بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



q8ya metnaqla q8ya metnaqla
كـــل الطــــــرق تــؤدي الـــــ رومـــــــــــا ــــــــى
16-12-2014 - 11:36 pm

بســـم الله الرحمن الرحيــــم
السلام عليكم ورحمه الله وبركاته
شلونكم وشخباركم يا اعضاء العرب المسافرون ان شاءالله بخير
مثل منتوا شايفين اليوم تقريرنا عن بلد التــــاريخ والفن والحضاره انها رومـــــــــا
وصج لا قالوا كل الطرق تؤدي الى رومــــــــا
ابتدي معاكم رحلتنا الخفيفه والسريعه الى بلد الطليـــــــان ،،
المسافرين 3 من المجندات بدايه الرحله اسبوع في بلد الضباب واسبوع في بلد الطليـــــان ..
كانت الرحله الى روما من تاريخ 01/01/2012
الناقل الرسمي لنا الطيران البريطاني




التذكره كان سعرها 196 دينار كويتي للشخص ( كويت - لندن - روما- لندن - كويت )
السكن كان من نصيب فندق
Rome Marriott Grand Hotel Flora
على شارع فنيتو Via Vittorio Veneto

http://www.marriott.com/hotels/trave...d-hotel-flora/

تقيمي للفندق 5/5
السعر ل 5 ليالي في 6 ايام 740 ينار كويتي شامل الضريبه والريوق (الافطار) النوع سويت ..
وهذا الفندق من بره




وهذا اللوبي والاستقبال



وهذا السويت ( ماعليه عفسناه اول مادشينا بعد تدرون مجندات












وهذا الكبت ( الخزانه )



واهني الحمام عزكم الله



المنظر اللي نطل عليه



وهذا الممر



الريوق كان في السطح (الرووف) وايد حلو والمنظر احلى وفيه قعدات بره بس ما كان في احد قاعد من البرد الكل داخل..



وهذا المنظر اللي بره من صوب الريوق




وجذي خلصنا من الفندق اول يوم وصلنا متأخر ريحنا وبالليل طلعنا تمشينا في شارعنا فينتو وهذيل بعض الصور عنه وفيه كافيهات ومطاعم قعدنا في كافيه وردينا الفندق وساحه باربريني pizza barberini كانت يمنا ونروح لها مشي والسفاره الامريكيه تقريبا كل شي يمنا ونقدر نروح له مشي ..

وهذا اهو الشارع واغلبيته فنادق











الساحه



واهني انتهي معاكم لليوم الاول في بلد الطليــــان ..
والقاكم ان شاء الله في يوم ثاني من هذي الرحله





المشاركات

ابو طلال* ابو طلال*
كـــل الطــــــرق تــؤدي الـــــ رومـــــــــــا ــــــــى


مشرفنا الغالى
تقرير باين علية شي يحمس وبصراحة
من فترة واحنا نبي تقرير يحرك مشاعرنا للسفر لروما
بداية رائعة واختيار موفق اشوفة من ناحية الفندق
وعشت الجو معاك ببداية قمة بالروعة والتصوير
واصل ابداعك
وكل الطرق بتاخذنا معك لروما بهالتقرير

تقبل ودي


q8ya metnaqla q8ya metnaqla
كـــل الطــــــرق تــؤدي الـــــ رومـــــــــــا ــــــــى


المشاركة الأصلية كتبت بواسطة ابو طلال*
مشرفنا الغالى
تقرير باين علية شي يحمس وبصراحة
من فترة واحنا نبي تقرير يحرك مشاعرنا للسفر لروما
بداية رائعة واختيار موفق اشوفة من ناحية الفندق
وعشت الجو معاك ببداية قمة بالروعة والتصوير
واصل ابداعك
وكل الطرق بتاخذنا معك لروما بهالتقرير

تقبل ودي
اي والله الحمدالله صراحه توفقنا فيه .. يابو طلال المشاعر من غير شي تشتاق لطريج روما :)
ان شاء الله الياي يعجبك اكثر واتخليك تروح لروما ..
وتشرفت لمرورك



زوجة ضابط زوجة ضابط
كـــل الطــــــرق تــؤدي الـــــ رومـــــــــــا ــــــــى


تقريررك رائع اسلوبك مشوق ماشاءالله عليك


ننتظر التكمله

ممكن اقدراروح وتمشي اموري واللغه الانجليزيه خفيفه


q8ya metnaqla q8ya metnaqla
كـــل الطــــــرق تــؤدي الـــــ رومـــــــــــا ــــــــى


المشاركة الأصلية كتبت بواسطة زوجة ضابط
تقريررك رائع اسلوبك مشوق ماشاءالله عليك
ننتظر التكمله
ممكن اقدراروح وتمشي اموري واللغه الانجليزيه خفيفه
مشكوره على كلامج الطيب .. اي تمشي امورج وسهالات ان شاءالله


q8ya metnaqla q8ya metnaqla
كـــل الطــــــرق تــؤدي الـــــ رومـــــــــــا ــــــــى


