السلام عليهوم
::
شدعوا يا جماعه
محد يرد ولا تعليق ولا شي
شاركوني شاركوني خل اتحمس

1. لا اطول عليكم ، خل ادش على طول بالموضوع لان في صور و لويه شوي

السلام عليهوم
::
شلونكم ، شخباركم يا جماعه
::

لا اطول عليكم ، خل ادش على طول بالموضوع لان في صور و لويه شوي

::
يا اليوم اللي راح نسافر فيه و الخطوط الناقله اهي ((طيران الامارات)) على الدرجه السياحيه ، و طبعا تكلفه الطيران من الطيران الداخلي بجنوب افريقا كلف الشخص دينار ((بحدود هالسعر لان كنا مجموعه و في يهال)) ، هالسعر يشمل الطيران من و الى جميع مناطق جنوب افريقا طبعا ، موعد الرحله كان الساعه مساء بتوقيت الكويت و وصلنا دبي بحدود ال صباحا ، و كان حايشني عوار ظرس الله لا يوريكم ، فدخلت كل صيدليه بمطار بي و شريت كل انواع العلاجات حق عوار الاسنان ، و بعد عناء طرنا من دبي الساعه و نص الفجر متجهين الى جوهانزبيرق ، كانت مده الرحله ساعات ، و وصلنا المطار الظهر بتوقيت جنوب افريقيا ، و خلصنا اجراءات الجوازات و الشنط بكل سهوله و ما حاشتنا اي مشاكل ، و اول ما طلعنا من بوابه المطار ولا واحد شايل لوحه مكتوب عليها (Alkandari family) و كان الوالد حاجز الميني باص من الكويت طبعا
المهم اول ما ركبنا الميني باص و حملنا كل اغراضنا طلع السايق شريحتين اتصالات و عطانا اياهم ، طبعا حظرتي خذيت شريحه و الوالد شريحه
و مده الرحله من مطار جوهانزبيرق لي صن سيتي ساعتين بالظبط ، و بالطريج ما راح تحس بملل لان الطبيعه خلابه و شي عجيب .
طبعا صن سيتي يعتبر منتجع بين الجبال في غابات و في حمامات سباحه و ثلاث فنادق كلها نجوم ، احنا اسم فندقنا (sun city cascades hotel) طبعا انصح فيه و بقوه مع العلم ان الثلاث فنادق على مستوى واحد و كلهم ممتازين و تقدر تنقل من فندق لي فندق مشي و بسرعه
هذي صوره لجانب من المنتجع
::
و هذي صوره لجانب اخر
::
و هني بو صلوح راحب الباراسيل بالبحيره بالمنتجع
::
و صوره ثانيه و اهو طاير بالجو
::
طبعا كنا حاجزين ب صن سيتي لمده ايام ، و تدرين احنا رايحين عايله ، و ما يقدرون يتسبوحون بحمامات السباحه خاصه ان اكثر الانشطه كلها انشطه بحريه ، فقلنا خل نطلع من المنتجع على يوم و نتمشى بين الجبال يمكن نلاقي شي حلو
، و قعدنا على يوم من الصبح و طلعنا من المنتجع و رحنا نمشي و نمشي و يمكن بعد ثلث ساعه من المشي لقينا مكان مثل قريه سياحيه ، قلنا خل ندش نشوف شنو فيها ، دشينا القريه ولا شي حلوو
، فيها ركوب خيل و فيها عروض لاغاني افريقيه تقليديه و رقصات افريقيه و بيت جنوب افريقيا القديمه (الكوخ)
طبعا هني و انه راكب الخيل و افتر بين الجبال ((يعني خيال))
::
و هني مع الوالد مع لبس الافريقين القديم و نشوف البيت الافريقي ورانا
::
و هني نشوف الاتهم الموسيقيه
و بجذي نكون خلصنا اول مرحله من مراحل جنوب افريقيا و مهي منطقه صن سيتي ، و من اهم الاشياء الموجوده فيها و مميزاتها :
منطقه سياحيه و اغلبها كلهم سياح اجانب
انتشار حمامات السباحه و الالعاب المائيه (ظروره احضار لبس السباحه)
يوجد ملعب غولف عالمي
وجود ملعب ميني غولف (غرامي)
وجود بحيره تحتوي على بعض الانشطه البحريه مثل الباراسيل و الجي سكي و الدونات و التجديف
وجود مجمع في محلات و صاله العاب كبيره ( فيديو قيم) و مطاعم و كازينو
وجود القريه بجانب المنتجع
::
::
::
و نلقاكم بالحلقه القادمه في الكيب تاون

