بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



Mashael alrouqi Mashael alrouqi
korea 2012
16-12-2014 - 03:52 pm

السلام عليكم و رحمته الله و بركاته

إلى ( كوريا الجنوبيه )





سأحكي لكم زيارتي إلى كوريا الجنوبية و اتحدث عن تفاصيلها و سأزودكم بالصور و المعلومات
في النهاية راح اعطيكم ملاحظات و بعض الاخطاء الي سويناها
.
.
.





المشاركات

Mashael alrouqi Mashael alrouqi
korea 2012


كانت الرحلة على الخطوط الاتحادية من مطار الملك فهد الدولي بالدمام إلى مطار ابوظبي إلى مطار انشيوان
وكان الانتظار في مطار ابوظبي ساعتين

من ( الدمام ) إلى ( ابوظبي )


من ( ابوظبي ) إلى ( سيؤول )
هنا بدينا ندخل على شرق اسيا لان عندهم ليل و احنا العصر سبحان الله الفاصل ين النور و الظلام




وصلنا لسيؤول الساعه 10 ليلاً
وكان بأنتظارنا سيارة الفندق لأن اتصلنا على الفندق قبل سفرنا و اتفقنا معاهم اننا نبي سياره من فندقهم
الفندق اسمه : Fraser Suites Insadong
وهذا الرابط في موقع Booking

http://www.booking.com/hotel/kr/fraser-suites-insadong-seoul.ar.html?aid=1300939;label=bookings-naam-Q2baxLPfjqBIpLENLTYbvgS5979554598%3Apl%3Ata%3Ap1%3 Ap2230%2C000%3Aac%3Aap1t1%3Aneg;sid=98d0872737e46a 26295a3c5aab513df2;dcid=1;checkin=2012-10-04;checkout=2012-10-11;in_a_group=on;widened_group=1;group_adults=2;gr oup_children=1;age=11;group_adults=2;group_childre n=2;age=11;age=9

بس .. الحقيقه الصور في الموقع مختلفة عن الواقع
الفندق : الغرف نظيفه , الخدمة ممتازة , الموقع جداً رائع , السعر غالي جداً
بس يستاهل ههههههه



ما صورة الجناح بس صورة من النافذة لان كان الجو مغيم ^_^



كنا بالدور 13 : $

.
.

يتبع


Mashael alrouqi Mashael alrouqi
korea 2012


اليوم الاول :.
بعد ما فطرنا نزلنا نكتشف منطقة " Insadong " ب صراحة سوقهم خطير و في مقاهي و مطاعم كثيرة
بعدها رجعنا الفندق و طلبنا تاكسي و رحنا " Korean Folk Village " تبعد عن الفندق ساعة و نص
طبعاً في رسوم ل دخول بس ناسيه كم !! ..
المهم اخذنا من ماك و تغدينا في القرية وَ هذي بعض الصور
هنا تغدينا المكان شيء و الجو حلو


طبعا المكان جدا رائع و فيه محلات بيع للاغراضهم التقليديه و التذكارات و في محل لتصوير تلبس ملابسهم التقليديه و يصورونك احنا صورنا 4 بـ 60 ريال تقريباً
و في عروض مثل بالصوره عرض تقاليد الزواج بالكوريا
و في مطاعمهم التقليديه و متاحف لدول و العاب ترفيهيه
.
.


Mashael alrouqi Mashael alrouqi
korea 2012


اليوم الثاني :.

رحنا أول (Itaewon street ) تغدينا في المطعم الهندي كان بوفية مفتوح حلو ب الصراحه اكلهم
بعدها قضينا من سوبر ماركت تلقون على اللوحه مكتوب حلال يعني اسلامي
يوم طلعنا و يعطينا الهندي موظف هناك عصيرات على عددنا مجاناً وبعدها اخذنا خبز و كيك من مخبز لبناني
بس الصراحه لا تفوتكم خبوز الكوريه شيء طعمها خاصه التوست إلي في سوبر ماركت سيفن إليفن

بعدها رحنا لمجمع كوكس ( COEX Mall ) رهيب
بس ما شفناه كثير و نصيحه لا تروحون له وقت الويكند لانه زحمه حيل
بس اذا تبون تقضون منه حلو
و هو بعيد بعد يعني ساعه و نص من الفندق
المهم .. تمشينا و دخلنا معرض الأسماك







.
.


