- الوردي (للنساء فقط)
- ( اذا نسيت لون ياريت حد يصححلي)
السلام عليكم ورحمة الله وبركاته
شحالكم عسآاكم بخير
الكثير من السياح والأخوان الزائرين لدبي يتخذون التاكسي كوسيلة تنقل , وتصادفنا احيانا مواقف مثل انه ننسى اغراضنا داخل التاكسي, تلفون, محفظه , اكياس , ألخ
وانت تنزل من التاكسي ولا تعرف رقمه ولا شي والتاكسي راح في حال سبيله
هيئة الطرق والمواصلات في دبي تقدم مشكوره خدمة الابلاغ عن المفقودات عن طريق الاتصال على الرقم 8009090
تتصل وتتبع التعليمات الصوتيه, وبيسألونكم عن بعض الاشياء
قبل لا اذكرهم, للعلم شركات التاكسي في دبي تتقسم ل 5 شركات وكل شركه لها لون تجده على سقف التاكسي وهم
الازرق
الاخضر
الاحمر
الاصفر
الوردي (للنساء فقط)
( اذا نسيت لون ياريت حد يصححلي)
وكل ما اعطيتهم بيانات اكثر كل ماقلصت دائرة البحث, مثلا لو كنت تذكر الشركه سيتم الرد عليك خلال 24 ساعه و اذا ماتذكرها فسيتم اجراء بحث شامل على الشركات وقد يستغرق اكثر من ذلك, نوع السياره, رقمها, اسم السائق, والأسئله بتكون كالتالي :
- وقت ركوب التاكسي و وقت النزول
- مكان الركوب ومكان النزول
- تكلفة العداد
- مواصفات المفقود هل هو كيس او شنطه وشو لونه وشكله
وبعدها تترك رقمهم عندك ويرسلون لك رساله فيها رقم البلاغ وتقدر تتواصل معهم لمتابعة الموضوع, وهم بدورهم وعن طريق اجهزة التتبع فالتاكسي يعرفون وين وقف ومشى وراح, اهم شي دقة المعلومات قد ماتقدر
شي بسيط مريت فيه فالايام الي راحت, وحبيت افيدكم فيه ونقدم شي بسيط لهذا المنتدى الرائع
تحيآاتي اخوكم بو حآأرب
شكرا لك