هواي شرقي
19-08-2022 - 05:44 am
السلام عليكم,,
بما اني مزعوط جديد او طامح لاني مابعد رحت حتى ازعط
ومابعد لاحطيت تقرير ولاجبت لكم معلومة بس النية موجودة
واذا الله احيانا بتشوفون اللي يسركم واكثر بعد..
المهم.. تعرفون يااخوان انه قلة العلم بالشيء تأدي للخطأ دوما
وحتى نقلل الخطأ لابد لنا من استقاء المعلومة والمعلومة الصحيحة لتلافي السلبيات
فمن هذا المبدأ اتمنى من كل الاخوان مشرفين واعضاء ولايهونون شلة المزاعيط صدقاي
الكل يشارك ويبني لنا المعلومة الصحيحة اللي يستند عليها اي اخ جديد مثلي رايح يدربي راسة للمغرب
مايدري وين الله حاطة حتى نتجنب الاخطاء اللي وقع فيها اي احد يبلغنا عنها حتى نحذرها ولكلٍ بعدها
عقل يميز فيه الصح من الخطأ لذلك انا اثرت هالموضوع لحصر التنبيهات في موضوع واحد يفيد الجميع
وانه التنبيهات تكون من لحظة نزول الواحد في المطار وحجزه وصرف الفلوس والمطاعم وتاجير السيارة
والتمشية والاماكن اللي نحذر منها وكل شيء ممكن تحذر الاخرين منه فافعل واعلم ان الاجر لك من الله
وليس من الناس
ولأن الاخوان ماقصروا قالوا وعادوا في بعض الامور اذكر منها طلب الاكرامية في المطار
خصوصا انها تطلب على غير وجه حق وانا ابشركم من اكثر الامور اللي اكرهها
شحاذة العسكر وموظفين الجمارك في المنافذ والمطارات
اتمنى من الكل يشارك ولو يتطرق لنقطه بسيطة ولاتتعدى سطرين بس يحط الواحد في باله ان الموقف اللي
صار معه او مع احد اصحابة مايبيه يتكرر لاي واحد منا لذلك ينبه له
منتظر تفاعلكم
ودمتم بالف خير
يوجد موضوع لأخونا الغائب أبوسارة ( ساز نور ) بتلقى فيه معضم الأجوبة على استفسارات الأخوة