Mashael alrouqi Mashael alrouqi
korea 2012


اليوم الثالث :.

قررنا نروح جزيرة نامي ( Nami Island )
هذي الجزيرة جداً جداً جداً رائعه
فيها العب مائيه حلوه و سياكل غريبه
احنا اخذنا سيكل ثنائي و رباعي بس نسينا نصوره لان يالله تحركنا و تعبنا واحنا ندفه ههههههههههههههههههه بس ب الصراحه يونس


الجزيره اما تروح بقطار او سياره
احنا رحنا بالسياره
بعدين تروحون تاخذون تذكره عشان تركبون القارب هو إلي يوصلكم لل جزيرة
















































و بعدها ..

رجعنا للفندق و طبخنا الكبسه ههههههههههههههههههههه



.
.


Mashael alrouqi Mashael alrouqi
korea 2012


اليوم الرابع :.
الذهاب إلا اكبر مدينة ألعاب الترفيهيه ( Everland)
بعيده بعد ههههههه كل شيء بعيد
رسوم الدخول غالي شوي بس تستاهل
لان كل الالعاب نلعبها ببلاش و ب صراحه
تستحق الواحد يروح لها يومين مو نص يوم و لا يوم
و انا اتوقع و كأني شفت فندق اذا في اسكنوا فيها يومين لان اذا تحبون الالعاب و السوق
تحتجون يومين
من ناحية الاكل في مطعم يبيع برجر جنب لعبة الوحوش على ما اذكر
رهيب و الصوص شيء


رحله مدرسية







هذا محل ب صراحه لا تفوتكم كل المحلات إلي هناك
اشياء غريبه يبيعونها


هذا الاستعراض روحوا وراهم لانه بيروحون ساحة كبيره و يسوون مسرحية
ولا تفوتكم






.
.




Mashael alrouqi Mashael alrouqi
korea 2012


اليوم الخامس :.
الذهاب إلى برج سيؤول (N Seoul Tower )
قريب من الفندق ربع ساعه
التذاكر معقول سعرها يمكن حدود 200 لــ 7 اشخاص
المحلات حلوه البرج عدة طوابق







هنا تركبون مصعد و يكون فوق شاشه تابعون لين ما توصلون بالسلامه ههههههههههههههه



هنا من فوق البرج هذي سيؤول ^.^






هنا لا تفوتكم اكتبوا و علقوا
احنا كتبنا و علقناها و جو كوريين يحاولون يقرون إلي كتبناه ههههههههه






هنا معرض الدببه بس مصغر عن الموجود في جزيرة جيجو


هنا رسم الأشخاص راسمين ابو متعب ^.^


هذي مجلة المشاهير شريتها من البرج


.
.


Mashael alrouqi Mashael alrouqi
korea 2012


اليوم السادس :.

ذهبنا إلى
Lotte World
يوم واحد يكفي
فيها استعراض و هي ملاهي داخليه و خارجيه اذا خلصتوا من الداخل روحوا اتوقع على الدور الثالث و اركبوا تلفريك يوديكم للخارج او تقدرون من الدور الثاني في جسر يوصلكم للملاهي الخارجيه
الملاهي الخارجية حلوه للكبار و في للصغار
بس ب الصراحه نسيت اصور ههههههههههه

المهم بعد ما تخلصون ارجعوا للداخل و روحوا لمجمع لوتي في تزلج بالدور الارضي و بالدور الثاني فيه مطاعم و محلات و في معرض المشاهير ملابسهم و اغراضهم
اتوقع اسمه ( Date free )
و انصح البنات او نون النسوه ككل في الدور الارضي عند ساحة التزلج في
محل كبير مكياج و اكسسوارات تراه شيء و اسعاره معقوله جداً
واحنا يوم جينا كان في تخفيضات و الاسعار رخصة اكثر

.
.


