عاشق الرياض11
03-07-2022 - 10:41 am
السلام عليكم
الاسبوع هذا مثل ماتعرفون السفاره كانت مغلقه من السبت إلى الاثنين وعاودة في إستقبال الشنجن يوم الثلاثاء
جيتهم يوم الثلاثاء طبعاً تأخرت شوي وعلى مارتبت باقي الاوراق وعلى ماضعت وسط السفارات لاني رحت على مايقولون مدرعم
وصلت لهم الساعه 11 وعشر دقايق الا الهندي اللي عند البوابة يقول خلاص ياحبيبي انتهى الوقت قلت ياللحية الغانمه تونا باقي 50 دقيقه وتسكر
وراني ورقه عنده يقول اي واحد يجي اسجل اسمه هنا ويأخذ رقم إلى 30 شخص بعده اوقف الاستقبال حتى لو الساعه 9 ونص
رجعت قلت بكره اجيهم بدري ومثل ماحصل 9 وربع وانا عندهم ويعطيني رقم وكان رقمي 25 طبعا الايام اللي راحت كان واحد مفيز يقول فاضين ماحصلت قدامي الا 3
لما خشيت كان الرقم تقريباً 10 وبصراحه فيه بطئ في انجاز الشخص تعبنا من الجلسه واشوف بعضهم اوراقهم ناقصه واللي تأمينه مو بالانجلش,,بس اي شخص ينقصه شي لا يطلع برا يروح لساحة الكندي فيها طباعه وكل الخدمات وفيه مكتب للتعاونية اللي يبي يعدل في تامينه او ما امن
المهم من الزحمه اول ماوصل السرا علي الا وهو يأذن الظهر طبعا ماتخش بجوالك ولا شي يعني طفش في الانتظار بس الحمد لله اوراقي كلها كامله وحتى ماناقشتني الموضفه ولا شي ختمة وسددت وقالت انتظر مننا اتصال,,,
الهدف من الموضوع الحضور مبكرا فوقت الصيف قرب وكثرت طلبات التأشيره وصار زحمه او يمكن عشان كانوا مقفلين اول ايام الاسبوع
ونلتقى قريباً ان شاء الله
تقبل مني خالص التحية،،،،