بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
اوه ياسعودي
14-10-2022 - 11:54 pm
السلام عليكم .. صباح / مساء الخير للجميع
أنا طالع لندن غداً بحول الله وحبيت رايكم بهالبرنامج وياليت اي ملاحظة تخبروني بها
بس الله يعافيكم ياليت اسماء للمحطات للاماكن المهمة شاكر ومقدر ..
@@ البرنامج @@
الرحلة عن طريق طيران الخليج والوصول سيكون صباح يوم الاثنين الساعة 7
سوف استخدم خط الاندرقراوند ( البيكاديلي ) اللون الازرق غامق المتجه الى محطة cock fosters من مطار هيثرو الى محطة earls court حيث
مكان الفندق .. ( كم سعر التذكرة من مطار هيثرو للفندق وهل اخذ ون واي ولا ون داي ) ..
# اليوم الأول
شارع اكسفورد - شارع ريجينت - البيكاديلي - اكسفورد سيركوس - شارع اجور رود
# يوم الثاني
لندن آي - منطقة هارودز وهارودز - بيج بين - نهر التايمز - النايتس بريدج
# اليوم الثالث
الذهاب إلى مانشيستر
اسم محطة القطار من لندن الي مانشستر : Euston station
اسم محطة مانشستر : manchester piccadilly
السيتي سنتر - الارنديل سنتر - شارع الدينز قايت - نادي مانشستر - ترافورد سنتر
نادي مانشستر والترافورد سنتر : باص رقم 250 من محطة الباصات في البيكاديلي قاردن
# اليوم الرابع
  • متحف الشمع _ باكينجهام بالاس (قصر الملكة) - المتحف البريطاني - محل ام اند امز -*

#اليوم الخامس
الهايد بارك ونادي تشيلسي والارسنال
# يوم السادس
يوم حر تسوق وزيارة الاماكن الي مازرناها*
رايكم يهمني وهالمعلومات جمعتها من تقاريركم الي ماقصرتوا وشكراً لكم من القلب ...


التعليقات (5)
اوه ياسعودي
اوه ياسعودي
الاندر قراوند متى يسكر بالضبط الساعة كم بالليل
بالايام العادية والويك اند ..

بيبسي كولا
بيبسي كولا
قبل 12 بالليل يغلق الاندرقراوند
وسعر التذكره بالاندرقراوند خمس باوند
وتاخذك مباشره الى earls court
بخصوص اليوم الاول
شارع اكسفورد - شارع ريجينت - البيكاديلي - اكسفورد سيركوس - شارع اجور رود
اكسفورد هو نفسه اكسفورد سيركس
الاوكسفورد سيركس هذي محطة اندرقراوند
وهي بالضبط اذا شفتها راح تشوف شارع الريجنت
يعني جدولك يكون
من جوان رود - اكسفورد تمشي فيه لمن تشوف محطة اوكسفورد سيركس تاخذ يمين هذا شارع الريجنت وتمشي طوالي الى البيكادلي
او تخليه العكس
من البيكادلي الى جوان رود لكن اذا شفت اوكسفورد سيركس تاخذ يسار
لانه الخريطه تغيرت
بخصوص اليوم الثاني عدله الى كذا
# يوم الثاني
لندن آي - منطقة هارودز وهارودز - بيج بين - نهر التايمز - النايتس بريدج
بيج بن = لندن اي = نهر التايم = النايس بريدج = الهارودز
وعموما تقدر النايس بريدج هو نفسه فيه الهارودز يعني عادي
وتقدر تروح الاكواريوم هو ملاصق ل لندن اي
واذا شفت لندن اي راح تشوف بيق بن جمبها واضحه
بخصوص الرحله لمانشستر
السيتي سنتر - الارنديل سنتر - شارع الدينز قايت - نادي مانشستر - ترافورد سنتر
نادي مانشستر والترافورد سنتر : باص رقم 250 من محطة الباصات في البيكاديلي قاردن
ممتاز جدا
لكن لازم تحط في بالك شغله
اذا كنت تبي تدخل الملعب
فا ممكن يقولون موعد دخلتك بعد ساعه ونص
لانه نظام قروبات
يدخلون
فا ممكن تروح تحجز من نادي مانشستر وتدش
واذا ماحصل
تروح الى المجمع بعدها ترجع
# اليوم الرابع
  • متحف الشمع _ باكينجهام بالاس (قصر الملكة) - المتحف البريطاني - محل ام اند امز -*

ملاحظه : محل ام اند امز
يبيع بعض المنتجات الغير صالحه للاكل لاننا مسلمين
فا اذا اخترت حلويات
اسالهم هل تصلح لنا ام لا
#اليوم الخامس
الهايد بارك ونادي تشيلسي والارسنال
شوف يالغالي
الجدول هذا حلو لسبب واحد
انه الارسنال والهايد بارك وتشيلسي
كلهم في لاين الازرق في الاندرقراوند
لكن
الارسنال في الشرق
وتيشلسي في الغرب
وبينهم الهايد بارك
انا افضل
انك تروح اول شي الارسنال
بعدين تركب محطة الاندرقراوند تروح الى تيشلسي
ومنها ترجع الى الهايد بارك
وعموما الهايد بارك ملاصق لجوان رود وملاصق للنايس بريدج
وملاصق للاوكسفورد
يعني الطريقه كذا
A----------B----------C
تروح من A الى C
بعدها من C الى B
علشان تقعد على راحتك في الهايدبارك
وايضا تقدر تاخذ باص مباشره من جوان رود او الهايد بارك باص رقم 414 مباشرة الى نادي تيشلسي
الخيار لك
# يوم السادس
يوم حر تسوق وزيارة الاماكن الي مازرناها*
خلها يوم حر للتسوق في السلفريج والهارودز
بالتوفيق يالغالي
ان شاء الله اني افدتك لو بالقليل

بيبسي كولا
بيبسي كولا
للعلم فقط معلومه مهمه
باكينجهام بالاس (قصر الملكة)
كل يوم الساعه 11صباحا في عرض تبديل الحرس
يعني ممكن تخليه قبل متحف الشمع

موادع1
موادع1
ماقصر بو سعد
والاندرجراوند يفتح 5:30 ويغلق 12

تلومني الدنيا
تلومني الدنيا
محل الام اند امز في منطقة البيكاديلي
افضل تزور البيكاديلي بالويك اند


خصم يصل إلى 25%