قرب المسافة والجو المحافظ نسبياً في قطر مقارنة بدول الخليج الأخرى .. لكن اصبري قليلا وستنظرين كيف ستنقلب بوصلة السائح السعودي نحو الدوحة

كنت حلوة
كنت حلوة
خطاب2
الحمدالله رحنا ورجعنا واحنا سالمين
واشكر اخواني واخواتي القطريين وكل عام وانتوا بخير


خصم يصل إلى 25%