صاحبة المعالي
26-04-2022 - 08:10 pm
صباح الخير ..
قررنا السفر ان شاءالله الى باريس في منتصف شهر مايو
المده تقريبا 3 الى 4 ايام .. ( و ممكن تطول المده حسب نصايحكم)
راح انطلق من لندن الى باريس عن طريق اليوروستار ان شاءالله نوصل باريس الساعه 11 الظهر
الاماكن اللي سمعت عنها و ودي ازورها ..
برج ايفل
الشانزليزيه
متحف اللوفر
قصر فرساي
ديزني لاند
الريف الفرنسي
ياليت تساعدوني في ترتيب الجدول بحيث تكون الاماكن القريبه من بعض نزورها في يوم واحد
نسيت اقول لكم ان السفره ..
تقريبا شهر عسل جديد
انا و زوجي فقط
و الفندق ..
احترت في امره ناس كثير مدحولي الكونكورد لا فاييت
و هنا في المنتدى الاغلبيه يعيبون عليه انه قديم
ميزانيتي .. للفندق ما يتجاوز 200 يورو في الليله
ناطره ردودكم و مساعدتكم
برج ايفل ( يضاف لها القارب وخلفها حدائق وقريب منها مقاهي في ميدان ترايكادور)
الشانزليزيه ( ما يحتاج يرتب له وقت معين )
متحف اللوفر( يوم الثلاثاء يغلق هل مهتمين فيه كثير الي ساعات ام عادي ساعتين وبس)
قصر فرساي ( نصف يوم تحتاج )
ديزني لاند ( يحتاج لها من الصباح الباكر تقريبا من 10 الي 7 وبعدها تروحون للحي اللاتيني ولا الشانز)
الريف الفرنسي ( وش قصدك بذي)
بشكل عام يكفيها 4 ايام من غير الريف
الفندق 200 يورو بالليله مناسب جدا لفنادق راقيه ولكن متي التاريخ بالضبط لان مايو غالي جدا