امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هـدد
11-12-2022 - 12:06 am
السلام عليكم ورحمة الله وبركاته
اختبرت ياجماعة لغة انجليزية بالتوفل وحصلت على 373 نقطة --- اشوفها قليلة --- ولذلك عزمت على تعلم اللغة في امريكا لمدة من 2شهر الى 3شهور
ياليت احد يساعدني على قائمة بالمعاهد الافضل لاخذ اللغة والولايات الاقل عنصرية
شاكرا لكم مساعدتكم مقدماً


الدراسة في امريكا
التعليقات (5)
Stranger Man
Stranger Man
افضلك بريطانيا
امريكا بعيده ماتسوى اذا بتروح حق لغه بهالمدة
واذا درست في بريطانيا ، اخذ دورة اعداد لامتحان الايلس لانه اسهل وبتحصل ان شاء الله درجة مرتفعه
والايلس الحين كل الجامعات تقبل فيه حتى الامريكيه

هـدد
هـدد
اشكرك اخي Stranger Man على توصيتك وفعلا بريطانيا احسن لي
بس ذكروا لي الشباب ان بريطانيا فيها تخمة من العرب والخليجيين بشكل خاص في المعاهد والجامعات
وان الفائدة ستكون اقل من امريكا
فامريكا قارة كبيرة ستضيع فيها من كبرها وستكون الفائدة اعظم عشان كذا فضلت امريكا
انتظر مرورك عزيزي

Stranger Man
Stranger Man
اخوي الان اغلب معاهد امريكا مكتظه بالطلبه الخليجيين وبالاخص السعوديين
نفس الوضع في بريطانيا
الاهم من ذلك هو قوة المعهد
منهاج ومستوى تدريس
لان اذا كان المعهد قوي بتستفيد منه
والخليجيين مب متكلم معاهم في الصف بالعربي الا اذا كان المعهد ضعيف مستوى والمدرسين مايقدون يسوون كنترول!!
ف نصيحتي اذا لك نيه تدرس روح بريطانيا
وقبلها طور نفسك بمعهد قوي في مدينتك عشان تستغل الوقت
بالتوفيق

هـدد
هـدد
لغتي حليوه مثل ماقلت لك ياعزيزي الغالي حصلت على 373 بس انا عندي برنامج يطلب 550 درجة توفل واتوقع اني اقدر بثلاث شهور ارفع لغتي ابحاول اخذ فل تايم وابسكن عند عائلة
وش رايك ؟ وهل ممكن تزودني بمعاهد حلوه ببريطانيا ؟

Stranger Man
Stranger Man
اكتب استفسارك في قسم بريطانيا والاخوان مب مقصرين معاك
تحياتي


خصم يصل إلى 25%