بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



محمد زيدان86 محمد زيدان86
(حكاية بيروت حكاية غرامى ) المقدمة
15-12-2014 - 05:09 am

بسم الله الرحمن الرحيم

لبنان كن غيثا
على فلواتنا
وعلى الدجنة بدرنا المتوقدا
كن للحمائم عشها
ومزارها
ومتى الرزايا اطبقت بك يقتدى
لو كان دون الله
يسجد عابدٌ
لوجدتنا لسفوح ارزك سُجّدا
عد للحياة فانت كوثر
حلمها
مهما ادّعاها الفجرُ، أنت المبتدى
لبنان صن شعب الحياة
بعودة
للروح ، حيث السلم اشرفُ سؤددا



من ابيات شعرخلدون جاويد

لروح الرئيس الشهيد
رفيق الحريرى
نبدا على بركة الله كنت بفكر اكتب باللغة العربية الفصحى
بس لاقيت انها رخمة جدا
فحبيت اتكلم بالعربى بتاعنا العادى
العامية
وفى البداية
من لا يشكر الناس على معروف
فكنما هو للجنة معزوف
وعشان كدة
اولا احب اشكر كل من يساعد هنا ومازال يساعد بدون مقابل غير ان يرى البسمة على الشفاه
وبالطبع الجميع شارك فى ذلك
سواء باجابات وافية او حتى لمن يسال لكى نعرف
واخص بالذكر
اخى الكريم
والمشرف الكبير
بندر
وساذكر ليه لاحقا ولكنة بالفعل ونعم الانسان ونعم الاخ
وكما تعلمنا منذ الصغر
الرفيق قبل الطريق
فكان بندر خير رفيق
لاجمل طريق
طريق بيروت
وايضا اخص بالذكر
مشرفنا الكريم
والاخ العزيز
هيبة ملك
فكان دائما شعلة نشاط فى المنتدى
وبخاصة القسم الخاص بلبنان
وايضا مساعداتة كانت موثرة جدا
واتوجه الية بالشكر نيابة عن الجميع
وايضا اخص بالذكر
اختنا عبير لبنان
الخبيرة المتواجدة بقوة
وتساعد بكل ما تعرف
لكى تسهل علينا سفريات جميلة
الى بيروت الجميلة
فاتوجه اليها بالشكر ايضا وبشكر جزيل
وايضا اختنا نانا
على كل ما تساعد به
ومن معلومات واشياء اخرى كثيرة عن لبنان
عن بيروت الجمال
واشكرها شكر جزيل
وايضا
اختنا الكبيرة اصول
انها تساعد فقط للمساعدة
وانها تستمتع عندما نكون مستمتعين بلبنان
ببيروت الحب
فاتوجه اليها بعظيم الشكر
على كل مشاركتها ومساعدتها لنا جميعا
وبالاخص العبد لله
واخيرا وليس اخرا فيما اخصهم بالذكر
اختنا ياسمين
فكانت ومازالت نعم الاخت للمنتدى ككل
والقسم بشكل خاص
واتوجه بالشكر للجميع مرة اخرى
خلااااااااااااص
ندخل فى الجد
ونبتدى بقى
اجمل حكايات العمر
انها حكاية بيروت
حكاية لبنان
حكاية الجبال
والجمال
دايما اى حكاية ليها سر
وسر حبى للبنان من زمان قوى
يمكن مايهميش الكثير ولكن
تبقى لبنان بالنسبة لى
حبها عندى مثل حبى لمصر
فهيا الوطن الغالى الحبيب
نبدا من البوست القادم
(حكاية بيروت حكاية غرامى )
مع الاعتذار لاستاذنا فريد الاطرش
واننى قد ذكرت ان هذه الرحلة هي المقدمة
لانى ان شاء الله ساسافر قريبا ثانيا
شكرا لحسن القراءة ونتمنى الاستمتاع معنا
تحياتى





المشاركات

محمد زيدان86 محمد زيدان86
(حكاية بيروت حكاية غرامى ) المقدمة


الفصل الاول ( سر عشقى لبيروت )
منتظر انى اشوف بيروت منذ اكثر من 15 سنة
يعنى تقريبا اكتر من نص عمرى

وبقول دايما الحمد لله
ويكفى انى بطمن عليها من بعيد لبعيد
قصدى على بيروت
مش حاجة تانية
المهم
كل ما اجى اسافر يطلع حاجة وماسافريش
ولكن
حصل اللى مافيش منه مفر
ولازم اجازف
طبعا عاوزين تعرفوا المفاجاة
بعدين بعدين
المهم
اضطرت للسفر
وما احلاه اضطرار
يا عينى على دا اضطرار
ياريت اضطر كل يوم
كل ساعة
المهم هاتكل على الله وهاسافر
طبعا والدتى بتسمع عن اللى بيحصل فى الشمال
تخاف وتقلق
اتكلت على المولى عز وجل
وحجزت
فى فندق نابليون بالحمراء
من يوم 12 الى يوم 17 يونيو
وعلى متن طائرة الارز
الشرق الاوسط
كانت الرحلة
وكان التوفيق من الله عز وجل فى الاجراءات
والحمد لله خلصت الحجوزات فى سويعات قليلة
وكنت مع موعد مع الجمال
الرقة والعزوبة
قصدى بيروت مش حاجة تانية بردة
دماغكوا ماتروحيش بعيد.
الفصل الثانى
(ترتيبات السفر )
طبعا انا عارف كلكوا مستنين الصور
معليش معليش اصبروا
الفصل الثانى عبارة عن تجهيزات الشنطة
وتكملة بقية الاجراءات الخاصة بالسفر
فكانت تحويل الاموال
الدولارات والليرات
اخونا بتوع اللغة العربية عدوا كلمة الليرات على خير
باين مكتوبة غلط
المهم
حولت مش كتير
يادوب 2500 دولار
وحوالى 480 الف ليرة لبنانى
طبعا الليرة اللبنانى دوخت لما لاقيتها
لانها قليلة
لا وانا اتخديت
الاقى الراجل يقولى الجنية ب248 ليرة
يا راجل
معقول
فيادوب ماحولتيش 1000 جنية
بقى معايا رقم مهول
(انا كنت فاكر كدة )
المهم حولت بقية الفلوس
وكانت ليلة السفر
ليلة الرعب .
الفصل الثالث
(ليلة الرعب والامل )
رعب بمعنى الكلمة
رعب وقلق وخوف
مغلف بالامل والحب والتمنى
لرؤية بيروت الحبيبة
فكانت الليلة
ولا ليلة قتال
لكن عديت على خير
وجهزت الشنطة