1. و اليوم راح اتكلم عن مدينه كيب تاون


2. قعدني الوالد الله يهديه الساعه الصبح

السلام عليهوم
::
نكمل وياكم باجي التقرير عن سفره جنوب افريقيا

و اليوم راح اتكلم عن مدينه كيب تاون

::
طبعا من بعد ما خلصنا من صن سيتي ، ردينا جوهانزبيرق بالسياره و منها عالمطار على طول ، اخذنا البوردينغات و حملنا الجناط و ركبنا الطياره و كانت مده الرحله ساعه و نص تقريبا اذا ما خاب ظني ،المهم اول ما وصلنا رحنا الفندق على طول و اسم فندقنا (southen sun water front) الفندق حيل حلو ، و في رحله كل ربع ساعه بالباص لي مجمع ووتر فرونت طبعا هذا مجمع عالبحر و في كل شي ، مطاعم محلات العاب و كل شي .
عقب ما حطينا اغراضنا و ارتحنا شوي ، قلنا خل نروح المينا اللي ب كيب تاون و اهو من اهم المعالم اللي موجوده هناك ، رحنا و كان الوضع جن قاعدين برسوم متحركه ، اعلام و زينه و اغاني خفيفه
، و هذي صوره المينا
::
و بعد ما خلصنا قمنا نتمشى بمحيط المينا ، و كان في شارع كل محلات صغيره ، مثل بسطات ، تشرينا شوي اغراض ، المهم بعد مده من المشي لقينا في اكواريوم ، قلنا خل ندش
::
::
و طبعا طلع مو بس اكاريوم ، طلع في قسم نفس متحف
طبعا هالصوره لقطعه من الصخور طاحت على الارض من السما و اول ما طاحت كانت درجه حرارتها اكثر من درجه .
::
هني نشوف هيكل عظمي حق ديناصور
::
و هذا المدفع اول ما تطلع من المتحف موجود
::
و بعدها ردينا الفندق نرتاح لان كنا تونا واصلين كيب تاون و كنا تعبانين ، و بعد الفندق رحنا الووتر فرونت نعشينا شاورما ، و بعدها ردينا الفندق و نمنا لان من باجر ورانا قعده من الصبح .
قمنا اليوم اللي بعده من الصبح مبجر ، و كان المخطط ان نروح ال (table mountain) ، طبعا هذا جبل و من فوق مستوي ، يعني الارض سيده مو نفس باجي الجبال مبوزه من فوق ، و الناس يروحون فوق عشان يشوفون المدينه كلها من فوق ، رحنا عند المدخل ولا زحمه ، صفينا بالدور بس الحمدلله كان الدور يمشي بسرعه ، طبعا نروح لي المدخل بالسياره ، و بعدها (تل فريك) يصعدنا لي قمه الجبل ، و هذي صوره التل فريك
::
طبعا في تل فريك ، واحد يكون رايح و واحد راد ، عشان جذي ما طولنا بالدور ، و كل واحد منهم يشيل تقريبا شخص .
و هذي صوره لمنظر المدينه من فوق الجبل
::
و هذي صورتي و انه بقمه الجبل
::
و بعد من خلصنا من عالجبل ، قلنا وين نروح وين نروح ، قلنا ماكو الا نروح متحف ، لان كيب تاون فيها اكثر من متحف
، المهم قلنا نبي متحف عن ايام التفرقه بين البيض و السود ، (((في شي نسيت اقوله لكم ، ان تعرفنا على واحد مسلم هناك و كان عنده سياره ، فاتفقنا وياه ان يكون سايقنا بكيب تاون))) المهم خذانا لي المتحف و صج شفنا العجب ، كانت التفرقه كبيره بين البيض و السود
و هني نشوف الوالد علي كرسي مكتوب عليه (للاوروبيين فقط ، يعني البيض)
::
طلعنا من المتحف اللي كان ادوار ، السايق قال اذا تحبون الطبيعه ، خل اوديكم حديقه من اكبر حدايق العالم و قلنا يالله ، و ليتنا قلنا لا ، لانها بعيده ساعتين طريج
و هذي صوره من الحديقه
::
و بعدها ردينا الفندق لان كنا تعبانين من هاليوم ، و قبل لا انام دق عليي الوالد عالغرفه و قالي تعالي غرفتي ، قلت شكلي مسوي مصيبه
، رحت ولا يقول ان عنده رفيجه كان يدرس وياه ببريطانيا ، عايش بجنوب افريقيا الحين ، باجر بيمره و ياخذه يطلع وياه ، فقالي اذا تبي تيي ويانا نام مبجر لان راح يمرنا الصبح ، قلتله خلاص احسبني وياكم.

