- نوع الشقة :One Bedroom King
تحية عطرة لجميع أعضاء منتدى المسافرون العرب والقائمين عليه
حبيت أنقل لكم تجربتي بالسكن بشقق بارك رويال سويت في العاصمة الماليزية كوالالمبور
PARKROYAL Serviced Suites Kuala Lumpur
وذلك بالفترة من 5/2/2012 إلى 11/2/2012 وهي مدة 6 ليالي
الحجز :تم حجز الشقة من الموقع الرسمي للفندق وهو
http://www.parkroyalhotels.com/en/servicedsuites/malaysia/kuala_lumpur/parkroyal/index.html
نوع الشقة :One Bedroom King
غرفة واحدة بسرير كبيرالسعر :كان السعر يساوي 2792 رنقت ماليزي لعدد 6 ليالي ( اسبوع ) وهو ما يعادل 254 دينار كويتي ، والسعر شامل الضرائب ومع الإفطار لعدد 4 أشخاص
الموقع :الموقع كان مثالي بالنسبة لي لأني ماحب أسكن بشارع العرب لكن قريب منه وهذا هو موقع الفندق ، قريب من شارع العرب يمكن 5 دقايق مشيا على الأقدام وبعيد عن الصيحه والازعاج والقهاوي والزحمه و و و و ، المهم الفندق يقع خلف فندق استانا الشهير
صور الفندق :خلونا نبتدي بالصور الحين
هذي صورة الفندق بالليل من الخارج
وهذي صور اللوبي تحت
وهذي المصاعد
وهذا الممر المؤدي لشقتنا
كانت الشقة تتكون من غرفة نوم واحدة مع حمامها وانتم بكرامة ، وصالة طويلة وركن يعتبر مطبخ ، وهو مجهز بكل الأدوات اللازمة للطبخ والنفخ والأكل
أخليكم مع صور الشقة من الداخل
هذي غرفة النوم
وهذي الصالة
وهذا الحمام وأنتم بكرامة
وهذا المطبخ
وهو عبارة عن ركن بزاوية الصالة ، لكنه يحتوي على جميع احتياجات الطبخ المطلوبة
أول ما استلمت الشقة ولدي راح الحمام تكرمون وتفاجأنا ان باب الحمام خربان ، ما يتسكر بالكامل إلا لما تقفلونه
المهم كنا يوعانين حزتها وما فتحت الشنط ولا سويت شي ، على طول نزلنا تحت وبلغت الرسبشن بالمشكلة الي عندي وطلعنا برا عشان ناكل
بعد ما أكلنا وتمشينا شوي بشارع العرب رجعنا الفندق جان يستقبلونا الرسبشن بالخبر السار وهو أنهم سوولنا أب قريد للشقة ( الظاهر ما عرفوا يصلحون الباب ) وكان نوع الشقة الثانية هو
Two Bedroom Suite
شكل الشقة واسعه ومرتبه ونظيفه ..
عندي سؤال ؟ ما شاء الله معاك 3 اطفال ؟ ما قالك الرسبشن اي شي ؟
وتستاهل الترقية للشقة الاكبر