السلام عليكم ورحمة الله وبركاته::
الله يبارك فيكم أخوي...ويجعلها رحلة سعيدة .
اولا اخوي ..هل زيلاميسي ضرورية بالرحلة ...والا بامكانك تكنسلها ..؟؟
لأنها بعيدة واللي بتشوفو فيها ..بتشوفو في انترلكن .
فين زيلاميسي عن جنيف او ميلان ..مشوار.
مخطط 3 دول سويسرا فرنسا ايطاليا جميل ..لكن لاتزيد عليه النمسا .
هذا من رأيي ..والامر راجع لك.
انا فكرت انك تخلي جنيف للروحة..وميلان للرجعة .
منها تزور جنيف والريف الفرنسي (أنسي وميجيف وشامونيه وايفيان) ولوزان ومونترو وانترلكن ولوقانو وميلان وفينيسيا.
واخر الايام للتبضع والتسوق في اوتلت (وش جمعها ! ) اوتلتات.. ميلان.
او تخليها جنيف جنيف...يعتمد على توفر التذاكر ورخص اسعارها.
والسيارة أمتع واجمل في التنقلات ...والحافظ الله...ما من خطورة أبد .لكن اذا مصر على مخططك اللي في زيلاميسي.
فيكون الروحة على جنيف والرجعة من ميونخ أفضل لك.بالنسبة للشنقن ...يعتمد على عدد الايام اللي بتقعدها في اي دولة ...واحتمال كبير تكون من سويسرا ...او من فرنسا.المخطط بسييط باذن الله.
شوف ايش يصير معك ..قلب الموضوع ..ونحن في انتظارك.وبالتوفيق

طيب فرضا استبعدنا زيلامسي وتكون البدايه من ميلان لاني مهتم بالتسوق بالبدايه لاني راح اعتمد على تسوقي ببدايه الرحله من ميلان شرايك نضيف فينيسيا ..؟ او روما ..؟

والله ياغالي انا اللي بهذلني التذاكر والترانزيت لاني ماني وياه اصحاب ...
لاكن زيلامسي مش بالضروره اروح يمها بالامكان نستبدلها ..
لاكن اكثر حرصي تكون البدايه من ميلان والتسوق لاني بعتمد ع مشتريات التسوق بباقي الرحله ثم الانتقال للوقانو وانترلاكن وتكمله باقي سير الرحله عليك بااتجاه جنيف مع استبعاد زيلامسي وفرنسا ...

روما ...؟؟؟ ما تعتقد انها بعيدة ..؟؟انا ما اقولك مستحيل..هو يمديك ..لكن ما غير تمسك خطوط ...وراح تفقدك متعة الرحلة.
وبيني وبينك ..غريبة ..التسوق في بداية الرحلة ..!!
طيب..كم يوم يكفيك في ميلان ..؟؟ أسبوع او خمسة ايام؟. ((احسب حسابك يوم كاامل منها لفينيسيا)).
ومنها تزور المناطق القريبة منها ...لوقانو وكومو.
انترلكن مثلا خمسة ايام
والباقي في جنيف.
واذا ودك ترجع على ميلان بدال جنيف... ما عندك مشكلة...لأن هدفك من الرحلة هو التسوق.
اقصد بفرنسا الريف الفرنسي المحيط بجنيف..والذي يعتبر ارخص من ناحية المعيشة والسكن من جنيف.
هذا الدليل السياحي السويسري بامكانك الاطلاع عليه::
حتى تكون عندك فكرة عن المناطق المراد زيارتها .
https://artravelers.com/p/re/51030

طيب اخوي ميدو عطني انت جدول يبدا من ميلان فقط من ايطاليا طبعا السكن راح يكون في لوقانو لمده 3 ايام ..
وبالنسبه للتسوق لاني ماابي ااجل التسوق للنهايه خايف اتكاسل او انشغل عنه ..

أوكي ..براحتك ..
وكذا راح يكون استلام السيارة من لوقانو وتسليمها في جنيف في الجانب السويسري.
بالنسبة للمخطط اقترح إليك التالي::
((بامكانك تعديله طبعا ))
النزول في ميلان والسكن في لوقانو أربعة ايام
اذا كان ودك تزيد يوم عشان زيارة فينيسيا.
انترلكن خمسة ايام.
يومين في مدينة الالعاب اليوروب بارك والمرور على شلالات الراين.
ثلاثة ايام في جنيف او لوزان او في الريف الفرنسي.
والعودة من جنيف.اذا ما ودك بمدينة الالعاب ...بامكانك استبدالها ب لوزيرن (ريف) او زيورخ (مدينة) .حاولت يكون المخطط متنوع ..من حيث التسوق والبحيرات والقمم الجبلية والشلالات ومدينة الالعاب والمتاحف والجولات البحرية والكهوف والخوانق المائية والطيران الشراعي وغيرها..واي استفسار نحن حاضرين.