قعدني الوالد الله يهديه الساعه الصبح

، تريقنا و بدلنا و قعنا باللوبي نشرب كوفي على ما يوصل صاحبه ، والله ما طول ، عشر دقايق ولا ايي ، الوالد قاله تعالي انزل اشرب قهوه او شي بارد ، نزل و سلمنا عليه و قعدو يستذكرون ايام الدراسه و انه قاعد مادري شالطبخه بينهم
. بعدها مشينا و رحبنا السياره ، ولا سيارته بيجو كشف
، و احنا بالطريج طيحت وياه سوالف و ودرا اني تربيه بدنيه ، قالي خلاص اليوم بخليك تلعب قولف ، و طبعا انه كان حلمي ان العب قولف ، لان مليت من الميني قولف بصراحه
،رحنا نادي اهو مشترك فيه مال قولف ، لعبنا و طلعت لعبه صععبه ، فقالي خل اوديك عند المدرب مالي عشان يدربك شوي علي ما اقعد ويا ابوك نشرب شي ، قلت اوكي ، رحنا و مسكين المدرب كره عيشته مني
المهم بعدها رحنا شقته و كان موقعها شي خيال
هني الواجهه للشقه و البحر جدامنا
::
و هني من الشقه من الخلف جبال و طبيعه
::
بعدها قلنا يالله خل نرجع ، لان قربيت تظلم الدنيا ، ،ورانا درب
و بهذا نكون خلصنا نص الكيب تاون
و باجي النص الثاني نكمل على طول تحت
::
::
::

ماشاء الله !!!
يعطيك العافية اخوي ..
تقرير جداً جميل والصور ماشاء الله ممتازة !!
متابعتك طال عمرك ..

المشاركة الأصلية كتبت بواسطة ام نواف ونورة






السلام عليهوم
::
يعطيج العافيه
و يشرفني متابعتج

ماشااءلله عليك رحله منظمه وحلوه سوالفك
تصويرك مرره روعه
متابعين

المشاركة الأصلية كتبت بواسطة شغب قلم






السلام عليهوم
حياج الله اختي
يشرفني متابعتج

1. و هذي لوحه التسعيره مالت الدخول


2. و هني راح تسالون منو هذا ؟؟ و شنو ماسك ؟؟

السلام عليهوم
::
اليوم نكمل النص الثاني من مدينه (كيب تاون)
::
طبعا قعدنا من النوم الصبح مبجر لان اليوم راح نروح (cape of good hope) (راس الرجاء الصالح) طبعا هذي اقصى نقطه بجنوب قاره افريقيا
، مسافه شوي بعيده قالولنا ، عشان جذي قعدنا مبجر و تريقنا بالفندق ، و نطرنا السايق علي ما اييلنا عشان نحرك و نروح ، المده لي هناك تقريبا ساعتين الا ربع ، المهم حركنا من الفندق و المناظر بالطريج حيل حلوه ، جبال و طبيعه و زرع على يمينك و بحر علي يسارك ، بعد ما مشينا ساعه تقريبا ولا نلقا مكان مثل محميه طبيعيه ، سالنا السايق شنو هذا ؟ قالنا هذا مكان كل بطاريق
، قلنا خل ننزل نشوف و نصور ، نزلنا و دشينا ولا وايد بطاريق ، في منهم بالبحر و منهم عالشاطئ و منهم يتسبحون
،
و هذي صوره من المكان
هذه الصورة تم اعادة تحجيمها . الحجم الافتراضي لها هو 1000x692.
::
و بعدها ، كان بنفس المكان في مطاعم و كافيهات ، شربنا عصاير و بيبسي و بعدها حركنا كملنا مشوارنا ، و بعد ساعه الا ربع تقريبا قربنا نوصل
هذه الصورة تم اعادة تحجيمها . الحجم الافتراضي لها هو 1000x682.

