القصيم المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
dehraan
09-12-2022 - 03:00 pm

أيها الإخوة والاخوات الاعزاء .....
تقريرنا اليوم من منطقة القصيم الغالية
وبالتحديد من محافظة البدائع
مدينة البدائع مدينة الروائع
مدينة الماء والغذاء والدواء
ترتاح نفسياً من أول مرة تدخلها
مافيها زحام ولا إشارات
نوافير الماء والشلالات في في كل الشوارع والمنتزهات
الحدائق كثيرة ومنتشرة في أغلب المواقع وليست أي حدائق
حدائق تم إنشاءها بإحترافية وأسلوب عصري وجميل ومن يزور المدينة يلاحظ ذلك مباشرة
الناس في البدائع يحرجونك بكرمهم وبطيبتهم وتعاملهم
بالمختصر أنصح بزيارة هذه المدينة الجميلة وخصوصاً مهرجان التمور في الوقت الحالي
والذي يبدأ من بعد صلاة العصر كل يوم حتى صلاة المغرب
علما أن المهرجان رسميا يستمر إلى 20 من هذا الشهر لكن البيع سيستمر حتى ينتهي موسم التمور
السوق ليس بحجم سوق بريدة أو عنيزة ( أصغر وأبسط ) ولكن أضمن لكم جودة التمور المعروضة هناك وبأقل الأسعار
والحمد لله كل سنة أمر جميع مهرجانات التمور بالقصيم لكن دائماً آخذ التمر من البدائع لسببين الجودة والسعر
وهذه السنة وكما هي العادة مررت على صديقي الغالي ( أبو راكان ) وهو من المتعاملين بالتمور ومن الأشخاص الذين أثق بهم تمام الثقة
وعلى مدى يومين أخذت التمر اللي أبي وعبيت الثلاجات في الديرة ( محيرقة ) وفي ( حفر الباطن ) وبأسعار منافسة وجودة لا تضاهى
وطبعاً أبو راكان الله يحفظه يقول أي أحد من ربعك أو أخوياك يحتاج تمر ترانا بالخدمة يدقون علينا ويبشرون بالخير ( رقمه في أحد الصور المعروضة )
ما نطول عليكم خلونا ناخذ جولة في السوق مع حبيبنا أو راكان وولده رائد والشاب عبد العزيز واللي أحرجونا الصراحة بطيبهم حتى التمر حملوه بالسيارة وصفوه ولا خذو شي يقولون هذي هدية منا لراعي القويعية بس أهم شي تجينا كل سنة بالسوق , عسى الله يحفهم ويطرح بهم البركة
ملاحظة ( الصور التقطت يومي الأحد والأثنين الماضيين )
سعر كرتون السكري حوالي ( 4 إلى 5 كيلو ) من 80 ريال إلى 130 طبعاً هذا الناهي اللي ما بعده
وهذا حسب اللي شفت في السوق خلال اليومين وحسب كلام أبو راكان
في عنيزة وبريدة فيه أنواع فاخرة ولكن أسعارها مرتفعة جدا من 250 وفوق حسب السوق هاك اليوم

يتبع ..... يتبع


التعليقات (6)
dehraan
dehraan

يتبع ..... يتبع

dehraan
dehraan

يتبع ..... يتبع

dehraan
dehraan

وفي الختام تقبلو أعذب تحية من أخوكم ومحبكم أبو فارس

أبو فيصل 2007
أبو فيصل 2007
يعطيك العافية اخوي ابوفارس على التقرير وعلى يكفي صورة الرجال الشقردي الله يرزقه ماشاء الله السوق رايق وما فيه زحمه والاسعار معقوله في الرياض السكري طالع فوق 200 وما بعدها !!!

بوحميـــــــــد
بوحميـــــــــد
الف شكر لك على التغطيه الرائعه
تحياتي لك

فيصل
فيصل
لا هنت علي التقرير ابوفارس
البدائع ارضها اغلبها طينيه والسكري افضل انواعه بالارض الرمليه
وتتوقف ايضا علي المزارع لا أخفيك
اللسيب والغماس (بريده) السكري فيها افضل من كل مناطق القصيم
عنيزه طيبه بالحيل تمورها
ما أدري علي أي اساس حكمه علي جوده تمر البدائع
ياليت نشوف تقرير بريده


خصم يصل إلى 25%