Mashael alrouqi Mashael alrouqi
korea 2012


الملاحظات :.

اول شيء من ناحية الاكل احنا جبنا عدتنا و اكلنا


الفطور من بوفيه المطعم و مرات اذا ما نزلنا نسوي لنا ساندويتشات على السريع

الغداء و العشاء
مره من ماك
و الباقي كله من دومينوز بيتزا و بيتزا هت
شيء عندهم احسن من فروعنا
و يعطونكم صوص تاكلونه مع البيتزا خطير



المواصلات :
تاكسي , نوعه : فان الاسود اتوقع جامبو
ما استخدمنا الميترو لان معانا اخوي من ذوي الاحتياجات الخاصه
بالصراحه التاكسي عندهم يرد الروح
غالي صراحة ً بس احنا كنا ناخذه و نقوله انتظرنا
كيف نطلبه ؟
ننزل عند الرسبشين و نقولهم وين نبي نروح و الوقت وهم يدقون على التاكسي
و اول ما يجي نادوا السائق و خلوا الرسيبشن يشرح له

..
التكاليف ؟

بالصراحه الدوله مو غاليه غاليه و لا رخيصه مثل تايلند عاديه
السوق ب صراحه حلوه اسعارهم

باليوم تقريبا نصرف حدود 1200 ريال تقريباً
..

معلومات : كان عددنا 7 اشخاص
مع اخوي إلمقعد بصراحه الطيران كان جداً مهتم باخوي و براحة العائله
هذي معلومه للاشخاص المقعدين او كبار السن اذا انت تبي كرسي متحرك
وانت راكب الطياره قول لحد الملاحين انا ابي كرسي متحرك يستقبلني اول ما نوصل و هم يقولون لهم
..
الجو : كان معتدل ممطر
..

اذا كنتوا تبون معلومات اكثر و امكان اكثر في موقع كوريا للسياحه
انا بصراحة استفدت كثير منه و من برنامج كوري اسم ( running man )

..

الاكل الكوري : احنا ذقنا الاكل نزلنا تحت الفندق و قالوا لنا في مطعم جنب الفندق
قلنا له نبيه اكل بحري و اهم شيء نذوق الكميشي
ب صراحه عطانا اندومي يهبل طعمه
و الكميشي حلو طعمه و حار
..

اللغه : ضعيف الانجليزي
يعني يعرفون رؤوس اقلام اهم شيء انكم تعرفون بالكوري
شكرا اسف لا نعم

..

الدوله تستحق اكثر من اسبوع
بس احنا اخذناها 10 ايام ترى فارق الوقت يلعب دور لا تنسونه
يروح يوم كامل و انتم بالسماء هههههههههه
وفي ايام راحت و احنا بالسوق و نتمشى ب سوق انسا دونق
و
كانت السفره تخطيطها بالامد القصير بشهر قررنا
..

حطيت لكم في المرفقات ملف فيه جدول اذا تبون تمشون عليه و لغتهم و ترجمه معاه
و العملة و خريطه و ارقام تليفونات
هذا كله انا حطيته بملف و شايلته معي هههههههههههههههه
..

اتمنى اني افدتكم ب المعلومات ^.^


فيصل فيصل
korea 2012


وعليكم السلام ورحمه الله وبركاته
الحين ما فيه شيء قريب يعني او مكان يتوسط
هل السواقه عندهم متبعه ولا مثل شوارعنا حلوه
1200 لـ 7 باليوم جدا مناسب
يعني الديره تستاهل
شكرا لك



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

korea 2012