عزيز محمد
08-11-2022 - 09:49 pm
السلام عليكم
اخواني انا رايح لندن ب تاريخ 17 مارس 2012
وحصلت عن طريق klm تذاكر من الدمام ترانزيت ب امستردام الى لندن
1- فحبيت اولا اسأل مروري بمطار امستردام احتاج فيزة مرور او لا ؟
ثاني شي انا راح اخلص شغلي من لندن بتاريخ 22 مارس 2012
ولا ودي اجلس ببريطانيا لني كنت فيها بشهر 7 /2011
2- السوال الثاني وش رايكم اقضي اسبوع بهولندا تستاهل ؟ او اشوف بريطانيا بالشتاء ؟
3- وش اجراء الحصول على فيزه هولندا ؟
4 - هل فيه وقت للحصول على الفيزا ؟
علمنا اني حصلت تذاكر مناسبه السعر على التركيه ترانزيت اسطنبول و الاردنيه ترانزيت عمًان و المصريه ترانزيت القاهره ؟
1- لا تحتاج فيزا للترانزيت طالما أنك لا تتجاوز كاونتر الجمارك
2- امستردام تستاهل طبيعة و جو و قنوات مائية داخل المدينة و اشياء ماتخطر على البال
3- هولندا من دول الشنقن و طلباتهم كلها موحدة شوف هذا الرابط حيفيدك
https://artravelers.com/p/re/375779
4- فيه وقت اذا بديت الاجراءات من السبت يقولون خفضوا المدة لخمس ايام
هالحين رايح لندن و من هناك لامستردام وش جاب التركية و المصرية و الاردنية ؟؟؟
روح من هناك بالقطار السريع 45 باوند خلال 4 ساعات و انت بقلب امستردام
رحلة سعيدة