و هذي لوحه التسعيره مالت الدخول

::
دفعنا الرسوم و دشينا و كان ممنوع سيارت يدشون ، لازم نكمل مشي لان في صعده لي فوق و ماكو شارع ، طبعا الاهل قام يمشون على بيض كانو ، و قالو احنا اهم شي نشوف راس الرجاء الصالح و ماله داعي نصعد لي فوق كلش ، طبعا احنا ندري ان مافيهم حيل
، رحنا انه و الوالد و كملنا طريجنا
و هني حظرتي و انه بالطريج
هذه الصورة تم اعادة تحجيمها . الحجم الافتراضي لها هو 1000x765.
::
و بعد شويه مشي و كل متر و متر مصورين انه و الوالد
وصلنا لي فوق ، و كانو حاطين لوحه فيها اشهر مناطق العالم و اتجاهاتها بس ما قدرنا نصور اللوحه من كثر الزحمه و الوالد كل يقول بسرعه خل نرجع لانهم ناطرينا تحت
هني انه و الوالد فوق و راس الرجاء الصالح ورانا
هذه الصورة تم اعادة تحجيمها . الحجم الافتراضي لها هو 1000x775.
::
و هذي صوره لراس الرجاء الصالح
هذه الصورة تم اعادة تحجيمها . الحجم الافتراضي لها هو 1000x750.
::
و هني صوره اللوحه مالت المكان و طبعا اليابانيين يخرب بيتهم شنو يحبون يصورون و المشكله يطولوون
هذه الصورة تم اعادة تحجيمها . الحجم الافتراضي لها هو 1000x803.
::
و طبعا هني راح تقولون شفي هذا ماشر جذي ؟؟
هذه الصورة تم اعادة تحجيمها . الحجم الافتراضي لها هو 1000x743.
::
طبعا مسوي جذي ، لان يميني المحيط الهندي و يساري المحيط الهادي ،يعني انه و انه واقف ، نصي بالمحيط الهندي و نصي بالمحيط الهادي ((حركات صح))
و طبعا بعدها ردينا الفندق و كالعاده رحنا تعشينا ب ووتر فرونت شاورما
و ردينا الفندق و نمنا لان باجر اخر يوم لنا ب كيب تاون
::
قعدنا من النوم من صباح الله خير و بعد الريوق كانت وجتنا اليوم لي (robben island) و طبعا بهالجزيره موجود السجن اللي كان مسجون فيه نيلسون مانديلا و باجي السجناء السياسيين
، طبعا الجزيره صغيره و كلها سجن ، رحنا لي المينا و منها ركبنا طراد سريع يودينا لي الجزيره ، المسافه تقريبا ربع ساعه بالطراد ، طبعا الطراد مكيف و شغل عدل ، اول ما توصل الجزيره يكون في باص ناطر و ياخذ كل اللي بالطراد و ياخذهم بجوله بالجزيره عشان تشوف السجن من بره
و هذي صوره للسجن من بره هذه الصورة تم اعادة تحجيمها . الحجم الافتراضي لها هو 1000x784.
::
و من الشغلات اللي قالولنا اياهم من خلال الجوله ، ان حجم غرفه السجن متر و نص ب متر و نص و غرفه كلاب الحراسه (عزكم الله) مترين ب مترين و يعني غرفه الكلاب اكبر من غرفه السجين !!!!
و هذي لوحه موجوده على السجن من بره ، لحظه اطلاق سراح السجناء السياسيين
هذه الصورة تم اعادة تحجيمها . الحجم الافتراضي لها هو 1000x738.
::
و هني صوره ثانيه للسجن من بره مع وجود حظرتي
هذه الصورة تم اعادة تحجيمها . الحجم الافتراضي لها هو 1000x744.
::
طبعا هذا مدخل مجموعه من زنازين السجن و انه اللي اطقلهم الجرس حق وقت الاكل
هذه الصورة تم اعادة تحجيمها . الحجم الافتراضي لها هو 1000x798.
::

