- مرحبا يالعرب المسافرون
مرحبا يالعرب المسافرون
انا حاليا في سويسرا الجميله تحديدا في منطقة مونترو... الاجواء حلوه والجو مش طبيعي بس اليوم الشمس هلكنا منها حدها قويه بس الجو رهيب البراد الحلو بس يلسع الصبح والخريف بدا اشوف الشجر بدا يتلون بس بشكل خفيف .... امس رحنا انترلاكن وهاذي المره الثالثه اللي ازورها فيها وماحبيتها ابدا ابدا ابدا وحتى طبيعتها ماعجبتني جبالها كلها اشجار طويله مب مسطحات خضرا ومافيها شي يستاهل وسنترها سخيف هذا رايي يمكن لاني شفت اماكن كثيره علشان كذا مب اي شي بسهوله يرضيني ماعرف .. بعدها رحنا وينجن بس للاسف سكرو بعدين رحنا قريه Grindelwald حبيتها حلوه وممتعه ... رحنا كذا مكان في يوم واحد سويسرا صغيره ورحنا بيرن لثاني مره بعد حلوه اول مره زرتها كان في الثلج وهاذي ثاني مره بعد اشوفها حلوه وتدخل القلب شرحه تحسونها ستايل قريه على مدينه مادري اشلون اوصفها بس حبيتها
انصحكم اتروحون LA Gruyere فعلا حلوه وطبيعتها مش طبيعيه واللي لاحظته في سفرتي هاذي لسويسرا في منشورات عربيه في الاماكن السياحيه والشعب اللي في قطاع جنيف خلوق ومحترمين اكثر من اللي صوب زيورخ ومصانع الشوكلاته مارحنا لها احس سخافه اروح اشوفهم يسون كافي
اليوم رحنا شامونيه المنطقه حلوه لاباس بها طريقها يخلي الاذن تفتح وتسكر لانها مرتفعه .. احس تصلح للي يحبون المغامره اكثر من غيرهم وركبنا الزحليقه الصيفيه بس بصراحه تخرع مب مثل اللي في سلفادن اللي في زيلامسي لاني احس سلفادن احلى وممتعه اكثر.. وبعد شامونيه رحنا انسي ماانصحكم اتروحون لها في الويكند ياربي الزحمه خياليه الناس والله نمل مب قادرين نمشي من كثرهم المنطقه امبين حلوه بس الزحمه اظلمتها ومن شوي كنا بنتعشا في مطعم القصر الايراني في مونترو الساعه 9 قالنا خلاص بنسكر من قلب بدري رحنا لمطعم ايطالي واحلى شي في الموضوع ان في واير لس صوب البحيره لان واحنا في المطعم شبك ويوم قمنا وتمينا نمشي صوب البحيره بعد كان شابك مافصل يعني تقدرون تفتحون البلاك بيري والتويتر وكل شي
وبكره بعطيكم تفاصيل يومي انتظروني
رحلة سعيده ،،،
استمتعي بوقتك وبالاجواء السويسرية وعيشي يومك
تتهنون ان شاء الله برحلتكم وفي انتظار المزيد من التفاصيل عن يومياتك السويسرية