اتصل علي صديقي يوم الاثنين 24 سبتمبر
وقال وش رايك تخاويني الى الرياض بكره قلت تم
وانا طالع خذيت جوازي في يدي رغم والله لم انوي السفر نهائي الى القاهره ولكن هذي الاقدار
تحركنا الى الرياض الرابعه والنصف عصر الثلاثاء 25 من سبتمبر وامامنا 600 كيلو لابد من قطعها
وصلنا في العاشره مساء تعشينا في المطعم الصيني
افترقنا كل منا الى مقر اقامته
هنا بدات الافكار تتسلل الى مرحلة ماقبل البدء في العمل
وش فيها لو نقزت سبوع؟ تشوف وضعهم بعد الثوره
نمت واستيقظت ممسكنا بجوالي طالبا ابو كريم تقدر تجيني بكره الخميس في القاهره
اعتذر بان لديه سياح
دقيت على ابوعلاء قال مرتي ماتت رحمها الله وخطبت مره ثانيه الاسبوع هذا وجالس اجهز لزواج ولن افضى الابعد خمسة ايام ويمكن سته
كان الحديث هذا يوم الاربعاء والخميس
قلت شكل الدعوه معاكسه من البدايه
المهم رحت ومريت مكاتب السياحه
واخبروني بان لا اشكال في الذهاب يوم الخميس والجمعه متى ماعزمت تعال
ولكن العوده يوجد صعوبات وعشان كذا راح تكون غاليه من 2500 الى 2300
والذهاب فقط ب950 الى 850
لا شعوريا وجدت نفسي اذهب واتقضى لرحله وبدون ما احجز
تقضيت بناطلين وقمصان بحوالي 800 ريال من محل في المعيقليه وستي ماكس
هذا يوم الاربعاء
الخميس صباحا توجهت الى المكتب وقصيت التذكره ب 950 على رحلة الساعه العاشره مساء من نفس اليوم
اتصلت على الشغاله واخبرني بانها تركت العمل في الشقق بحكم السن وعليك بالاتصال بشخص انا سبق وان تعاملت معه اكثر من مره وراح يقوم بتاجير الشقه عليك
اتصلت عليه وقال ب350 جنيه وهذا سبب اتصالي بالشغاله على طول من البدايه انهم يزيدون في السعر...قلت شكلك ماتبغانا نتفاهم
هي 250 زي العاده رد وقال والله الوضع تغير عن ماكنت تعرفه
ومني ومنه و300 لمدة 8 ايام
ورغم اتفاق المسبق معه حصل لبس في الموضوعرجعت ركض الى مكان اقامتي وجلست ارتب اشغالي ومنها الى الحلاق
ومنها الى طريق المدينه لاوقف اللموزين الذي اقلني الى المطار في الثامنه والربع مساء الخميس اتفقت معه على 60 ريال الى صاله الخطوط الاجنبيه
وطالبته بان يكون يجعل من سيارته صاروخ لكي نصل قبل الرحله المتبقي عليها اقل من ساعتين
وصلت للمطار في التاسعه واكثر وشحنت بعض اغراضي مجبرا وقصيت بطاقة الصعود ومشت الامور والحمد لله
كل الفكره والتخطيط والعده لسفر فقط في اقل من 36 ساعه
فيه مثل يقول المهتوي يقطع المستوي
لا اشتهيت ما هنا شيء يرد يا بعدي
بس ليش تتصل علي السواقين ما تقدر تضبط امورك هناك وتستأجر وتنبسط