ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بثينه1
15-01-2022 - 12:07 am
مساء الخير
اول مرة اشارك معكم وعجبني هالموقع الرائع
اخواني انا حابه اسافر مع زوجي وبنتي الصغيره عمرها 4 شهور لماليزيا وهذي اول مرة نسافر فيها
بس حابة اعرف التكاليف
حنا حاطين ميزانية 10 الاف دون التذاكر كم تقريبا راح تكفينا؟
نبي نجلس 15 يوم هل هالميزانية تكفي او نزيدها؟
وماهي عملتهم وكم تساوي بالريال
وحابه اعرف اسعار الفنادق واهم الاماكن السياحية بالاسعار
وهل تنصحوني اخذ بنتي او لا؟
شاكرة لكم
اختكم


التعليقات (5)
سائحه عربيه
سائحه عربيه
الميزانيه بالتذاكر 15,000
العمله مثل الريال بالتمام

مشتاق 2001
مشتاق 2001
اختي بثينه
السكن والمصاريف تحتاج الى زيادة .. بالامكان الاستفسار عن طريق المكاتب السياحية
نقول مثلا 7500 ريال سكن .. ونفس الشي 7500 مصاريف وتنقلات .

بثينه1
بثينه1
okarina
هلابك يعني تتوقع انها كافية العشرة لان التذاكر خذت منا تقريبا 5 الاف
مشتاق
شكرا لك اخوي
الله يعطيكم العافية
اتمنى اللي راح يقول لنا كم خسر

السائح الكويتي
السائح الكويتي
اختي بثينة السكن يبيله 5000 ريال تقريبا وممكن ينزل اذا نزلتي مستوى الفنادق و5000 ريال ريال للتمشيات والأكل والتكاسي ماشية بس ماكو سوق وخلو بطاقة الصراف معاكم احتياط

ياقلبي قلبك
ياقلبي قلبك
الأخت بثينة لابد تعرفين إن الميزانية إنتي وزوجك الي تتحكمون فيها وإذا صرفيتكم متوسطة إن شاء الله راح تكفيكم بس لابد تحطون لكم مبلغ إحتياط لا يقل عن 3000 ريال تحسباً لأي ظرف طارئ لا قدر الله وطبعاً ال 10000 الي واضعينها هذي غير السكن ممكن يكلفك السكن 9000 - 10500 ريال حسب درجة الفندق الي بتختارونه إذا خمس نجوم بييكلفكم وإذا أربع أو ثلاث نجوم بيطلع عليكم السكن أقل ..........
وعملتهم رنجت وهي تعادل ريال واحد .......... وأسعار الفنادق ممكن تشوفين أكثر من مكتب سياحي وتستفسرين منه عن الأسعار وشوفي الي يناسبك ....
أنا عن نفسي رحت ماليزيا شهر عسل 19 يوم 4 مناطق كلفتني 27000 ريال منها 13000 ريال سكن فنادق خمس نجوم و 14000 ريال مصاريف ...
وبالنسبة للأماكن السياحية أنا عندي جدول متكامل عن ماليزيا بس مش عارف أرفقه لو تحبين ترسلين لي إيميلك على الخاص وأرسلك البرنامج كامل


خصم يصل إلى 25%