زي ما تفضلت بالخيار الاول
حطي عنوان الفندق اللي لوس انجلس و خلاص
لكن على فكرة في طريقين
الاول سريع و الثاني على المحيط و هو الاجمل
و طبعا الجارمن حيختارلكم الطريق الاسرع

Well Done
الله يجزيك خير ويرحم والديك وييسر أمورك يارب

التوجيه في الجهاز فيه عدة خيارات مثل,إقتصادي, افضل طريقة (مناظر), و فيه خيارات ممكن تجنبك بوابات الدفع و امور كثير..
بالنسبة للمسافات البعيدة كثير, الافضل انك تختار المدينة و في حالتك لوس انجلس, و يوم تقرب من لوس انجلس او تكون على مشارفها, من هناك خليه يوجهك على الفندق.

Corleone
يعطيك العافية أخوي بس كيف انتظر لين أكون قريبة من لوس انجلوس وبعدين أخليه يوجهني للفندق؟
المصيبة كيف أطلع من سانفرانسيسكو لو ما حطيت عنوان الفندق اللي بلوس انجلوس ووجهت القارمن له عشان يقودنا في الطريق الصحيح للخروج من سانفرانسيسكو؟
وإلا بنقعد نحوس وندور في شوارع سان فرانسيسكو الملتوية وطلعات ونزلات مثل ما يقولون لين الليل!!!
أتمنى فهمت قصدي..وشاكرة لك حسن التواصل وبانتظار آرائك دايما

أبداً, الموضوع سهل جداً ...
اول ما تركب السيارة في سان فرانسيسكو, خل الجهاز يوجهك إلى لوس انجلس...
اول ما توصل حدود لوس انجلس, خل الجهاز يوجهك على الفندق بالتحديد
كذي انت راح تسوف بطرق رئيسية لأن الجهاز مرات يحاول يختصر المسافات و بالذات البعيدة و بيطلعك على جسور و بتسوق بين البيوت و مرات طرق فرعية و اذا كان من ضمن المساافة مرتفعات او جبال, احتمال تمشي عليها !!

الجارمن مبرمج تلقائيا على استخدام الطريق الاسرع
فما يحتاج كل هذه الاعدادات
الصحيح ان تضع عنوان فندقها في لوس انجلس و الجهاز سيقودها اليه باسرع الطرق ( وليس اقصرها )
اما اذا اردت المشي في الطريق البحري الاجمل فهذا موضوع ثاني

الله لايهين الاخوان ماقصرو
اختي قطريه انا سلكت كل الطرق من سان فرانسيسكو الى لوس انجلوس
وبحاول اشرح وعسى الله يقدرني اني اوصل لج المعلومه
من لوس انجلوس فيه طرق تقدرين تسلكينها
الاقصر هو Interstate 5
والاوسط هو 101
والاطول وهو الاجمل hwy1

يتبين من الصوره ثلاث خطوط
الخط الاخضر وهو طريق 5
وهو الاقصر
تقطعونها بمدة ساعات ونص تقريباً
لكنه ممل وقليل الخدمات
يتمتع بسيدين رايح وجاي
الطريق الحكلي ويرمز ب 101
يمر من خلف الجبال المتآخمه للشاطى
ومدته تقريباً ساعات ونص
في بدايته تمرون على مزارع للماشيه
وبعدها تقتربون من الجبال
وقبل الوصول الى سانتا باربرا يتكونون على الساحل
الطريق بكل فتره تلقون محطة بترول وخدمات ومطاعم
وهو امن ( سيدين )
قطعته في يومين لاني استرحت في منطقة اسمها
الطريق الساحلي hwy1
وهو الاجمل مابينهم
مدته تقريباً ساعات ونص
جميل جداً
وهو سيد واحد
لكن انصحكم انكم تباتون في احد المدن او القرى المحاذيه له كما فعلت
لانه طويل جداً
مثلاً تباتون اول ليله في مونتري http://www.monterey.org/ الجميله
وليله في سانتا باربرا http://www.santabarbaraca.gov/
واليوم الثالث تكونون في لوس انجلوس
والخيار لكم
اعذريني اختي الكريمه على تقصيري بالشرح
كنت ناوي اني افصل اكثر بالصور
لكن حاصله لدي مشكلة ان الصور حجمها مايقبلها المنتدى
واي سؤال احنا حاضرين إن شاء الله
تحياتي

Corleone
يعطيك العافية
بس وأنا أختك الجارمن حقي مافيه هالتطور اللي تقول عليه في الإعدادات مع أنه من الأنواع الجديدة نوعا ما ولكن فيه الطرق الأسرع أو الأطول أو الأقل ازدحاما وكذا..
على العموم فهمت قصدك وشكرا على التواصل

Well Done
يعطيك ألف عافية والله يرحم والديك ويوفقك
أنا أشهد إنك ويل دن أسم على مسمى
كلامك صحيح وهذا اللي عرفته من كلام الأخوان وتقاريرهم اليوم
جزيت الجنة