تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عبير ~
25-05-2022 - 12:45 pm
السلام عليكم
زواجي ان شاء الله راح يكون في شهر اكتوبر
بعد البحث وقراءة التقارير سويت هذي الخطه
احتاج اعرف رأيكم فيها
التخطيطالرياض لإسطنبول
اسطنبول 4 ايام
طرابزون يومين
اوزنجول 3 ايام
والعوده إلى اسطنبول يومين ثم العوده للرياض
مجموع الأيام = 11 يوم
حاولت اقللها اكثر من كذا بس احس هذي اقل شي عشان نستمتع
اسطنبول
افضل فندق لقيته من ناحية الجوده والسعر والمكان هو هذا
سعر الإقامه فيه 4 ايام 3 ليالي 2252 ريال يتضمن الإفطار
هنا في بوكنق
سعره 422 ريال يتضمن الفطوراوزنجولثلاث ايام
لأن المنطقه ريفيه وخضرا اغلب الفنادق بسيطه يمكن هذا احسن شي لقيته
ب 565 ريال يتضمن الفطوروبعدها اسطنبول يومين وللراحه وبعدها نرجع الرياض
هذا الفندق كويس بعد في اسطنبول
ب 1174 ريال يشمل الفطور
كذا يصير تكلفة السكن
تقريبا 4500 ريال
تكلفة التذاكر :من موقع الخطوط جربت لو حجزنا من الرياض لأسطنبول 17 اكتوبر والعوده 28 اكتوبر يصير سعر التذاكر
الخطوط السعوديه مافي حجز ابدا
الخطوط القطريه حسبها لنا التذاكر رهاب وعوده تقريبا 6200 ريال
اجمالي السكن والتذاكر10700 ريال
  • هل عندكم اقتراحات ؟؟

اماكن الفنادق اللي حجزنا فيها كويسه وفي حولها اماكن حلوه ؟
مع العلم ان يهمني ان الفندق يكون كويس ونظيف وخدمته ممتازه ويشمل وجبة الإفطار
لأني استمتع بالفنادق
  • كم تتوقعون تكلفة الأكل والتمشيات والنقل ؟ مع العلم اني افضل نستخدم السيارات العامه ومانستخدم النقل الخاص ابدا

اتمنى مساعدتكم , دايم لما احجز يكون معي احد استشيره بس هالمره انا سويت كل شي عشان كذا متخوفه
شاكره لكم


التعليقات (9)
# أبو نورة #
# أبو نورة #
اللهم بارك لهما واجمع بينهما بخير
الف مبروك
بالنسبة للجدول
على طول روحي طرابزون و اوزنجول
وخلي اخر ست ايام باسطنبول
بتكون السالفه متعبه عليك
ترتيب ولم الشناط متعب جدا
بالنسبة للتنقل العام بصراحه روعه وافضل من النقل الخاص
بس لو تفهمين خريطة التنقلات العامه بتشوفينها سهله ومريحه
وكذلك اختصار للوقت
وبالنسبة لمتوسط المصروف اليومي اتوقع 1000 ريال كافيه
ولكن مع النقل الخاص اتوقع يتضاعف
بالنسبه للفنادق حاولي تركزين على الفنادق بتجارب الاعضاء
لأنه اغلب الفنادق غامضه والواحد ما يعرفهم الا بالتجربه
سعر التذاكر غالي
بشهر اكتوبر بالخطوط السعوديه نصف هذا السعر
وان شاء الله يفيدونك خبراء تركيا
أتمنى لكم دائما قضاء اوقات سعيده وجميله

SULTAN SALEM
SULTAN SALEM
اختي العزيزة عبير
اولا : مبروك الزواج مقدما
ثانياً :هذي اول مشاركة لي بالمنتدى بالرغم من المتابعة الجيدة لهذا المنتدى الرائع .
ثالثا : بحكم سفري الى تركيا العام الماضي استطيع ان اعطيكي بعض المعلومات اللتي ان شاء الله تكون مفيدة بالنسبة لكم وهي:
اولا : انصحكي بالبحث عن الفنادق التي تقع بمنطقة السلطان احمد بحيث تكون قريبه جدا من المزارات ومتوفرة فيها جميع وسائل المواصلات والمطاعم الراقيه وفوق هذا الهدوء التام والامان .
اما في طرابزون مافي غيرة ( نوفتيل ) انصحك فيه وبقوة خاصة وانتم عرسان بس اخذوا غرفة مطلة على البحر الاسود
وانصحكم باخذ تاكسي من مطار طرابزون الى وسط البلد حيث هناك اجار السيارات رخيصة جدا ارخص من المطار بكثير انا استاجرت سيارة مدة 7 ايام بالف ريال بس البنزين فل ب350 ريال بس فيه بركة سبحان الله
زورو اوزنجول بلدة جميله وكذلك فيه مطعم جميل في بلدة صامويلا اتمنى تتغدون فيه حيث تستمتعون بالاكل والنهر يجري من تحت اقدامك ههه .وكذلك بحيرة سيرا قول في طرابزون لاتفوتكم تركبون مركب تجديف وتفحطون وسط البحيرة روعه
اي استفسارات اخرى احنا موجودون ولا خوف باذن الله في تركيا بلد امن وامان

