mahmeed99
رحلة موفقة بإذن الله

ياهلا اختي وعليكم السلام ورحمة الله وبركاته
بخصوص استفسارج ما قصرت اختي هدوء العالم لكني باضيف عليها
اغلب محلات الاطفال بتلاقينها بمجمع الافنيوز وسوق شرق
بالنسبة للام عندج مجمع النقرة الشمالي بالسرداب
في محلات مستلزمات الولادة بتعجبج ان شاء الله
وحياج الله

أختي هدوء العالم وأختي شذى الورد
يعجز اللسان عن تقديم الشكر والتقدير على هالمعلومات اللي كنت احتاجها ومو غريبه على اعضاء هالمنتدى الرائع وعلى أهل لكويت الحبيبة
أنا يا خواتي رجال من البحرين
وهذي المعلومات ابغيها لأني بروح مع الوالده عشان اشتري ملابس حق المولودة البكر اللي راح تشرفني في شهر سبتمبر وحق زوجتي الغالية، ولكم مني يا خواتي العزيزات جزيل الشكر وعظيم الامتنان، وكلمة شكراً قليلة في حقكم

أخيي الحبيب
أسأل الله لك ان تلحق هذا اليوم ويأتي مولودك ويقر عينك فيه
وأن ينبته نبات حسن وان يكون بارا فيك وفي امه
وان يخلي لك والدتك وزوجتك
امين
بالنسبة للاخوان هنا حبايب وكل واحد احسن من الثاني
الله يحفظهم ويخليهم ولاهي غريبة عليهم لهم الغلا
ومن لايشكر الله لايشكر الناس ومن لايشكر الناس لايشكر الله
هم نسل طيب واصيلين
قلت راي وقلت وجهة نظر
على ماقال اخيّنا سعود الورع
في برنامجه مع الناس الله يحفظه
اخيّك بوخالد

انصحك ببرج جاسم في شرق في شارع السور و مجمع الأفنيوز

أخوي بوخالد (سانيدي) الشكر موصول لك يالغالي على هالدعاء الطيب
وربي يحفظك ويحفظ أهلك وكل من يعز عليك
وربي يحفظ ديرتك وأهلها وقيادتها وجميع ديار المسلمين

أختي حلوة الكون
مشكورة وما قصرتي وربي يحفظك ويحفظ أهلك وديرتك وأهلها

mahmeed99
أخوي الحبيب الغالي
شاكرلك دعائك لقيادتنا الرشيدة ولنا ولاهلنا
الله لايحرمك من اجابة دعوتك
ولايحرمك بلوغ مرامك
وهذا اقل شي
يابعدهم وتستاهل اكثر
كان معك وقت مر على 360سوق
حلو بس ترى حار شوي وتقدر تقول عالمي
على طريق السرة وانت متجه شرق يجي على اليسار
اخيّك بوخالد
ترى ماقلت شي قلت دعاء وقلت راي وقلت وجهة نظر

السلام عليكم
اخوي الاخوات ما قصروا وحطوا لك اروع الاماكن للمواليد
ومثل ما شفت كلها ماركات عالمية
وكلها جميله وراقيه اكيد وخاصة ليوم الاستقبال بالواليد روعه
اما اذا حبيت قطنيات حلوة وباسعار مناسبة
في محلات مذركير بكل الاسواق تقريبا وفي بالافنيوز بعد
في كذا محل اطفال بالافنيوز بسما اعرف اساميهم
تقدر تلاقيها في محلات سنتربوينت
تلاقيه بالسالمية عند مركز سلطان
وفي بعد بالمباركية عمارة النصار على ما اعتقد
كلها قطنيات للمواليد طبعا الصناعه سورية هني
والامهات في محل ب360 قريب عند محل غاب متخصص للحوامل
والولادات
وان شاءالله تحصل اللي تبيه
وربي يسهل على المدام ويجعل البيبي من الابناء الصالحين يا رب
ويحفظ لك الوالدة يا رب العالمين