بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بحريني محرقاوي
16-12-2022 - 03:43 pm
رجعت من تايلند من 5 ايام تقريبا وومدة سفرتي كانت 24 يوم 11 يوم كوساموي و9 بوكت ويومين بتايا ويومين بانكوك واي استفسار حاضر للطيبين ..
وموضوع تقريري (سوالف بحرينية) بييكم عقب جم يوم على ما تفرغ شوي .. تحياتي لكم ..


رحلتي الى تايلاند
التعليقات (9)
سيف 22
سيف 22
الحمد لله على السلامة
وننتظر السوالف الحلوة والاخبار الجميلة والصور

بحريني محرقاوي
بحريني محرقاوي
الله يسلمك الغالي .. ان شاء الله تامر امر ..

ولد_البحرين
ولد_البحرين
حمدلله على السلامة
ننتظر تفاصيل الرحلة ،، ونتمناها بالصور

بحريني محرقاوي
بحريني محرقاوي
  1. الحلقة الاولى - سوالف بحرينية - التخطيط للسفر

  2. بسم الله نبتدي ,,


الحلقة الاولى - سوالف بحرينية - التخطيط للسفر

بسم الله نبتدي ,,

طبعا تايلند ودك معظم الوقت تيلس فيها .. مافيها وقت ولا زمان ولا مكان.. المهم كنا اعزم في الصبيان من اربعة اشهر قبل شهر ابريل من بيروح معاي مني مناك اقولهم ترى هالسنة عيد الماي لايفوتكم .. اتفقت مع واحد من الربع (حمادو) في موسم البر في الخيمة في الصخير (ها حمادو شلون عن تايلند شهر 4) قالي فوقو بوسعود تايلند تايلند .. وانة اعد الايام متى بنرووح وانة احن عليه يلة حمادو جاهز حق تايلند يقولي الشيخ انة جاهز وفجاة الا يقولي لا بوسعود انة ماقدر يقول بيبني ..ومادري شنهو .. اوالصبيان الباقي كل واحد يقولي شي وانة طبعا ما عندي مشكلة اروح بروحي ومرة واحدة وانة يالس في القهوة في العمدة الا (موسو) واحد من الربع يقولي ها بوسعود الا بتروح تايلند قلتله ايه شهر اربعة الا يقولي بس بوسعود وياك ويااك .. وننطر الايام ونعد الساعات والدقايق وخذت الاجازة اللي مابغت تطلع الا بطلعة الرووح واسوي تلفون حق الموس اقوله ها الموس خذت اجازة يقولي ايه خذتها بس بقة التوقيع مال المسئول الا اسويله انزين ودلهه كيكة شكولاتة من ليلو بيوقعها بسرعة ههه.. المهم طلعت الاجازة وكل شي زي الفل .. الحين تعال يا بوسعود ورتب الرحلة .. وانة المدبر كل شي على راسي ...ههه لان خبركم انة رايح التاي 5 مرات من قبل ورفيجي اول مرة لازم اباريه جنه مرتي .. ههه .. تعال الحين ادور الطيران الانسب والافضل .. استقرينا على الطيران السيلاني ب 190 دينار للشخص وقصيت تذكرتين ب الفيزا كارد .. قصيتها من تاريخ 1 ابريل والرجوع 26 ابريل ، وهاذي اول خطوة افتكينا منه تعال الحين رتب الرحلة المهم ماطول عليكم ولا اهذر عليكم (كوساموي 11 يوم - بوكت 9 ايام- بتايا 2- بانكوك 2 - سيلان يوم واحد ترانزيت) ، قصيت تذكرتين عن طريج بانكوك اير حق كوساموي 80 دينار لشخصين من البحرين .. لان الله يسلمكم بننزل المطار وعقب اربع ساعات بنروح كوساموي.. هاذي سالفة اول تذكرتين خلصت باقي التذاكر قلت بتصرف من هناك .. باقي السكن الحين اقول حق الموس ها الموس شلون عن السكن وين تبي تسكن يقولي بوسعود انت فصل واحنة نلبس يعني الريال عطاني الخيط والمخيط .. ماطول عليكم حجزت فندقين من موقع بوكنج (فندق صلالة 1500 بات لليلة) لاربعة ايام (وفندق ارك بار 1600 بات لأربعة ايام الليلة) بس بتيكم في الحلقات الياية شنهو سوينة وصادنة في هالفنادق وسلبيات بوكنج .. لا تستعيلون ولا تتمللون من الهذرة .. نلقاكم في الحلقة الثانية من سوالف بحرينية (التجهيز للسفر والسفر في الخطوط السلانية والوصول الى كوساموي) .. انتظروني..

بحريني محرقاوي
بحريني محرقاوي
ولد_البحرين
الله يخليك مشرفنا ولد ديرتي بس المشكلة طال عمرك الصور مبعثرة ووالاكثرية صوري وصور الموس رفيجي
بس ان شاء الله اخر التقرير بحط لكم جم صورة من اروع الصور .. تحياتي واحترامي لك

ليمونة حزينة
ليمونة حزينة
انا اول مسافره معاكم في الرحله ياحيى الله بالشيخ البحريني يامرحبا فيك يا ولد الجيران انا ابي بالفيرست كلاس بليز
مابي ولا هندي يجلس جانبيي يصدعني بريحة زيت املا
الرحله باين عليها احداث ومقالب وهقات يالله انا بطمش جاهزه بس لا طول وين الصور لوسمحت بتقول كلها صور شخصيه وموسو باين بالصوره ياعمي مانبي نشوفكم ندري انكم شياب نبي نوف الطبيعه اللي وراكم والبحر والصحرا وسما تاايلاند
يالله باي منتظره التقرير

Al Osaimi
Al Osaimi
الحمدلله علي السلامه
ويعطيك الف غافيه
بإنتظار تقريرك الذي باين عليه بيكون رائع كروعة صاحبه

الفرسني
الفرسني
الحمد لله على السلامة ولا اطول علينا بحاجة التقرير الاجازات على الابواب
نبي نستفيد من رحلتك وتقريرك .

حسن الحمادي1
حسن الحمادي1
الف الحمد لله على سلامة الوصول .
سجلني من المتابعين في رحلتك .
تقبل تحياتي """


خصم يصل إلى 25%