أحب ان اخذكم معي في رحلتي (رحلة الفصول الأربعة) في ربوع جمهورية ايرلندا.
فليس هناك اجمل من إيرلندا مسرحا لاستضافتنا وجلعنا نتجول في طبيعتها الخلابة باختلاف فصولها, بين تراثها القديم الغابر وحضارتها البسيطه الجميلة وفي أجوائها المتقلبة,وفي مواسم احتفالاتها وبهجتها.هي رحلة متنوعة خلال فترة إقامتي في إيرلندا,
أرصد فيها مختلف جولاتي في المدن الايرلندية ..لمن يحب زيارتها في وقت ما وبإذنة تعالى ستكون شيقة...
وستكون في أجزاء مختلفة وبالتأكيد مدعمة بالصور إن شاء الله
.هل أنتم مستعدين....
حسناً....
هي بنا لنبدأ رحلتنا....
قبل تجولنا في إيرلندا أحب أن أسرد لكم رحلة العودة إلى إيرلندا وذلك خلال الجزء الأول من هذا الموضوع..
قريبا إن شاء الله

مرحبا ..
الكتاب باين من عنوانه .. وعنوانه المتياز ..
وان شاء الله اتحمس وزور ايرلندا .. على كثر ماسافر الى لندن مافكرت اروح لها ..
اقرب نقطه لي كانت بلاك بول ليرلندا واكثر السياحه من ايرلندا ..
ننتظر باقي التقرير
تحياتي ..

بداية خنفشارية ..
سجلني متابع متشوق لزيارة ايرلندا

بداية مشوقه ...
متابعة .
.

حجزت مقعد متابعتي معكم
تحياتى للجميع رجاوي ...

شكرا لكم جميعا على تشريفكم موضوعي ..واتمنى ان ينال هذا الجزء رضاكم
الجزء الاول..

رحلة العودة إلى ايرلندا ...وتفاصيل الرحلة على مدى يومين...
بدايةً قضيت في السعودية قرابة ال5 اشهر والتي كانت في بداية التخطيط لها فقط فتره بسيطة لكنها امتدت لتصبح 5 اشهر ...ولكن الحمد لله على كل حال
طبعا تأخرت في الحجز وكل ما تأخرت زادت الأسعار حتى وصل سعر التذكرة ذهاب فقط على طيران الاتحاد 4600 ريال...
تم الحجز وكان قت ومسار الرحلة.
فجر السبت . الساعة 4,45
الدمام –ابوظبي
أبوظبي –دبلن
رفقاء الرحلة.
أنا ,أخي, صاحبتي وزوجها.
مده الرحلة بين الدمام وابوظبي تقريبا 55 دقيقة بعدها كان لدينا 3 ساعات انتظار حتى الرحلة الأخرى إلى دبلن.
بعد الإقلاع من الدمام وعند الوصول إلى ابوظبي ...سمعنا صوت الكابتن وهو يقول أن لدينا حدث مفاجئ وسوف يتم تحويل مسارنا إلى مطار العين... طيب ايش هو الحدث هذا !!!
فكان هو الضباب ....
نعم منعنا الضباب الكثيف المحيط بمطار ابوظبي من الهبوط
تم توجيهنا الى العين ...وتقريبا 25 دقيقة وحنا فيها ...
الناس قامت تطلع إغراضها تبغى تنزل ..
قال الكابتن نو راح تبقون جالسين بالطيارة .....
لكن كم راح ننتظر؟؟؟؟؟؟؟؟؟؟؟؟؟؟؟؟؟؟؟؟؟؟
هنا السؤال المهم؟؟ طبعا وقتها الجواب الله أعلم
وسبحان الله الثلاث ساعات اللي مفترض ننتظرها بمطار ابوظبي عشان رحلتنا إلى دبلن
انتظرناها في الطيارة
وعلى الكراسي .......وكانت من أصعب الأوقات اللي عشتها جد متعبه
والسبب أن الطيارة صغيره ..وانا كنت جنب النافذة وجنبي اخوي ثم رجال وكلهم نايمين فا مو عارفه أقوم ولا أتحرك ,
ثم شوي وأفكر بالطيارة اللي بعدها والوقت يمضي ويمضي
مرت الساعة الأولى ثم الثانية ثم الثالثة راحت منها نص ساعة
الا الكابتن قال اوكي راح نقلع ...فرحت قلت فرجت الحمد لله
بعدها قال لكن حنا نحتاج وقود ولان الطيارات الموجودة 7 وما فيه الاعربتين وقود فا راح ننتظر 25 دقيقة إضافية
ثم اقلعنا أخيرا ولله الحمد ووصلنا ابوظبي والمفترض أن طيارة دبلن أقلعت خلاص لكن جينا شيكنا إلا طلعت طيارة دبلن تم تأخيرها ساعة وأنها موجودة ..
اوه انبسطنا ثم شوي بنطير عشان نلحق على البوابة..
وصلنا للبوابه ونشوف قدامنا طابور طويل في الأخير طلعو الواقفين كلهم لرحلة ثانيه طيب ورحلتنا ....
وصلنا عند الموظف ..قال للأسف الطيارة في المدرج وراح تقلع !!!
طبعا حنا خلاص ...ليه وشلون ... طيب مو التأخير مو منا ..
اقرب رحله كانت فجر يوم الاحد الساعه 2.55 وحنا كنا لسا الساعه 10 الصباح
ومثل ماانتو عارفين في حالات التأخير يوفرون لكم سكن وسياره توديكم وتجيبكم بالوقت المحدد بالاضافه الى وجبات مجانيه في مطعم الفندق
طلعنا كلنا على فندق PARK INN
طبعا على ماخلصنا امورنا والحجوزات صار الوقت ظهر والجوع قتلنا غير انه الغرف ماكانت جاهزة
فا رحنا صلينا ثم تغدينا وبعدها نوم على طول وكنا عاملين تخطيطات انو بنروح عالم فيراري.. و
نمنا واول من صحى انا وكان يادوبه بدايه المغرب ولما صحى اخوي وباقي المجموعه صار الوقت 9 مايمدينا ابدا نروح مكان كويس .... سئلنا بالرسبشن نبغى مول كويس وقريب قالو لنا على المارينا بس انه بعيد مدري ساعه او اقل
بعدين قال فيه الراحه حلو...! وبسيط
وفيه مطاعم لان بيني وبينكم اكل مطعم الفندق ماعجبنا
الموهم رحنا ... والمول كان جدا عادي والمطاعم اللي فيه جدا عاديه كنا نفتكره افضل بس تمشينا شوي وتعشينا بعدين على الفندق على طول
وكنا طالبين ان التاكسي يجي على الساعه 12 ف قبل الساعه 12 هو موجود
نزلنا وطلعنا على المطار....
اتمنى ان يكون هذا الجزء خفيف عليكم ومااكون هرجت كثير
لاتروحو بعيد ....
انتظروني في الجزء الثاني ...
الوصول الى دبلن...

بداية موفقة ومحمسة
وبانتظار تقريرك وابداعك
وبالاخص دبلين

متابع معاج سجليني من الصفوف الاولي سبحان الله اليوم مسوين الاداره ترشيح افضل تقرير عاد أن شاءالله يدخل بالمسابقه أفضل التقارير في بريطانيا