بونسييرا شبـاب
اليوم اكمل معاكم ثاني يوم من رحلتنا الرومانيه
قعدنا الصبح وجهزنا عمرنا وتريقنا وتوكلنا على الله ندور لنا شركه اتصالات وخذينا خط بلاك بيري من شركه tim اعتقد 50 يورو نسيت بالضبط جم لمده شهر .. وبعدها خذينا الباص تور لمده يومين كل شخص 28 يورور بس احنا مااستخدمناه الا يوم ..
الباص يلف فيكم اهم المعالم والشوارع في روما ومنها :
1- ساحه فينيسا والنصب التذكاري pizza venezia
2- المدرج الروماني colosseo
3- ساحه الرسامين piazza navona
4- قلعه سانت انجلو castel s.angelo
5- الفاتيكان في ساحه سانت بيترو pizza s.pietro
6- شارع نازيونالي و دل كورسو via nazionale & via del corso
7- الدرجات الاسبانيه spanish steps - spagna وهناك في سكيك وشوارع كلها ماركات عالميه .
8- نافوره تريفي fontana di trevi
9- ساحه باربريني piazza barberini
10- كنيسه سانتا ماريا s.maria maggiore
11- محطة القطار الرئيسيه في روما واسمها تيرمني وساحه الجمهوريه pizza della repubblica & stazione centrale roma termini

تقريبا هذيل اهم الاماكن اللي يمر عليهم الباص

وهذيل بعض الصور من يومنا الثاني في روما ..


النصب التذكاري وساحه فينيسا مقابله للنصب التذكاري





المدرج الروماني



ساحه الرسامين



قلعه سانت انجلو



الفاتيكان وساحه بيترو



شارع نازيونالي ودل كورسو





الدرجات الاسبانيه







كل النوافير صالحه للشرب





المكان اللي عليه سهم هذا الشارع اللي فيه اغلب الماركات

















نافوره تريفي ( بصراحه توقعتها في مكان غير هالمكان واكبر من هالحجم المكان كان وايد صغير وزحمه حيل ولافيها كافيهات مجبالينها كل المطاعم والكافيهات بالسكيك ) بس هم حلوه ..















ساحه باربريني



كنيسه سانتا ماريا



ساحه الجمهوريه






محطة تيرمني روما



وينتهي يومنا الثاني في بلد العشـــاق


خلصت الاسامي! خلصت الاسامي!
كـــل الطــــــرق تــؤدي الـــــ رومـــــــــــا ــــــــى


شكرا على التقرير الممتع

و لا تتأخرين علينا بالباقي


q8ya metnaqla q8ya metnaqla
كـــل الطــــــرق تــؤدي الـــــ رومـــــــــــا ــــــــى


العفو ان شاءالله الخير ياي بالطريج


q8ya metnaqla q8ya metnaqla
كـــل الطــــــرق تــؤدي الـــــ رومـــــــــــا ــــــــى


مساكم الله بالخير

اكمل معاكم اليوم الثالث في بلد الطليان ومع المجندات ووين راحوا ؟؟؟

كنا متفقين من امس بالليل وين راح نروح ورسينا على بر الحمدالله وتم الحجز والموعد لرحلتنا اليوم ..

الحجز كانت تكلفته 60 يورو لل 3 مجندات يعني كل وحده 20 يورو
الوقت المحدد الساعه 9 الصبح والرجوع الساعه 2 الظهر ..

قعدنا الصبح وعينا من الله خير ورحنا تريقنا




بعدها وصلت السياره بالوقت 9 احنا ماشين من الفندق ومرينا على فندقيين يبعدون عنا تقريبا 3 - 4 دقايق كمل القروب اللي معانا في السياره والاتجاه الى



castel roman designer outlet

Castel Romano Designer Outlet

تقريبا الوقت اخذ منا 40 دقيقه وصلنا قبل ماتفتح المحلات ب 10 دقايق .. وخذيت جم صوره للاوت لت على مايفتحون باجي المحلات وعقبها نسيت التصوير





















وصارت الساعه 2 خلصوا المجندات ورحنا سيارتنا ننطر القروب اللي معانا









رجعنا الفندق على 3 صلينا ولبسنا عدل لان البرد زاد اشوي ورحنا لمكان واايد حلو ومشهوور




بيزا نافونا ساحه الرسامين piazza navona











كلها عروض وكشكات بيع العاب واكل واكسسورات والخ والرسامين اشوي اللي شفتهم وحوالين الساحه مطاعم ..




























منو يبي :) يم يم





وبعد ما افترينا وخلصنا من الساحه كنا راح ناكل بعض وعلى اي مطعم جدامنا من المطاعم اللي على الساحه وتعشينا سامحوني ماصورت الرحله هذي صور الاكل اشوي لاني وقتها اكون يوعانه ومالي مزاج اصور:) كانت الطلبات (رافيلو - خبز بالثوم - بيتزا - باستا - روزيتوووو- 1 كولا و 2 سبرايت و جيلاتو 3 اللي اهو ايس كريم ) تقريبا 50 يورو واخذنا تاكسي ردينا الفندق ليوم يديد في بلاد الطليان وتقريبا تكلفه التاكسي 10 او 11 يورو ..
اتمنى يعجبكم اليوم هذا في بلد الفن والتاريخ روما


cenuor cenuor
كـــل الطــــــرق تــؤدي الـــــ رومـــــــــــا ــــــــى


اااااااه على روما وايامها احلى بلد انسى فيه اشياء كثيره : )



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

كـــل الطــــــرق تــؤدي الـــــ رومـــــــــــا ــــــــى