ميونيخ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
zntoosha
02-09-2022 - 06:06 am
السلام عليكم
احنا حجزنا على طيران اللوفتهانزا وردتنا بتكون على مطار فرانكفورت
ومن تقارير الاعضاء ما اشوف واايد تقارير تبرد الجبد على فرانكفورت واسواقها وانها منطقه بزنز وبنووك وناطحات سحاب
وحتى الشقق الفندقيه الي فيها محدووده واايد
الحين قعد افكر اني اغير وجهتي من فرانكفورت للتسوق الى ميونخ
واايد مادحينها الاعضاء ومن التقارير استنتجت انها افضل من فرانكفورت
والسكن فيها وايد قريب من السنتر اقرب من فرانكفورت
فشرايكم اذا ابي اغير لازم اغير بيانات التذاكر ولا شنو بالضبط
وانا ليلحين ما حجزت فندق فرانكفورت ؟؟


التعليقات (4)
ALI_Q8_77
ALI_Q8_77
اولا
فرانكفورت مشهوره بالتسوق اكثر من ميونخ
لكن يعتمد على مخططكم بالاساس شنو اهو بالظبط ؟؟
اشرحيه بالكامل مع وسيلة التنقل ..؟؟
حتى انشوف لو التغير مناسب اولا

zntoosha
zntoosha
ان شاءالله
الله يسلمك تاريخ سفرنا بيكون باذن الله من 5-9 الى 23-9
انا وريلي وبنتي عمرها 3 سنوات
على الطيران اللوفتهانزا
وجهتنا الاولى الكويت فرانكفورت باريس
ورح نق بباريس 3 ليالي وبعدها بناخذ طيران داخلي من باريس الى جنيف
ورح نستلم سيارتنا من المطار ونروح شاليه بمنطقه فاليه
نقعد اسبوع بسويسرا بعدين رح نروح المانيا وتحديدا تيتسي نقعد 4 ليالي حق يورب بارك والطبيعه في بلاك فورست
وبعدها بنقعد بفرانكفورت 5 ليالي للتسوق وبنروح يوم هولندا حق التسووق وبنرد بنفس اليوم
بس السياره بنردها تاريخ 20 -9 ونعتمد على مواصلاتهم العامه
شنو تنصحنا نغير بالجدول والتخطيط

ALI_Q8_77
ALI_Q8_77
هلا فيج
لا تغيرين شي
انتي بفرانكفورت واتروحين هولندا للتسوق
فرق كبير وهولندا مو هذاك الزود بالتسوق\\خلج بفرانكفورت وبتشبعين تسوق وهولندا بعيده

zntoosha
zntoosha
شورك وهدايه الله ان شاءالله بحجز بفرانكفورت
وهولندا بنروح اوت لت على الحدود فيه ماركات عالميه
اغلب الاوتلتات شفت عندهم ماركات عاديه بس بلندن حصلت الماركات العالميه وموجوده تشكيله اكبر بهولندا عشان جذي بنطق درب


خصم يصل إلى 25%