كولومبو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
متخوف من السفر
10-12-2022 - 07:54 am
يا اخوان افيدونا بخصوص الفنادق والحجز
ابغى مشورتكم لاني تعبت في ترتيب السفرية وتخوفي في الدفع بالاضافة ان الأسعار مرتفعة جداً
تبدا رحلتي من يوم الاربعاء 17 اكتوبر الى 31 اكتوبر ( 14 ليلة و 15 يوم )
4 كبار وطفل ست سنوات
جاني عرض من شركة ما اعرف مصداقيتها ورنر ترفل ب 4420 دولار + فطور فقط + مواصلات ( طلب تحويل مبلغ الف دولار )
وعرض من شركة ثانية اسمها سفاري لانك شخص اسمه رياز ب 4670 دولار + فطور فقط + مواصلات
رحت احجز عن طريق احدى المكاتب بالرياض فنادق فقط ب 16100 ريال وما حسب الطفل ويقول لا تسجله الفنادق بيدخلو الطفل مجانا + فطور
ترتيب رحلتي كالتالي ( بعد استشارة بعض الاخوة )
نيقومبو - ليلة - كلوب دولفين
الكادوا - ليلتين - هونس فالز
كاندي - ليلتين - ماهويلي ريتش او ايرل ريجنسي
نيوراليا - ثلاث ليالي - غراند هوتيل
بنتوتة - اربع ليالي - بنتوتة بيتش
كولومبو - ليلتين - سينمون غراند او سينمون لايك
بانتظار افادتكم تراني متوهق وما بقي كثير على السفر


التعليقات (7)
ساكن الريف 1
ساكن الريف 1
ياخي من البدايه سلبي انت.
انا صحيح ماسافرت لكن خلك ايجابي تفائل بخير. انا كنت محتار مثلك وبعد مراسلات الشركات ومشاوره الشباب بالمنتدى الشي الي ارتحت له اني احجز عن طريق النت واكلم احد السواقين الموجود ارقامهم عند الشباب وهذي الطريقه اظمن لانك انت الي حجزت الفنادق وانت رايح ومتاكد ان هذا الفندق راح تسكن فيه بس الشركه ممكن تروح وتلاقي اشيا غير الي اتفقت عليها ويحطوك امام الامر الواقع انا اقول ادخل على اقودا الحين وادخل على الفنادق وقارن اسعارها بسعر الشركه ممكن تلاقي الفرق اقل او اكثر ب 300 ريال او اكثر.ولا تحول مبلغ وقدره ممكن ماتلاقي احد بالمطار وتصير مثل مااقول دائما مثل السريلانكيه الي ماجاها كفيلها ههه عاد انت اتبع الطريقه الي ترتاح لها. وتاكد اخوي من جوازاتكم ان باقيلها اكثر من 6 شهور قبل السفر.

درب يرد مايسد
درب يرد مايسد
خذلك نظرة على موقع الحجز العالمية واحجز منها اذا السعر مقارب لسعر المكاتب خاصة بعض الفنادق فيها صعوبة عليها زحمة مثل الهوناس والقراند والسواق نعطيك ارقام سواقين اليوم بين 50 الى 60 دولار .
ترتيبك رائع بس في نوراليا خل اليوم الأخير في الشاليهات .
بنتوتة لو تخليها بين فندقين أفضل للتغيير وعلشان ماتمل .مكاتب الرياض والسعودية عموما لا يقربونك .
اذا ما سكنت الهوناس لازم تزوره والبديل عنه في كاندي امايا هلز .

متخوف من السفر
متخوف من السفر
ساكن الريف 1
الله يعطيك العافية .. وتراني متفائل بس مالقيت اسم قدامي الا ذا مع لخبطة الترتيبات ..
دخلت مواقع الفنادق اسعارها أكثر من أسعار الباكيجات بفرق ما يقارب الف وخمسمائة الى الفين دولار !!
ما في شركة موثوق فيها هناك احد جربها عشان اتعامل معهم ..
ومشكور على ردك ..

متخوف من السفر
متخوف من السفر
درب يرد مايسد
حبيب قلبي درب .. جلست اقرا موضوعك وتقريرك المصور يعطيك العافية بصراحة استفدت منه
بس ودي لو تعطيني اسم الشركة اللي تعاملت معها بالضبط (اير وينج او وينج اير ) ولو في اي شيء اتواصل معاهم فيه ..
بانتظارك ..
ومشكورين على ردك

متخوف من السفر
متخوف من السفر
اكتبها عندي في رسائل الزوار

ابن فطفوطه
ابن فطفوطه
جدولك حلو الحين
وانت عطيت كل المدن حقها وحتى لو زدت يوم على بعض المدن هذا شيء راجع لك وبالعكس ما راح يخرب رحلتك
الي يخرب الرحله هو انك ما تعطي بعض المدن حقها مثل انك تنقص الايام الي تستحقها كل مدينه
مثل في ناس تبي تسكن ببنتوته يوم واحد او كاندي يوم واحد هذا ما ينفع
وانت الحين جدولك حلو ما شاء الله
بخصوص العروض انا اشوف انك لا تطلع من عرض المكتب الي ب 4670 لان المكتب ثقه وراح ترتاح معاه اخر راحه باذن الله
لكن الافضل انك تضغط عليه انه ينزل شويه من السعر اذا فيها امكانيه
واذا تبي اساعدك انا حاضر ان شاء الله
بس مو اذا كلمته وما نزلي تزعل علي ههه

متخوف من السفر
متخوف من السفر
ههه والله بزعل منك بقوة ..
لا والله بالعكس استفدت منك كثير انت والاخ بو نعوم وبيوبيو
الله يعطيك العافية يا بن فطوطة
بالنسبة لبرنامج الرحلة بعد الترتيب كالتالي ( حسب الاستشارة معاك ومع بعض الاخوة في المنتدى ) :
17October/2012 – Club Dolphin Hotel. Negombo. (Booking Confirm) 1.Double Deluxe Room on B/B One Night Two Rooms. v 18&19/ October/12 -.Hunnas Falls Hotel. Kandy. (Booking Confirm) 2.Double Deluxe Room on B/B Two Nights Two Rooms. v 20&21/ October / 12 - Earls Regency Hotel. Kandy. (Booking Confirm) 3.Double Deluxe Room on B/B Two Nights Two Rooms. v 22&23/October / 12 - Heritance Tea Factory Hotel. Nuwareliya. (Booking Waitlist) 4.Double Standard Room on B/B Two Nights Two Rooms. v 24/October / 12 - Governors Chalet Hotel. Nuwareliya. (Booking Waitlist) 5.Double Chalet Room on B/B One Night Two Rooms. v 25,26,27&28/October / 12 - Bentota Beach Hotel. Bentota. (Booking Waitlist) 6.Double Standard Room on B/B Four Nights Two Rooms. v 29&30/October/2012 – Cinnamon Grand Hotel. Colombo. (Booking Confirm) 7.Double Deluxe Room on B/B Two Nights Two Rooms.
ايش رايك ؟


خصم يصل إلى 25%