بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



Ahmed99sa Ahmed99sa
هل مدة ساعة ونص كافية لإنهاء إجراءات السفر في مطار الملك خالد بالرياض
10-05-2014 - 02:32 pm

صباح الخير للجميع ..

عندي رحلة إلى تركيا إقلاعها من مطار الملك خالد الساعه 11:10 صباحاً
وانا من منطقة غير الرياض وطائرتي توصل إلى مطار الملك خالد بالرياض 09:10 صباحاً
يعني من أنزل من الرحلة الداخلية وأتجة إلى الصالة الدولية وأركب الطائرة عندي ساعة ونص بعد خصم النص ساعه وقت بدل ضائع ^_^

هل مدة ساعه ونص كافية لإنهاء إجراءات المطار والجوازات .. إلخ مع العلم إنو مامعي شنطة بالعفش هي شنطة وحدة معنا داخل الطائرة . أو أغير الطائرة الرحلة الداخلية إلى الرحلة اللي قبلها مع أن وقتها قبل الرحلة الدولية ب 6 ساعات

مع الشكر ..





المشاركات

Usas Usas
هل مدة ساعة ونص كافية لإنهاء إجراءات السفر في مطار الملك خالد بالرياض


عادة يتطلب الحضور قبل ساعتين لانهاء الاجراءات , انا مره حضرت قبل ساعة من موعد الاقلاع وخلصت بس مايمنع ان الاحتياط واجب فأنصحك بالرحلة اللي قبلها حتى لو تنتظر 6 ساعات - الاحتياط واجب

تحياتي


zezo0500 zezo0500
هل مدة ساعة ونص كافية لإنهاء إجراءات السفر في مطار الملك خالد بالرياض


اول شي هل حجزك واحد على الرحلتين
اذا كان برقم حجز واحد راح يقصلك البوردنق حق الرحلتين مع بعض الرحلة المتجهه للرياض والمتجهه لتركيا
ويشحن لك الشنط على تركيا دايركت
يعني بس تبدل الطيارة في الحالة هذي ويمديك إن شاء الله بالراحة
2- اذا كانت كل رحلة بحجز بس على الخطوط السعودية
خله يقص البوردنق من نفس مدينتك وخل شناطك صغيرة ودخلها معاك الطيارة
واعتقد انك تقدم الرحلة افضل
3- اما اذا كانت رحلة اسطنبول على غير الخطوط السعودية
انصحك وبقوة تقدم موعد الرحلة الداخلية أقل شي 4 ساعات
لأن مطاراتنا بصراحة ما تقدر تعتمد عليها بالتوقيت


Ahmed99sa Ahmed99sa
هل مدة ساعة ونص كافية لإنهاء إجراءات السفر في مطار الملك خالد بالرياض


شكراً لكم أخواني ..
نعم الرحلتين على الخطوط السعودية الداخلية والدولية . والبوردنق انا عادةً أطبعه من موقع الخطوط السعودية من البيت قبل أطلع للمطار
بس بالنسبة للرحلة الدولية ماسبق وجرت اطبع البوردنق من البيت يصير اسوية مثل الرحلات الداخلية من موقع الخطوط ولا مو متاح للرحلات الدولية


همس العواطف همس العواطف
هل مدة ساعة ونص كافية لإنهاء إجراءات السفر في مطار الملك خالد بالرياض


اخوي الحبيب
دام ا الرحلتين على الخطوط السعودية فبإذن الله امورك طيبة ومايحتاج تبتعد كثير عن وقت رحلتك اللي حجزتها

وربي يحفظك وترجع بالسلامة


Ahmed99sa Ahmed99sa
هل مدة ساعة ونص كافية لإنهاء إجراءات السفر في مطار الملك خالد بالرياض


شكراً همس العواطف وانا اقول كذا كمان لكن في وسواس داخلي يقول لي مايمديك
عشان كذا انا طرحت السؤال للي سبق وجرب إجراءات السفر بالمطار هل هو مزحوم دائماً او أقدر اخلص إجراءاتي بوقت قصير
مع العلم إن يوم السفر الإربعاء القادم 15-08-2012 يعني بيكون عطلة .!


zezo0500 zezo0500
هل مدة ساعة ونص كافية لإنهاء إجراءات السفر في مطار الملك خالد بالرياض