و هني راح تسالون منو هذا ؟؟ و شنو ماسك ؟؟

اولا هذا واحد كان مسجون بالسجن ، و قعد بالسجن سنين ، و بعد ما طلع و سوو السجن مثل متحف ، اهو صار يشتغل فيه و يشرح حق السياح عن السجن و جذي (دليل سياحي للسجن) ، و اللي ماسكه بايده هذا الحمام (عزكم الله) !!
::
::
و بجي حظراتي و سادتي ، انهينا مدينه كيب تاون
و بالجزء القادم من التقرير راح نتكلم و نشوف السفاري و اوييلي على السفاري
و دمتم سالمين

1. و اسم المحميه اللي قعدنا فيها (cruger national park)


2. و بو صلوح يدور المطار ، يدور المدرج ، بس ما يشوف شي !!


3. ، اخر طلع المدرج من رمل


4. طبعا شفنا كل انواع البيق فايف ، و كانت رحله حيل حلوه حق السفاري

السلام عليهوم
يعطيكم العافيه على مروركم و متابعتكم و ارائكم للتقرير
::
نبلش بالقسم الاخير من سفرتنا و اهو كان للسفاري طبعا

و اسم المحميه اللي قعدنا فيها (cruger national park)

::
طبعا رحنا المطار و الرحله كانت من كيب تاون لي جوهانزبيرق بالبدايه ، وصلنا جوهانزبيرق بس ما طلعنا من المطار ، افترينا شوي بمطارهم ، بعدها رحنا للبوابه ، و ركبونا باص عشان يودينا لي الطياره ، طبعا استغربنا ، لان مطارهم كبير و في (الخرطوم) اللي يوصلك لي الطياره على طول فليش مودينا بباص !!!
، المهم بعد شويه دقايق وصلنا لي مكان كل طيارات صغييره نفس اللي بالافلام و كانت طيارتنا وحده منهم ، احنا كل واحد يطالع الثاني
معقوله بنركب بهالطياره ؟؟ هذي لو ندعم فيها طير يمكن احنا نتعور مو اهو
هذي صوره الطياره
::
المهم ركبنا و ربطنا احزمتنا و شغل الطيار المراوح و طرنا ، بالبدايه كانت الطياره تهتز وايد و صوتها عالي ، قلنا ولين ، ساعتين الطريج و على هالحاله ؟؟
بس شوي لمن ارتفعنا فوق ، الوضع صار طبيعي ، المهم اول شي نزلنا عايله كانت ويانا منطقه ثانيه ، و ظلينا بروحنا بالطياره (العب لعب عاد الحين)
، شوي ولا الصيار يلتفت علينا و يقول يالله تجهزو الحين بننزل

و بو صلوح يدور المطار ، يدور المدرج ، بس ما يشوف شي !!

