الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
15-12-2022 - 09:01 am

اهلا في احبابي الكرام
اعضاء احلى المنتديات
اليوم تقريرنا اليديد عن منتزه الخيران بعد التجديد
ادري من زمان متجدد بس من العام واحنا نبي نحجز كله فل وحتى الويتنغ لست ما يطلع اسمنا
انزين
فجأة ولدي يقول ان صديقه حاجز وما يبيه واذا تبونه اليوم ندفع فلوس وباجر الموعد
قلنا يلا احجزه لنا وانا هالحزة كنت معزومه بكوفي في ميسوني على عشا
وويبيلي اروح الجمعية نتشرى غريضات للخيران
المهم يوم قال انه اوكي دفع قلنا يلا نروح الجمعية
زهبنا الشنط بالليل
ويوم الخميس الساعه 1 طلعنا من البيت الى الخيران
شنو الخيران ؟؟
هذا اهو
منتزه الخيران
افتتح الخيران في 23 فبراير 1987 تحت رعاية المغفور له الشيخ جابر الاحمد الصباح رحمة الله عليه في منطقة الخيران جنوب الكويت ويبعد عن مدينة الكويت حوالي 120 كيلو متر ومساحته 831900 متر مربع.
يشمل على :
·196 شاليه موزعة على 25 شاليه ملكي فاخر و 123 شاليه عادي و 48 أستوديو و 40 فيلا فاخرة.
·عدد من المطاعم الفاخرة ومنها النورس والبحار والبراحة والبندر وعدد من الكافتيريات ومنها كافتيريا حمام السباحة وكافتيريا الشاطئ.
·نادي الأطفال الترفيهي والتعليمي حيث يقوم فريق متخصص بتعليم وتدريب الأطفال في وقت فراغهم .
·شاطئ وحوضين للسباحة إحداهما بالمياه المالحة (كبر) والآخر بالمياه العذبة (الروضتين) مع حمام سباحة آخر للأطفال.
·نادي اليخوت يمكن من خلاله الحصول على عضوية المرسى البحري الفاخر والمجهز بالكامل.
·أربعة ملاعب اولمبية مضاءة وهي تنس أرضي وكرة قدم وكرة سلة وكرة طائرة.
·مركز للألعاب ومدينة ترفيهية صغيرة تحتوي على بولينغ وبلياردو وسنوكر وألعاب الفيديو ومطاعم.
· سوق مركزي وثلاث مساجد وعيادة طبية وحضانة ونادي للأطفال ومصبغة.
موقع الالكتروني :
في الطريق
وصلنا هارديز

منت كويتي اذا رايح الخيران وما تتغدى ماكدونالدز
او توقف عنده

ترسنا السيارة بنزين

ولازم ندور ترسة البطن

نكمل مشينا وراح تشوفون اللافتات اللي تدل على مسافة للخيران
وتشوفون علامة الخيران في الشارع المقابل يعني نلف يسار من اول لفة تيي بعد العلامة
لفينا وهذه العلامة

وهذا الطريق مشيناه يمكن ليش العيال متشوقين على الخيران
يصير هالدرب طويل

قبل كان بر على الجانبين لحد البحر تلاقي شاليهات
الحين شوفوا شنو صار فتحوا بحيرات من ماء البحر وراح تكون هني منطقة سكنية

وهذه بيوت وشاليهات منتهية البناء

وهذا الصوب الثاني

والحين قربنا من البوابة

وهني توقف وتدخل الاستقبال لعمل التشيك ان

هذا الاستقبال ما صورته في القدوم صورته وقت الطلعه

ما صورت عقب ما نزلت وعملت التشيك ان وصارت الاوراق كلها بيدي
وهذا شاليهنا وصلناه

وهذه الصورة هديه لمتابعيني


رحلتي الى الكويت
التعليقات (9)
منى العازمي
منى العازمي
مرحبا ام يوسف ان شاء الله أكون أول وحده متابعه معاج
يعطيج العافيه على هالتقرير وبنشوف الخيران بعد التجديد بتصير أحلى بتصويرج ,,,,

بوحميـــــــــد
بوحميـــــــــد
ياسلا عليك ياام يوسف
بدايه موفقه مميزتنا
وتقرير مميز من مميزة العرب المسافرون
تسلم الايادي
متابع

طائر بلا حدود
طائر بلا حدود
اضحكتينى بسالفة ماكدونالدز...تونى عرفت ليش كل ماروح هالمكان اصفط واطلب منه اثارينى كويتى ههه..تحياتى.

زائر
ام يوسف ..
في مكان وإلا لا ..
انا عارف اني مقصر بالمشاركه في تقاريرك .. لكن نعوضك في الجايات ؛)
بس غريب الماك في هذا المكان ..
يالله معاك متابعين

nanaabuabed
nanaabuabed
يسعد صباحك احلى مميزة في العرب المسافرون
منيح اني لحقت الصف الاول .. سابقة خطيرة
متابعة معاكي احلى تقرير ياغالية
ورينا الابداع بقى ..

ابوحمد.
ابوحمد.
بدايه حلوه ام يوسف
سجليني متابع

توبليرون
توبليرون
منى العازمي
مرحبا ام يوسف ان شاء الله أكون أول وحده متابعه معاج
يعطيج العافيه على هالتقرير وبنشوف الخيران بعد التجديد بتصير أحلى بتصويرج ,,,,
يا اهلا بأحلى متابعة بنت بلادي
منمن حياج حبيبتي وان شاءالله يكون التقرير بالمستوى المطلوب
شكرا لمرورك العطر

توبليرون
توبليرون
بوحميد
هذا من ذوقك مشرفنا بوحميد
وان شاءالله يعجبكم التقريرويعجبكم المكان
يلا الصف الاول فاضي ارتاح وين ما تبي
شكرا لمتابعتك الجميله

توبليرون
توبليرون
طائر بلا حدود
ههه لازم كل ما نبي نروح الخيران يقولون العيال لا تسون غدا بالبيت لانكم تاخرونا ناكل بالطريج
وطبعا ماكدونالد قصدهم .....ولو تشوف يوم الخميس دايما الظهر يكون عنده زحمه من اللي رايحين الخيران .ههه......ومامك توقف وتاكل منه اكيد فيك عرج كويتي ههه ...
يعطيك العافية على المرور الكريم


خصم يصل إلى 25%