1. المهم دي كانت نهايه اول يوم


2. بعد كده رحت لبرج جلطه


3. قلت ايه الي انا عملته في نفسي دا بس تجربه جديده الواحد جربها

بسم الله الرحمن الرحيم
السلام عليكم و رحمه الله و بركاته
حبيت اعمل هذا التقرير المختصر لرحلتي الي تركيا عشان اشكر المنتدي الطيب دا الي ساعدني اني اخطط للرحله و لله الحمد و اهديه الي كل المشرفيين و اعضاء هذا المنتدي الكريم
المده 8 أيام 7 ليالي من 1/6/2012 الي 8/6/2012
وسيله السفر مصر للطيران القاهره استنبول
السكن منطقه السلطان أحمد منطقه هاديه و جميله لكن يعيبها ان المحلات بتفل بدري علي 9 مساء
اليوم الاول السفر من القاهره الي مطار اتاتورك علي الخطوت المصريه رحله مريحه
من المطار اخدت المترو الي اكساراي ثم الترام من محطه يوسف باشا الي السلطان احمد
اشتريت خط فودافون حوالي 50 ليره تركي فيه 8 ليره مكالمات و انترنت مفتوح لمده اسبوع لزم المكالمات الي الاهل و اشتريت كارت المواصلات و شحنته ب 30 ليره
الوصول الي الفندق حوالي الساعه 3 عصرا ارتحت ساعتين و نزلت اتمشي , قلت اروح اتغدي في شارع الاستقلال كانت الدنيا ليلت و اعوذ بالله من شارع الاستقلال مساء مكنتش اعرف انه بالسوء دا منصحش اي حد انه يروحه باليل
المهم اتعشيت حاجه اسمها بيتي كباب بس مش كباب خالص دا عباره عن كفته في عيش و متقطع معجبنيش قوي

المهم دي كانت نهايه اول يوم

اليوم الثاني : صحيان الساعه 8 صباحا ثم الافطار في الفندق بعد كده طلعت علي قصر التوبكابي حوال 5 دقايق مشي من الفندق الصراحه جميل جدا و خصوصا التحف و الاسلحه الي فيه سعر التذكره 25 ليره و ال audio guide ب 15 ليره ضروري انا دفعت فيه 30 ليره بالحرملك و 15 ليره تذكره دخول الحرملك بس الصراحه ما يستاهلش
بعد التوب كابي رحت مسجد ايا صوفيا الدخول ب 25 ليره ثم متحف الفن الاسلامي ب 15 ليره تقريبا متحف جميل جدا بعد كده طلعت علي بانوراما الفتح من محطه السلطان احمد لمحطه التوبكابي بالترام بانوراما جميله خصوصا لمحبي التاريخ و التاريخ الاسلامي خصوصا
اليوم الثالث : طلعت بدري علي قصر الدولما من محطه السلطان أحمد الي محطه كاباتاش ثم تمشيه 3 دقايق طبعا قصر جميل جدا الدخول ب 30 ليره ينصح بزيارته جدا بعد الدولما رجعت تاني علي كاباتاش و خدت عباره الي جزيره الاميرات ب8 ليره ذهاب و عوده الرحله تقريبا ساعه رحت جزيره بيوك ادا اجرت عجله و خدت جوله في الجزيره ثم الرجوع بالعباره
اليوم الرابع : اخدت جوله في مضيق البسفور من ميناء امينونو ب 10 ليره ساعتين

