اهلا بكل اعضاء وزوار منتدانا الجميل العرب المسافرون
ان شاء الله ابدا كتابتتى عن تقرير موجز وبسيط
لزياره لمعشوقتى الاسكندريه
وقريه مايوركا بالساحل الشمالى
مده الزياره :3 ايام وكانت النيه ل4
عدد الافراد :6
تاريخ الزياره من 17/9 ل 20/9
سبب الاختيار للتوقيت ده...
ده اول اسبوع دراسى
بتكون الاسر انتهت من اسابيع الاجازه
وبدات الحياه المدرسيه ترجع تانى
المدن السياحيه والشواطىء بتكون خفت اوى من المصيفين
والمرافق السياحيه بيكون خف عليها الضغط بشكل كبير
وكمان مافيش رحلات مدرسيه
(ماهو مش معقول رحله من اول اسبوع دراسى )
كمان الجو فى الفتره دى من السنه
فى راى هو الاجمل
مابين نشاط الصيف وهدوء الخريف
والسبب التالت انى محتاج راحه
قبل امتحانات البكالوريوس بعد 3شهور
ادعولى بقى
وسيله المواصلات :القطار المكيف
مكان الاقامه :قريه مايوركا
الساحل الشمالى الكيلو 39
شقه فى شاليه 3 غرف كبيره
الاماكن اللى زرناها بالترتيب
طبعا البدايه كورنيش والاكل فى سان ستيفانو
بعدها تمشيه من جليم لستانلى
بعدها نزهه فى الترام من محطه الرمل لسيدى جابر
اليوم التانى
البحر من الفجر للساعه 7
بعدها حمام السباحه من 8 ل10
صلاه ضهر ونوم لحد قبل المغرب
بحر تانى عشان نشوف الغروب
خروج وتمشيه ع الكورنيش
العشا فى مطعم الطازج
تمشيه ع الكورنيش تانى وتالت
رحنا سان ستيفانو لاقيناه بيقفل 1 ونص
رجعنا ستانلى
ومنه لجامع المرسى ابو العباس لصلاه الفجر
بعدها الكورنيش وقت الشروق
منه لستانلى عشان الشروق
بعدين الفطار فى مطاعم جاد فى المنشيه
منها لقايتباى ومتحف الاحياء المائيه
بعدها المكتبه وعروض القبه السماويه
وهنا انقسمنا فريقين من التعب
فرق كمل الجدول وفريق روح ينام
اليوم التالت
بحر من الفجر للساعه 10
بعدها رحنا سموحه
منها للمكتبه وعروض القبه السماويه تانى
بعدها الاكل فى مطاعم الطيباوى خلف المكتبه
منها للمنتزه عشان نشوف الغروب هناك
بعدها رجعنا سموحه
ومنها لمحطه مصر
والعوده للحبيبه المنصوره
ملاحظين ان الجدول مضغوط
لكنه فى الحقيقه كان موزون جدا وعملنا كل
اللى نفسنا فيه وزياده وقضينا 3 ايام بدل 4
واليكم الصور فى الجزء التانى من التقرير
لكنها هتكون موجزه بعض الشىء
لان اخوانى فى المنتدى
اللى كتبوا قبلى عن اسكندريه
اوفوها الكلام
لكنى هضيف يعض النصائح
فى اخر جزئيه باذن لله