وعليكم السلام ورحمة الله
ابد مافي مشاكل من ناحية دخول النمسا بفيزا تشيكية
جربتها قبل شهر والامور تساهيل
بس الرحلة كانت من دبي لفيينا
اما موضوع الترانزيت في امستردام واحتمالية التعقيد ياريت احد مجرب ويفيدك
الله يسهل امورك ويسرها

ربي يعطيك ألف عافيه اخوي ماجد..
مثل ما توقعت إن ممكن النمسا الدخول فيها بالفيزا التشيكيه بيكون الوضع اوك..
لكن الخوف من محطة الوصول الأولى إمستردام, يدقق في موضوع الفيزا..
ننتظر باقي الاخوان..
تحياتي

الله يعافيك ياخوي
بحثتلك عن احد تجارب الاعضاء في احد المنتديات نفس حكايتك الفيزا من التشيك والوجهه لفيينا عن طريق ترانزيت في امستردام يقول وقفوه في المطار ثلاث ساعات وحققو معه وفي الاخير سمحوله
نصيحتي اذا تقدر تغيير الخطوط يكون افضل

اخوي الكريم الفيزا له شروط
اما ان تكون اول محطه لك هي التشيك دام انك استخرجتها من السفاره التشيكيه
او ان عدد الايام بالتشيك اكثر من عدد الايام في في النمسا اي يجب عليك ان تكون لك زياره فالتشيك وبمعدل ايام تزيد عن باقي الدول

أخي العزيز ماجد,
أشكر لك متابعتك واهتمامك في الموضوع..
نعم تو الان سويت بحث بقوقل, ولقيت الموضوع اللي قلت عنه,
الشخص اللي وقفوه 3 ساعات وتحقيق و..
بالنسبه لتغيير خطوط ال klm .. للاسف انا حاجز من زماان وبعرض مره حلو, وبصراحه السفر بهالخطوط متعه..
معناها المفروض اغير الفيزا التشيكيه , انا لسه ماطلعت من عندهم, بس كلمت مكتب وعطاني سعر حلو فقلت شكلي باخذ منه..
الله المعين..أخي الف حرف,
الف شكر لك,
طيب ينفع لو اسوي حجز فنادق لعدد من الايام للتشيك, ثم لما استلم تأكيد حجز الفنادق الغي الحجز؟
بحيث ان لو سالوني جوازات امستردام, ابلغهم ان وجهتي لفينا, ثم للتشيك!! حسب رأي بعض الشباب...
علماً اني في 2010
سافرت عن طريق الخطوط الهونلديه..
متجه لروما, وفيزتي كانت فرنسيه..
مجرد سألوني المطار, وين متجه قلت لهم روما للسياحه.. ومشيت من غير اي كلام..
لكن مو كل مره تسلم الجره..
تحياتي اخواني

اخي العزيز كيف بتحجز بالتشيك وانت عدد ايامك موزعه على هولندا والنمسا
وبتقدم تذكره الطياران وعدد ايامك مثل عدد ايام التذكره
اذا ماطلعت الفيزا طلها على الهولنديه او النمسا
وريح بالك
وعلى فكره الحجز الوهمي وهالامور عليها غرامه ومنع دخول اوربا لمده ثلاث سنوات الي اربع

بصراحة ولا يزعل مني أحد
سنضل نتجاوز الأنظمة ونخالف والبركة في بعض أصحاب المكاتب السياحية حتى تفرض علينا السفارات إجراءات مشددة

أخي العزيز الف حرف,
الف شكر لك,
نسيت أوضح, إن وجهتي لهولندا مجرد (ترانزيت)
الدمام - إمستردام (ترانزيت) ثم فيينا
والعوده, ميونخ - إمستردام ترانزيت ثم الدمام
يعني امستردام مجرد ترانزيت.. صاحب المكتب يأكد لي ان بما انك مجرد ترانزيت ماراح يدقق على الفيزا كونها تشيكيه والله أعلم..
ومعاك حق راح الغي فكرة الحجوزات الوهميه , يالله المستعان..أخي العزيز أبو خالد
أول شي حياك الله عزيزي, وعاش من شافك..
وقفتك معاي السنه الماضيه في تخطيط السفر لإسبانيا ما انساها..تحياتي الحاره لك..
وكلامك ما ينزعل منه, دائما نتجاوز الأنظمه..خصوصا ان احنا نتحمس لما نسمع فلان سافر دوله معينه بفيزا من دوله اخرى من غير مشاكل..
لكن راح احاول اشوف لي وقت اروح للسفاره النمساويه مباشره..
تحياتي لكم

بصراحة ضيقتو صدري
رحلتي في سبتمبر وكل حجوزات غير قابل للاسترجاع
تكفون ارفعوا المعنوية شوي