بعد كده رحت لبرج جلطه

اليوم الخامس رحله لمدينه بورصه و جبل الاولداج ب 85 يورو من شركه سياحه الرحله كانت من 8 صباحا رجعت الفندق 12 باليل الصراحه حسيت انها مكنتش مستاهله اوي خصوصا و احنا في الصيف و مفيش تلج بس الحمد لله اتعرفت علي أخوه سعوديين محترمين جدا
اليوم السادس: جوله حره في السوق المصري و الجراند بازار و شارع محمود باشا و أمينونو
اليوم السابع : قبل اما اسافر تركيا كان نفسي اجرب ال skydiving فلما قررت اسافر تركيا دورت علي النت عشان اشوف في skydiving في تركيا ولا لأ لقيت في مدينه اسمها افيس او افيسوس بجوار مدينه سلجوق محافظه ازمر
فقررت اني اخلي ال skydiving اخر يوم قبل السفر حجزت طيران الساعه 9 الي ازمير و الرجوع تاني يوم الساعه 7 الي استنبول
صحيت اليوم دا بدري الساعه 7 رحت مطار استنبول علي 8 و نص صباحا اخدت الطائره وصلنا ازمر الساعه 10:42 و للأسف فاتني القطر كان ميعاده الساعه 10:43 سألت علي مواصلات قلولي في ميني باصات بتعدي من بره المطار الي سلجوق اتمشيت شويه و ركبتها و صلت الفندق الساعه 12:45 و ملحتقش ادخل الغرفه و طلعنا علطول علي المطار الي فيه القفز حوالي 5 دقايق من سلجوق نسيت اقول ان سعر ال skydiving 340 ليره من غير فيديو بالفيديو 440 ليره المهم وصلنا المطار و ابدو يدوني التعليمات للقفز طبعا انت بتقفز و معاك واحد محترف من مسافه 4000 متر فوق سطح البحر طبعا مسافه عاليه جدا فوق السحاب ركبنا الطائره و قعدنا حوالي 13 دقيقه نطلع فوق عشان نوصل للارتفاع دا طبعا انت بتنط حاجه اسمها tandem يعني 2 بباراشوت واحد
اول لما وصلنا للارتفاع المطلوب فتح الباب عشان القفز يبتدي كنا حوالي 4 و هنا يبتدي الرعب نط واحد و را التاني و جي عليا الدور و قفت علي علي باب الطياره قلته انط قالي يالا جو بسم الله الله أكبر هوب 45 ثانيه من السقوط الحر بدون باراشوت بسرعه رهيبه انا مكنتش متخيل انها هبقي بالقوه دي بتاخد نفسك بصعوبه بعد كده فتح البراشوت بفضل الله قعدنا حوالي 5 دقائق علي ما وصلنا و دي سهله مفيهاش مشكله بس انا علي ما وصلت الارض كنت خلصت

قلت ايه الي انا عملته في نفسي دا بس تجربه جديده الواحد جربها

بعد ال sky diving طلعت علي ادالاند أكوابارك علي بعد 10 دقايق من افيس , اكوابارك جميله قعدت حوالي ساعه و نصف و رجعت تاني علي سلجوق طبعا الواحد كان مرهق جدا لقيت حمام تركي قلت ادخل أسأل بكام لقيته بيقولي هات محفظتك و حاجتك و حطها في الامانات و دخلت الحمام التركي ممتاز الصراحه اعاد للواحد نشاطه هوا كان ب 35 ليره طبعا ممتاز مقارنه ب الحمام التركي الي كان في ايا صوفيا كان ب 35 يورو و هنا ينتهي اخر يوم ليا
اليوم الاخير العوده بحمد الله الي ارض الوطن مصر
ملاحظات
لا تذهب الي شارع الاستقلال ليلا ممكن تشوف حاجات لا يرضي الله عنها
اشتري الكارت الاكتروني لو كنت مخطط كل مواصلاتك بالمترو و الترام بيوفر جامد خصوصا لو هتاخد موصلتين او اكتر في نفس المشوار
للوصول الي السطان احمد من المطار و العكس الاسهل انك تبدل في محطه zeitenburno بدل اكساراي اسهل في الوقت
الحرملك في التوبكابي عادي انا شايف انه ما يستاهل تذكره خاصه
الأكل التركي معجبنيش قوي الاكل المصري أطعم بكتير
خد بالك من الي بيحاول بتكلم معاك في الشارع يقولك معاك ولاعه او خدلي صوره بالتركي عشان يعرف انت بتتكلم انهي لغه فبرجاء الحذر
و الحمد لله رب العالمين و عذرا اني مفصلتش كتير عشان انا مبعرفش أحكي فأي استفسار انا جاهز
ياريت لو حد من المشرفين يقولي ارفع الصور ازاي عشان انا لسه جديد في المنتدي و لازم عدد مشاركات معينه