انا من المدينة وراح اعطيكم آخر تجاربي
دايما حجوزاتي تكون برقم واحد ترانزيت في الرياض يعني المدينة الرياض الرياض مانيلا
كان بين موعد الوصول للرياض والاقلاع منها 2,15 بالضبط
لكن الي اسوية اروح مطار المدينة بوقت واقص البوردنق حق الرحلتين واشحن الشنط وما استلمها الا في مانيلا
يصير لما اوصل مطار الرياض بس انزل واتجه للصالة الدولية وعلى اقل من مهلنا يعني ماعندك اي مشكلة
هو الي يحوسك دائما البوردنق وشحن الشنط لانها مرتبطة بالزحمة
وانا لي تجارب كثيرة والحمدلله كلها تمام
الخطر الوحيد ان الرحلة الأولى ما تغادر في وقتها تتأخر وهذي نادرا ما تحدث والله لا يجيبها
يعني لا تشيل هم بإذن الله سفرة موفقة


Ahmed99sa Ahmed99sa
هل مدة ساعة ونص كافية لإنهاء إجراءات السفر في مطار الملك خالد بالرياض


شكراً لك استاذ زيزو .. بما إن الأمور بسيطة بدون بوردنق وشنطة . أجل على رحلتي الأولى ولا أنتظار ولا ملل المطار . حتى لو ان مطار الرياض مثل مطارات العالم كان انتظر فية إلى 9 ساعات بدون تردد لكن بمطار الرياض وين تروح ياحسرة ولا بعد زيادة على هذا رمضان ^_^


zezo0500 zezo0500
هل مدة ساعة ونص كافية لإنهاء إجراءات السفر في مطار الملك خالد بالرياض


المشاركة الأصلية كتبت بواسطة Ahmed99sa
شكراً لك استاذ زيزو .. بما إن الأمور بسيطة بدون بوردنق وشنطة . أجل على رحلتي الأولى ولا أنتظار ولا ملل المطار . حتى لو ان مطار الرياض مثل مطارات العالم كان انتظر فية إلى 9 ساعات بدون تردد لكن بمطار الرياض وين تروح ياحسرة ولا بعد زيادة على هذا رمضان ^_^
'
احمد ربك ما جربت مطار جدة والا كان بطلت تسافر نهائيا
صراحة مطاراتنا صدمة ما بعدها صدمة تجيب الهم والقرف
اهم شي رحلة العودة يكون بين الوصول للرياض والاقلاع منها لمدينتك 3 ساعات اقل شي لأن استلام الشنط في العودة
يكون في مطار الرياض ماهو مدينتك عكس الذهاب
ومطار الرياض يجلس اكثر من ساعة عشان تجيك شنطك
سفرة موفقة إن شاء الله


Ahmed99sa Ahmed99sa
هل مدة ساعة ونص كافية لإنهاء إجراءات السفر في مطار الملك خالد بالرياض


المشاركة الأصلية كتبت بواسطة zezo0500
'
احمد ربك ما جربت مطار جدة والا كان بطلت تسافر نهائيا
صراحة مطاراتنا صدمة ما بعدها صدمة تجيب الهم والقرف
اهم شي رحلة العودة يكون بين الوصول للرياض والاقلاع منها لمدينتك 3 ساعات اقل شي لأن استلام الشنط في العودة
يكون في مطار الرياض ماهو مدينتك عكس الذهاب
ومطار الرياض يجلس اكثر من ساعة عشان تجيك شنطك
سفرة موفقة إن شاء الله
اعوذ بالله مطار جدة . عندي اروح بالسيارة عن طريق سوريا اللي كلها مصايب اهون من اني اروح عن طريق جدة الواحد مايتحمل مطار جدة بالرحلات الداخلية مو الدولية .
بس تدري إن وسواسي الصغير اللي داخلي انتصر علي وغيرت الرحلة إلى قبل الرحلة الدولية بتسع ساعات وحجزت فندق وسيارة بالرياض عشان قبل الرحلة ب 4 ساعات اكون موجود بالمطار
بالتوفيق لك عزيزي . تحياتي



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

هل مدة ساعة ونص كافية لإنهاء إجراءات السفر في مطار الملك خالد بالرياض