1-تعبئة النموذج ( تقدر تطلبه من أي مكتب سفريات )
2- حجز فندق مؤكد ( مش شرط تكون دافع ... فقط ورقه مطبوعه من مكتب السفريات )
3-تذكرة سفر مؤكدة ذهاب وعودة ( يكفي برنت للحجز المؤكد )
4-تأمين صحي للسفر ( أهم شي يكون التأمين يغطي مدة السفر )
5-صورة شخصية ملونة
6-كشف حساب لمدة ثلاث أشهر ( بعض السفارات تطلبه والبعض لا )
==
والفيزا يفضل تختارها صالحه لمدة 3 سنوات
( لأن في خيارات لمدة صلاحية الفيزا حسب طلبك ))
==
وأنا أفضل انك انت شخصيا تخلص موضوع الفيزا
أنا صادفني الموقف وقالي المكتب بأنها تاخذ قرابة 10 أيام
رحت بنفسي وخلصتها خلال يومين في السفارة الايطاليه في أبوظبي
( سعر استخراج الفيزا 155 درهم )
لأني اتصلت على أكثر من سفاره وتفاوتت المده عندهم .. أقصى مده كانت 7 أيام
ولما قالت لي الايطاليه يومين اتصلت على المكتب وقلت لهم يرتبو لي حجوزات على اني مسافر لايطاليا ويرسلوها على الفاكس
وفعلا رحت وخلصت الموضوع وصباح اليوم الثالث استملت الفيزا
(( مع العلم اني رحت لسويسرا والنمسا ومامريت على ايطاليا بدون أي مشاكل ))
==
أما بخصوص التأمين الصحي فهاذي المده وسعرها
5يوم === 150 درهم
2يوم === 200 درهم
1يوم === 240 درهم
5يوم === 300 درهم
2يوم === 370 درهم
2يوم === 490 درهم
==
وحاول تشوف أقرب مده لك عشان ماتدفع زياده وانت ماراح تسافر الا مره وحده خلال هالمده
واذا كنت بتسافر أكثر من مره خلال الفتره اللي بتأمن فيها معناتها تاخذ المده المناسبه
==
تحياتي للجميع
اخوكم
أبو مانع