سلام عليكم( ملاحظات واستفسارت)
انا رجعت امس من دبي طبعا الرحلة بسيارة
عندي كم ملاحظة اتمنى من الخبراء التعقيب عليها
1-معي ما جلان(نوفي 3790) ممتاز وخدمني بس مشكلته يعطيني بعض الشوارع خطا
يعني بحثت عن شارع الرقة ولقيته وخزنته يوم وصلت الشارع يقولون هذا شارع المصلي او الموصلي وش الموضوع جهازي فيه شي والا ايش
2- مشكلة حدثت معي سيارتي بلشت فيها كل ما القى موقف بفلوس وماني عارف وش السالفه
لدرجة قمت ااضع سيارتي بمواقف الي عليها رسوم وانا ما ادفع شي
يعني كيف ادفع لمواقف السيارة واذا ما دفعت يقول فيه غرامة 150درهم اشلون ياخذونها يالييت احد يشرح لنا
3- توجهت لفندق التاج بلس صراحه روعه ونظافة بس خدماته صفر ومطعمه غالي مرة ولا يسوى والعاملين فيه غير بشوشين
سؤالي حول هذا الفندق
الفندق له باحة خلفية لمواقف السيارات ولما جيت اضع سيارتي بالموقف طلع الموقف بفلوس وش الحكاية الي اعرفه وزرت اكثر من دولة بالسيارة ما فيه هالامر
والساعة ب10 درهم يعني اقل شي تبي تجلس بالفندق 10 ساعات ما بين نوم وغيره يعني 100 درهم باليوم
بالاسبوع 700 درهم وش القرارت هذي الطاردة للسياحه
3-شاطئ جميرة الي بعض الاعضاء كتب فيه معلقات من المديح والثناء
صراحه فاشل ولا فيه خدمات نهائي انا فريته كامل بقالة ما تلقى الا وانت جاي بسيارة بعيده صراحه
4- دبي مول روعه واكثر شي عجبني
5-اخوكم بالانجلش ميح ولله الحمد وعلى شان كذا ما اقدر ااتواصل مع اغلب موظفي الفنادق
6- واهم نقطة هذي الي يروح ولا معه ما جلان يستريح اقسم بالله زحمة بالليل غير طبيعية انا ما معي ما جلان وكل اشوي انسى المخرج
اصلا لو لا الله ثم الما جلان تلقاني احوس للحين
7- اخر سؤال الكاميرات ايل على الطريق وانت داخل الامارات هل تعطي مخالفات لاني كنت امشي على لوحاتهم 110 او 120 بس اخر شي خست بالسيارة واسرعت