الفلبين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الكرستال999
08-12-2022 - 05:20 pm
اعذروني في عدم تحميل الصور وان شاء الله راح اكتب ماهو مفيد من رحلتي بالاول راح ابدأ بالتكلفه وخطالرحله الخطوط الكاثي باسيفيك شخصين ب 5800 خط السير ( جده – ابو ظبي ساعه – هونق كونق ساعتين –نغير الطياره ونتوجه لمانيلا ) المقاعد وسيعه ومريحه بصراحه خطة الرحله اول يوم بمانيلا يومين في بوهول يومين في سيبو 5 ايام في مانيلا الطيران الداخلي من مانيلا لبوهول شحن كلفني1000 بيسو ومن سيبو لمانيلا شحن كلفني 1000 بيسو تقريبا كلفني الطيران بدون شحن600 ريال لشخصين والبوت سوبر كت من بوهول لسيبو التكلفه لشخصين 1000 بيسو
تم حجز الفنادق عن طريق هوتيلز اول يوم واخر 5 ايام فقط باقي يومين في بوهول ويومين في سيبو قررت احجز في مانيلا عن طريق مكاتبهم بأقتراح واحد من الزملاء للأسف مع ان اورقامي حبيب قلبي كان مصر اني احجز فنادقي من جده النكبه في الحجز اما فل اوالسعر مضاعف
اول يوم بفندق دايموند بمانيلا ديلوكس ب 540 ريال بصراحه فندق روعه ماعليه أي ملاحظه
بوهول يومين بمنتجع بلو ووتر بنقلاو ب1700 ريال مع الافطار الغرف خيال لاكن احذر من الغرف بسريرين لايوجد عندهم غير 6 غرف بسريركبير فقط فيها رجال وامرأه فقط للمساج المراه خبيره لاكن الرجال ماعندك احد شاطيء الونا بعيد عنه شوي لابد من سياره توديك اول ماوصلنا مطار بوهول ضبطت سواق بسعر حلو يطلعني لاي مشوار اخذني السواق لتلال الشوكولا وحديقة القرده وحديقة الفراشات ومزرعة النحل والجسر ورحله بحريه مع بوفيه ب 350بيسو للشخص روعه تكلفة السواق 2000 بيسو (الديره حقها يومين فقط من وجهة نظري للعائله )
سيبو يومين بفندق ماريوت ملاصق لأيالا مول خيال السعر 1600 ريال بدون افطار هالحجز مبالغ فيه لاني انجبرت احجز بمانيلا ولا كان سعره بموقع هوتيلز ليلتين 800 ريال او اقل موقف حصل لي بالفندق انا حجزت بدون افطار الموظفه بالاستقبال قالت لي بالحرف الواحد الفطور مجانا من ضمن الحجز استغربت هالشي وافطرت اليوم الاول وبالغلط اعطيتهم رقم غرفه ثانيه واليوم الثاني افطرت وتفاجات ان الفطور محسوب علي يومين واللي قهرني ان اشكالهم وحده ماعرفت من اللي قالت لي ان الفطور مجانا مشيت الموضوع ماحبيت اعكر صفو الرحله بصراحه انصح كل عائله بالسكن في سيبو 5 ايام يومين في ماريوت و يومين في راديسون بلو و اخر يوم في منتجع كرمسون راديسون بلو ومنتجع كرمسون تمت زيارتها بصراحه خيال ايالا مول متعه في كل شي على كرهي للاسواق لم امل من هذا السوق ولايفوتكم المساج فيه بالدورالثالث تايلندي وصالون الحلاقه جنبه لمن عنده عقده بالسكسوكه يضبطونها
مانيلا 5 ايام بفندق بان باسيفيك جناح تنفيذي تقريبا 2500 ريال بدون افطار الفندق روعه لاكن فيه ملاحظات راح اذكرها لكم الموقع لايصلح للعائله لما طلبت مساج للمدام من الفندق احضروا وحده من الشارع بقيمة المحل الموجود بالفندق مع فرق في احترافيه المساج فأحذر من هالشي تمت زيارة فندق شنقريلا بصراحه ندمت على عدم السكن فيه روعه روعه والله ينفع للعائله وبقوه تم الاتفاق مع سائق يطلعنا لتقيتاي وفيلا اسكوديرو (مطعم الشلال) بسعر 3500 بيسو تقيتاي تبعد ساعتين وفيلا اسكوديرو بعدها بساعه الان راح اتكلم عن تقيتاي اول ماوصلت اخذت قارب ينقلني لجزيره البركان ويرجعني بسعر 2000 بيسو لشخصين لما وصلت الجزيره اخذت حصانين لي وللمدام مع شخصين كلفني 1500 بيسو تحذير يااخون مهم جدا الشخص اللي كان يمسك لي الفرس وانا بنص الطريق سرق الجوال من جيبي واعطاه صاحبه اللي نازل من الجبل لاكن الحمدلله صدته واخذت الجوال من صاحبه اخذروا منهم فيلا اسكوديرو الدخول لها كلفنا 1700 بيسو فيها مطعم الشلال لاكن للاسف وصلنا متأخرين وانحرمنا من الغداء فقط صورنا فيها وطلعنا (لمن يقول لاتصلح للعوائل غلطان ) ان شاء الله يكون هالتقرير المتواضع مفيد للبعض واي سؤال انا حاضر


التعليقات (3)
رجنت
رجنت
الحمدلله على السلامة
ونحن في انتظار كل جديد لديك

origami
origami
بارك الله فيك... والحمدلله على السلامة..أشكر طرحك لخبراتك
ومشاركتك.أخوانك دليل لحب الخير للغير

abumutlqm
abumutlqm
السلام عليكم
اشكرك الله اكبر
ما شاء الله
شكرا


خصم يصل إلى 25%