ستفقدون كل متعة النمسا وستعودون من النمسا وسويسرا وأنتم غير راضين على الرحله
نصيحه لكم
كل الناس يطلعون أول مره وتمشي معهم السفر ولكن بشرط
القراءه ثم القراءه
التخطيط
فأنا لاأدري لماذا القروبات
أذا فيه موضوع كامل يشرح فيه طريقة أستئجار السياره وتسليمها بالتفصيل الممل
بقلم رجل شرقي أبحثو عنه بالمنتدى
وأذا فيه موضوع كامل عن كل الأحداثيات والمواقع السياحيه اللي المفروض تزورونها
وأذا فيه قسم خاص للأستفسارات فيه أشخاص مايقصرون مع أحد بأي معلومه
فلماذا أذن القروبات
صرف فلوس وكبت للحريه ومواعيد محدده وزحمة ناس
وكأنكم في رحله مدرسيه مقيده بزمن معين ومكان معين
أطلقو العنان في أرض الله وجنته
أطلقو العنان في أرياف سويسرا والنمسا
توقفون بأي مكان تتقهون بأي مكان
للمعلوميه فقط 80% من الأشخاص اللي بالمنتدى سافرو للنمسا أول مره
وكلهم لم يستخدمو القروبات
صدقيني ستعرفين معنى كلامي أذا رأيتي عائله سعوديه أو خليجيه مسانسين قدامكم ورايحين بسيارتهم قدام عينكم
وأنتم واقفين قدام الفندق تنتظرون الباص وزحمته
بالتوفيق لكم

جربت ورحت تركيا بدون مكتب حتا الحجوزات سويتها من النت بس الصراحه طول الرحله مانب مرتاحه اخاف تقع بعض الاخطاء وفعلا حدثت مشكله في الحجز من البوكنق وصارت سالفه وراحت علينا الفلوس المهم . السفر برا يبي لغه زينه مو اي كلام حتا تعرف كيف تاخذ حقك وكمان زوجي معتمد على في كل شي ودي احس اني مرتاحه من عوار الراس
والله القروبات زينه خاصه الي زوجها مايتكلم كثير يعنى نلقى صحبه كويسه نستفيد منهم

ابي رأي الاعضاء وانت يأخ وليد الرس عن افضل المكاتب السياحيه

زي ما قال ما انصحك بالمره مع مجموعه و النمسا مليانه عرب يدلونك
قابلنا في المطار مصري وسألنا انتو عرب قلنا ايه قال انا اوصلكم و اي سؤال انا حاضر و تعاملنا معاه نشتشيره في كل صغيره و كبيره لدرجة اننا واقفين عند موظفة القطار و عطيناها الجوال عشان يترجم لها لأنه تلخبطت رحلاتنا فيه
المهم ضروري يالغاليه تقولين ليه شلون راح عليكم حجزكم في بوكينق خوفتيني مره لأني حجزت فندقين فيه و أخاف اتوهق

نسيت أقول لك احنا جربنا ركسون للسياحه نفس اسعار بوكينق وربي ندمت اني حجزت ع البوكينق و تعبت مخي كان من اول خليتهم يحجزن لي و تطمنت على فلوسي

نوفا ابدا لاتوجد مشاكل مع بوكينج وهو موقع عالمي معروف للكل وماهم فاضين يخسرون سمعتهم علشاني او علشانك تعاملت معم في حجوزاتي بماليزيا وبالنمسا وبالمانيا ولم يحدث خطأ واحد المشكله فينا حنا لانقرأ شروط الحجز او شروط الدفع او شروط اقامة الفندق ثم نقع في المشاكل ونقول الخطأ من بوكينج !!لذلك انا أقول للجميع راجع شروط حجزك وشروط سيلسات الفندق وطريقة الدفع قبل الموافقه على أي حجز وجهة نظر أرجو أن لاتزعل مني البعض وهي اللي ماهو مفكر يستأجر سياره لايروح أوروبا يروح لماليزيا أفضل له لاأن اسعار التكاسي رخيصه بماليزيا وافضل بكثير له

السلام عليكم
اختيار موفق لرحلة موفقه ان شاءالله
و انا عن نفسي الصراحه اضم صوتي لصوت اخوي وليد الرس و ما انصح بالقروبات و ماراح اضيف اي شي على الي قاله وليد الرس
فقط الي بضيفه شي واحد اذا كانت اللغه مو قوية مايمنعكم من السفر لان اساسا النمسا مايتكلمون انجليزي لغتهم الرسمية و الرئيسية هي الالمانية
و الي يتكلمون انجليزي ماهم فلته باللغه حالهم حال اهل الخليج الي لغتهم الانجليزية مستواها اقل من الجيد
و توكلو على الله و روحو بروحكم احسن و اوفر و اريح لكم و انا عن تجربة اقولكم الصيف الماضي اول مرة اطب فيها دول اوروبا غير بريطانيا
و الحمدلله رحت النمسا و المانيا و سويسرا و سلوفاكيا و كلهم يتكلمون الماني و اول مرة اطب هالدول و طبعا لزّمت على تاجير السيارة و لفيت على راحتي و الحمدلله ماواجهت اي عائق
و حتى زوجتي قالتلي الي يشوفنه يقول ان احنا خبرة اوروبا و مايصدق انها اول مرة
والفضل يرجع طبعا اول شي لله سبحانه و تعالى الذي عليه توكلنا و ثاني شي هالمنتدى الطيب لان اعتمادي كان عليه بالكامل في التخطيط للسفر و تحديد الاماكن السياحيه
و ثالثا الثقه بالنفس و اثناء الرحلة طبعا الالتزام بالصلاة و عن تجربة الالتزام بالصلاة مايخليكم تحسون بالغربة
وقراءة الاذكار اليومية و باذن الله راح تتيسر اموركم من غير اي مصاعب او عوائق
وبالنسبة لموقع بوكينج هم اضم صوتي للاخ وليد الموقع فوق الممتاز و اسعار ارخص من الحجز المباشر احيانا و احيانا يكون مسوين عروض حصريا في الموقع فقط و خصم يوصل لغاية 60%
انا عن نفسي جربت الموقع في البحرين + الامارات + قطر + بريطانيا + النمسا + المانيا + سلوفاكيا
و ابد مافي اي شي الموقع جدا سهل و بسيط
و هذا تقرير رحلتي و في وايد شغلات و نصايح ممكن تفيدكم
https://artravelers.com/p/re/643612
و اي استفسار انا بالخدمة
و انصحكم انكم تروحون بروحكم و تاجرون سيارة
و تحياتي

اخ وليد لاتستعجل في الحكم على الامور الخطأ مو منا الخطأ من موظف الاستقبال في الفندق كانت نفسه خايسه ومخه جزمه مو راضي يفهم واجبرنا نكنسل الحجز ونحجر من جديد وحتا مديرة الفندق بعد كذا اعتذرت لنا وطلبت منا المكوث في الفندق بسعر ارخص بس حنا رفضنا ورحنا فندق ثاني
وعلى فكرة البوكنق مو دايم ارخص حجزنا من مكتب سياحي في اسطنبول ارخص كثير

استغرب ليش حنا الخليجين مانحب القروبات بالعكس اكثر تنظيم وراحه
وحنا العرب مانحب التنظيم والنظام نحب كل شي على مزاجنا عكس الاجانب