السلام عليكم ورحمة الله وبركاته الصراحة كان المفروض انزل هالموضوع من فترة لكن انشغلت وقلت لازم انزله هالفتره قبل اجازه نص السنه يكون الناس تنتبه ..
سلمكم الله هالفندق 4 نجوم ومره اخونا ابو عمر ذكره من ضمن الفنادق الي في كابرون ، وقسم بالله يا اخواني ما كتبت هالسالفه الا يكون تتحذرون وتحذرون الي تعرفونه ورايح لهالفندق ،
السالفة الي صارت لي بداية شهر 3 الي طاف ، بدينا فالحجوزات وخلصناهم الا حجز كابرون تاخرو علي وكنت حاجزة في فندق Auhof وعادة قبل لا احجز اتصل على الفنادق او اتصل فيهم عقب الحجز ،فاللي صار مع هالفندق طرشت لهم ايميل على اساس ايميل الحجز وفيه رقم الكريتد كارد لانه مطلوب وانتظرتهم يطرشون ايميل تأكيد الحجز مثل كل الفنادق بس هذيل ماردو!
فعلى طول اتصلت عليهم وخبرتهم قالولي مب مشكله الحين السستم خربان ومايوصلنا شي ، انتظرت اسبوع اسبوعين وكل ما اتصل يقولون السستم خربان وماشي حجوزات ،
فيوم حسيت السالفه مطوله سويت لهم طاف وحجزت في فندق ثاني وهو Kaprun Mountain Resort وعلى طول طرشولي ايميل تاكيد الحجز وقلت خلاص الحمدلله خلصنا حجز ..
المهم وخلال اقامتي في كابرون وبالضبط تاريخ 1-7-2012 وصل لي مسج خصم بمبلغ 10 الاف درهم تقريبا من الكريتد كارد والي ساحب هالمبلغ الفندق الحرامي Auhof ، واتصلت عليهم على طول قالولي انه انت كنت حاجز عندنا وماييت وماكنسلت الحجز حتى!! قلت لهم شو هالكذب انا كنت اتواصل معكم فتره وكله تقولون السستم خربان وماشي حجوزات لين يتصلح السستم!
وخبرتهم اني فكابرون وفي فندق ثاني ومب من المعقول الواحد يكون مغفل ويحجز في فندقين في نفس الفتره وفي نفس القرية ، المهم الجماعه انكروا هالكلام ( وقالو السستم ولا مره اخترب معنا واحنا طرشنا لكم ايميل تأكيد الحجز مالكم)،
وطبعا يوم صدموني بهالافتراء خبرت السفاره وقلنا لهم الايميلات كلها موجوده عندي ومافي ايميل ابدا وصلني يخص تأكيد الحجز والشرطه تقدر اطلع كل الايميلات سواء المحذوف او الموجود وبالعكس من ضمن الايميلات الي عندي كنت انا مطرشه لهم اقولهم شو السالفه انا طرشت لكم ايميل الحجز وفيه رقم الكريتد كارد لكن ايميل تأكيد الحجز ماوصلني للحين؟
، ولو كان بالفعل واصلني تاكيد الحجز طبيعي كنت بسكت لانه الغلطه بتكون بالفعل غلطتي اني ماكنسلت الحجز . ويوم تواصلت معهم السفاره وطلبو منهم دليل انهم طرشو لنا تأكيد الحجز الي كان مسؤول عن الخصم قعد يستهبل ومره يقول المالك محد ومره يقول مدير الفندق محد وكلها حركات تهرب ووصلت فيهم المواصيل مايردون على السفاره ومع التهديد وغيره قالو انهم بيرجعون ربع المبلغ ،
وطبعا لانه الغلطه غلطتهم الموضوع للحين ما انتهى الين يرجعون المبلغ كامل هالحرامية.
وغالبا الفنادق حتى يوم بتخصم بتخصم نص المبلغ عالاقل مب كله كامل ، بس بصراحة كرهتهم وكرهت كابرون وياهم من الافتراء الي شفته .
وللاسف انا كنت مصدقه كلامهم انه السستم خربان ومايوصلهم شي فعشان جي مايا ف بالي اطرش ايميل اكنسل فيه الحجز لانه يوم اتصلت عليهم فشهر 3وصلولي فكره انه اساسا مافي حجز عشان تكنسلين،
وماقول غير حسبي الله ونعم الوكيل عليهم يعني سرقه عيني عينك البيزات ماعليه تولي تروح واتي بس الي يقهر كيف استخفافهم بالناس ومكرهم الفضيع وقلت لهم على هالحركه انا راح احذر الكل منكم لانكم عصابه حراميه مب فندق 4 نجوم..
ف ديروا بالكم ولا اطيحون فنفس الموقف الي طحت فيه مع هالعصابه الوقحة