sheriok
sheriok
عبير ~
التخطيطالرياض لإسطنبول
اسطنبول 4 ايام
طرابزون يومين
اوزنجول 3 ايام
والعوده إلى اسطنبول يومين ثم العوده للرياض
مجموع الأيام = 11 يوم
حاولت اقللها اكثر من كذا بس احس هذي اقل شي عشان نستمتع
اسطنبول
افضل فندق لقيته من ناحية الجوده والسعر والمكان هو هذا
سعر الإقامه فيه 4 ايام 3 ليالي 2252 ريال يتضمن الإفطار
هنا في بوكنق
سعره 422 ريال يتضمن الفطوراوزنجولثلاث ايام
لأن المنطقه ريفيه وخضرا اغلب الفنادق بسيطه يمكن هذا احسن شي لقيته
ب 565 ريال يتضمن الفطوروبعدها اسطنبول يومين وللراحه وبعدها نرجع الرياض
هذا الفندق كويس بعد في اسطنبول
ب 1174 ريال يشمل الفطور
كذا يصير تكلفة السكن
تقريبا 4500 ريال
تكلفة التذاكر :من موقع الخطوط جربت لو حجزنا من الرياض لأسطنبول 17 اكتوبر والعوده 28 اكتوبر يصير سعر التذاكر
الخطوط السعوديه مافي حجز ابدا
الخطوط القطريه حسبها لنا التذاكر رهاب وعوده تقريبا 6200 ريال
اجمالي السكن والتذاكر10700 ريال
  • هل عندكم اقتراحات ؟؟

اماكن الفنادق اللي حجزنا فيها كويسه وفي حولها اماكن حلوه ؟
مع العلم ان يهمني ان الفندق يكون كويس ونظيف وخدمته ممتازه ويشمل وجبة الإفطار
لأني استمتع بالفنادق
  • كم تتوقعون تكلفة الأكل والتمشيات والنقل ؟ مع العلم اني افضل نستخدم السيارات العامه ومانستخدم النقل الخاص ابدا

اتمنى مساعدتكم , دايم لما احجز يكون معي احد استشيره بس هالمره انا سويت كل شي عشان كذا متخوفه
شاكره لكم
الف مبروك الزفاف السعيد و إن شاء الله رحلة شهر عسل موفقة
انصحك بتغيير فنادق إسطنبول
عندك فندق رائع بالسلطان احمد اسمه
kalyon hotel
و فى تقسيم
ارشح لك بعض الفنادق تراجعيها على البوكينج
Marmara taksim hotel
innpera hotel
cvk hotels taksim
هذه فنادق مميزة و موقعها رائع - السعر يتفاوت حسب مستواها
انصحك تراجعى هذا التقرير لتنظيم جدولتكم السياحية
https://artravelers.com/p/re/707507

عبير ~
عبير ~
# أبو نورة #
الله يبارك فيك يارب
شاكره لك
بالنسبه لأسطنبول 6 ايام اخر شي ما أفضل هذا الشي لسببين
1- احس ان اكثر من 4 ايام بيكون ملل
2- ماعندي مشكله في العفش
3- بيكون حوسه لو جيت على طول على طرابزون وريحت يوم وبعدها اوزنجول ماحسيتها حلوه
بالنسبه للخطوط السعوديه
للأسف الموقع يقول مافي حجز وش يعني مافي طريقه
هل في خطوط ثانيه ارخص طيب ؟
شاكره لك أبو نوره

عبير ~
عبير ~
SULTAN SALEM
يعطيك العافيه
راح اشوف الفنادق اللي في منطقة السلطان أحمد
بالنسبه لصامويلا وينها بأي منطقه ؟
شاكره لك

عبير ~
عبير ~
sheriok
شكرا لك يعطيك العافيه أفادتني جدا مقترحاتك : )
بس الفندقين
innpera hotel
cvk hotels taksim
مالقيتهم في بوكنق !!

SULTAN SALEM
SULTAN SALEM
قرية صامويلا تبعد عن مدينة طرابزون 50 كيلو تقريبا جنوب
طريقها بيكون من خلف مجمع الفورم بطرابزون
تمرون على بحيرة سيرا قول لاتفوتكم

عبير ~
عبير ~
SULTAN SALEM
يعني هي بين طرابزون واوزنجول ؟

SULTAN SALEM
SULTAN SALEM
نعم بس طريقها ثاني يختلف


خصم يصل إلى 25%