- زيارتي هذي جربت بطاقتين إتمانية debit card وليست credit card
مساء الخير انا توي رجعت من امريكا وان شاء الله اذا جت فرصة نزلت تقرير عن زيارتي لاورلاندو انا والعائلة في شهر فبراير 2012 اللي حاب اوضحه للأخوان اليوم البطاقات الإتمانية ومشاكلنا كسعوديين مع البنوك وبطايقهم والخوف من المشاكل في امريكا او غيرها كستئجار سيارة او عدم قبول هذه البطاقات في بعض المحلات ...
زيارتي هذي جربت بطاقتين إتمانية debit card وليست credit card
بطاقتين مسبقة الدفع والشحن كان من فلوسي ومن حسابي بعيدا عن فلوس البنك ومشاكل البنك ومديونياتهم وفوائدهم , وكانت التجربة ممتازة ورائعة ولم اواجه اي مشكلة ولله الحمد ورجعت وما علي التزامات لا لبنك او لغيره ...
1- بطاقة مسبقة الدفع بنك الرياض ( الاسم مطابق للجواز , الارقام والحروف للبطاقة محفورة وبارزة وليست مطبوعة ) تم استئجار يوكن كبير من شركة ناشيونال من مطار اورلاندو والبطاقة كانت ممتازة تم قبولها في الحال ...
2- بطاقة مسبقة الدفع بنك الراجحي ( تسوق) (الاسم مطابق للجواز , الارقام والحروف محفورة وبارزة وليست مطبوعة ) تم سؤال شركة ناشيونال عن ان كانت مقبولة او لا فقالت الموظفة تحب نغير من البطاقة الأولى للثانية قلت لا خليها ع الاولى فكانت التجربة ممتازة ( طبعا مصرف الراجحي لم جيت اصدر البطاقة هذي الاخوان في الفرع اصدروا البطاقة الاسم مخالف للجواز ومطبوعة وليست محفورة وما فعلت البطاقة لما اخذتها منهم ورحت للادارة في عقارية العليا خدمة العملاء الدور الثاني الساعة 8 صباحا وسويت الطلب هناك مع صورة من الجواز وقالي الموظف حظك زين جيت قبل 9 الصباح عشان تستلم البطاقة العصر لكن لو جيت 9 وفوق تستلم البطاقة بكرة جيتهم العصر واستلمتها وكانت الحروف والارقام بارزة طبعا لو سألت الفرع عن الحروف والارقام البارزة بيقولون ما عندهم او ان بطاقة مسبقة الدفع ما تجي محفورة الارقام والحروف بس تجي مطبوعة فهذا ما هو صحيح وتأكدوا ان البطاقة ما يكون في الخلف خاصة مصرف الراجحي مكتوب عليها electonic use only فهذي ما راح تقدر تأجر فيها سيارة ...
جربت البطاقات في المشتريات وتأجير سيارات وكانت ممتازة جدا
اتمنى التوفيق للجميع ...
الف شكر على ذكر تجربتك لنا ..
أنا أستخرجت من أحد فروع الراجحي فيزا تسوق وطلبت بياناتها تكون بارزة وحتى الأسم كتبته مثل الجواز والحمدلله وصلتني بعد أسبوعين تقريباً للبيت وكل شيء تمام مثل ما أبيه إلى أن شفت موضوعك هذا
لأني بعد موضوعك هذا رحت أتأكد من البطاقة وقريت بالخلف عبارة electronic use only
ومعي ماستر من البنك الأهلي والحمدلله ما حصلت بالخلف العبارة المشأومة ..
الأن وش رايك أستخرج بطاقة أخرى من الراجحي؟ أو اللي معي الأن أخليها للأمور الأخرى وبطاقة الأهلي أخليها للسيارة ؟
وممكن تقولي طلبات البطاقة في الأدراة ؟ هل طلباتهم نفس الفروع أو تختلف ؟ وباي مبنى عقارية رقم كم ؟
وأسمح لي بنقل كلأمك كله لمنتدى أخر لأني كنت أتناقش معهم قبل كم يوم عن هالموضوع .
ومره أخرى شكراً على الموضوع والله يوفقك ،،