ونبدا من البوست القادم رحلة الاحلام لبيروت


محمد زيدان86 محمد زيدان86
(حكاية بيروت حكاية غرامى ) المقدمة


الفصل الرابع (الانطلاق )
بداية الانطلاق من مصر
ام الدنيا
الى بيروت
ست الدنيا
يعنى قرايب قرايب
ويارب دايما قرايب ومافيش مشاكل يارب
بين كل الدول العربية
فى المطار بدا الخوف يدب فى القلب
لان مش معايا تاشيرة الدخول
فمن الممكن ان امنع فى المطار
دا طبيعى جدا
(انت فى مصر يا عزيزى )
المهم توكلت على الله
عديت على الجوازات
وختمت الباسبور
الحمد لله
اول خطوة عديت




كملت الطريق وسلمت الشنطة
والاجراءات
وجلست انتظر فتح صالة المغادرة
فما زال الوقت مبكرا جدا
حوالى ساعة ونصف منتظر
وما اصعب الانتظار
واخيرا وبعد عناء
فتح صالة المغادرة
وبمجرد الجلوس
النداء
على ركاب الرحلة رقم me205
المتجهة الى بيروت على طيران الشرق الاوسط
التوجه للطائرة
والحمد لله ماشى الحال لغاية كدة
واسيبكوا لغاية ما اركب الطائرة








طائرة الذهاب


طيران الخطوط الاردنية يستعد للاقلاع ايضا








MoOoG MoOoG
(حكاية بيروت حكاية غرامى ) المقدمة


اول شي يشرفني اكون اول من يرد عليك

وباين من طرحك الجميل ان استمتعت في رحلتك الى لبنان

متابعين والله يعطيك العافيه وموفق خير

تحيتي لك


نجاح تاكسي نجاح تاكسي
(حكاية بيروت حكاية غرامى ) المقدمة


الحمد لله على سلامتك
اتابعك بشغف
وهل هناك من يعرف بيروت
لا يعشقها


هيبة ملك هيبة ملك
(حكاية بيروت حكاية غرامى ) المقدمة


اي دا كلو اي دا كلو
حبس حابس يا باشا

سجلني متابع معاك في الصفوف الأولى 3 مقعد من اليمين

وبلاش الإختصار يامحمد بحبح شويه

متــــــــــــــــــــــــــــــــــــــــــــــــ ـــــــــــــــ للآخر ــــــــــــــــــــــــــــــــــابـــع


عبير لبنان عبير لبنان
(حكاية بيروت حكاية غرامى ) المقدمة


خيي محمد الف الحمدلله عالسلامة
كتير فرحتلك والله
مشكور الف الف شكر هيدا واجبنا والله
غير هيك ما بعرف ليش هيدي كلمة ( مش حاجة تانية ) حاسة انها لعروس
يله قر واعترف مبين عليك وضوع الشمس
متابعة وما تطول علينا
تحياتي


محمد زيدان86 محمد زيدان86
(حكاية بيروت حكاية غرامى ) المقدمة


المشاركة الأصلية كتبت بواسطة MoOoG
اول شي يشرفني اكون اول من يرد عليك

وباين من طرحك الجميل ان استمتعت في رحلتك الى لبنان

متابعين والله يعطيك العافيه وموفق خير

تحيتي لك
تسلم يا باشا
ومين اللى يزور لبنان وما يحبها
جميلة الجميلات لبنان
وتسلم على المتابعة


محمد زيدان86 محمد زيدان86
(حكاية بيروت حكاية غرامى ) المقدمة


المشاركة الأصلية كتبت بواسطة نجاح تاكسي
الحمد لله على سلامتك
اتابعك بشغف
وهل هناك من يعرف بيروت
لا يعشقها
نطقت بالحقيقة اخى الكريم
من يرى بيروت ولا يعشقها
مش انسان من الاساس
شكرا على المتابعة


محمد زيدان86 محمد زيدان86
(حكاية بيروت حكاية غرامى ) المقدمة


المشاركة الأصلية كتبت بواسطة هيبة ملك
اي دا كلو اي دا كلو
حبس حابس يا باشا

سجلني متابع معاك في الصفوف الأولى 3 مقعد من اليمين

وبلاش الإختصار يامحمد بحبح شويه

متــــــــــــــــــــــــــــــــــــــــــــــــ ـــــــــــــــ للآخر ــــــــــــــــــــــــــــــــــابـــع
ابحبح دا احنا لسة فى الطائرة يا باشا لسة لما ندخل بيروت
ويارب بس يعجبك الباقى
تسلم يا باشا



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

(حكاية بيروت حكاية غرامى ) المقدمة