، اخر طلع المدرج من رمل

المهم نزلنا بسلام ، اول ما نزلنا من الطياره ولا في اشخاص ناطرينا عند الطياره ، عطونا ماي و عصير و مناشف معطره و قالولنا يالله ركبو السياره عشان نروح الفندق ، ركبنا السياره(جيب كشف) و رحنا الفندق ((حده عجييب)) لان كان في نوعين ، في فندق عادي و في نظام كواخه (كوخ) احنا ماخذين الكوخ ، يعني بروحنا و محد ويانا
هذي صوره كوخنا من بره
::
طبعا نلاحظ على الطف في شبك ، هذا شبك مكهرب بقوه عاليه ، عشان الحيوانات ما تدش عليك
و هي صوره من داخل و انه قاعد بالصاله اتقرا شوي عن الحيوانات
::
و هني بالمطبخ مع طباختنا (اكلها عجيب)
::
و هني غرفتي و هذا سريري
::
طبعا اللي من اول الرحله لي اخرها ، ويانا ناس افريقيين كل يوم يوكونون ويانا (الطباخه و مساعتها و اللي ينظوف شخصين و و ) ، طبعا التراكر اهو اللي يقعد جدام بالسياره و يدور الحيوانت و يعرف اماكنهم و يقدر من خلال طبعه او اثر قدم الحيوان يقولك متى كان هني هالحيوان و شكثر صارله من مر من هني !!!
المهم تعشينا و العشا كان بره بالحديقه و شابيلنا نار و الوضع عجيب
::
المهم بعد العشا نمنا ، لان الرحلات كل يوم الصبح و العصر تصير و الصبح الساعه نحرك يعني لازم قاعدين على ما نبدل و نغسل و نصلي و نتريق .
قعدنا الصبح و خلنا كل شغلنا و كانو فوستر و ادريان ناطرينا و كل واحد فينا اخذ موقعه بالسياره ، و رحنا نستكشف الحيوانات و الغابه
و هني صوره بالسياره و احنا نفتر بين البراري
::
و طبعا من اول يوم شفنا نوع نادر من انواع الفهود (لوبارد) و اهو من البيق فايف ، البيق فايف اهو انواع حيوانات نادره ، احنا شفنا نوع منهم باول يوم
::
طبعا عقب ما شفنا هالحيوانات و هالطبيعه و الزرع ، و قبل لا نرجع دايما يكون في كشته صغيره بالغابه ، نشرب عصاير و كاكاو و مشروبات ساخنه
جذي يعني
::
طبعا نطلع من الساعه الصبح لي او ونص ، طبعا ما راح تحس بالملل ، لانك راح تشوف كل يوم انواع يديده من الحيوانات و الاشجار .
المهم بعدها ترجع الفندق تتغدا و تاخذلك راحه ، و تشوف الحيوانات من الغرفه مالتك ، لان مسوين مثل بركه ماي قبال الفندق عشان الحيوانات تيي لي عندك و انت بالفندق
هني كانو مشرفينا الفيله
::
و بعدها الراحه ، الساعه نطلع مره ثانيه نشوف حيوانات لي المغرب
هني زرافه وقت الغروب
::
و طبعا بالليل قبل لا نرجع الفندق نفس الشي ، ننزل من السياره و ناكل و نشرب شويه خفايف ، و في شي غريب ان عندهم (براز) الفيل يعتبر علاج حق كل انواع الامراض ، يقولك لان الفيل ياكل من كل انواع الاشجاد و و في ماده بجسنم الفيل تجمع هالاكل مع بعض و يصير علاج للامراض ، و من مميزاته ان الفيل لمن ياكل (يخرج) على طول ، يعني مافي ريحه ولا شي
و هني انه و ادريان قال نتعالج ههه ، ناكل (براز)فيل
::
بعدها نرجع الفندق ، اليوم كانو مغيرين ، العشان كانو باربيكيو و بو صلوح اهو الشيف (الله يستر)
هني و انه اطبخلهم
::
و طبعا لازم يسوولك حفله ، يرقصون الرقص مالهم و يسوون فقرات افريقيه و انت تتعشا
و هني باحدى الحفلات
::
طبعا نشوف الطاولات جدامهم
::
طبعا من اول يوم لي اخر يوم و احنا نتمنا نشوف الاسود بس ما كنا نلقاهم ، و لمن يا اخر يوم ، و قبل لا نرجع الفندق ، جان نلقاهم
::

طبعا شفنا كل انواع البيق فايف ، و كانت رحله حيل حلوه حق السفاري

و من الشغلات اللي صارتلنا ، ان يوم من الايام كان العشان بنص الغابه ، عقب ما خلصنا جولتنا المسائيه ، ودونا مكان بنص الغابه و كانو مجهزين النار و الطاولات و كل شي ، كان صج جو عجيب ، و كان في خروف معلقينه على شوايه ، و على ما يستوي الاكل ، كانو يعلمونا على النجوم و شلون نعرف الاتجاهات من النجوم و اساميهم .
::
::
و بجذي نكون خلصنا اخر مرحله من مراحل جنوب افريقيا ، و كانت سفره حييل حلوه ، و اتمنى اني ما اكون ثقلت عليكم ، و يعطيكم العافيه على مروركم و ردودكم الحلوه
و انطروني بتقارير يايه احسن انشالله
و دمتم سالمين

شي جميل جدا أفريقيا بها تنوع كبير في البيئة