- واما بالنسبه للاماكن اللي رحت لها
مرحبا يااحلى اعضاء بدخل في الموضوع على طول بدون مقدمات
بتكلم اول شي عن المطاعم اللي اعجبتني في لندن
انا انسانه وسواسيه في الاكل واطالع وادقق زوجي كله يقولي انا متزوجه قطوه كل شي تشمينه بصراحه فيني هوس علشان كذا بقولكم اكثر شي عجبني خصوصا للناس المعقدين مثلي خ
اول شي مطعم جوزيف اتوقع يكون مقابل مجمع هارفي المطعم حلو واكله روعه واكثر شي عجبني النظافه وتعامل اللي يشتغلون انصحكم اطلبو روزيتو وبعدها اطلبو كيكة التمر ياي عليها عذاب
ثاني مطعم هو هندي هذا عاد اتمنى اخواني اللي يدخلون يفيدوني اكثر بالموقع هو في داعوس قبل السلفرج دخلنا منه وحصلنا بالصدفه اتوقع بعد كنتاكي مش متاكده بس هو هناك وبعد قريب من فندق مونتكولم اول ماتطلعون من الفندق تلفون يسار تدخلون اول لفه تحصلونه ماعرف اوصف بس اكيد كثار يعرفونه .. من برى يوحي انه مطعم صغير وجنبه بارات لما دخلنا طلع هالمكان استقبال دخلونا المطعم يكون على يساركم طلع كبير وواسع وكله نخل من داخل ويكون دورين حده فخم واه من اكله ألذ مطعم هندي دخلته عليهم برياني لحم عذاب والكاري وكل شي حلوو اكلهم روعه والخدمه حدها راقيه حتى لوشفتو زحمه بعد مايتاخرون عليكم والطلبات توصل بسرعه والمطعم حاصل على شهاددات اشكثر بتحصلونها معلقه اول ماتدخلون فعلا روعه ويستحق ... مب متاكده من الاسم اتوقع PORTE DE LA INDIEN
ومطعم زعفران في شارع العرب هو اقل من المطعمين مستوى بس بعد نظيف واكلهم حلو المطعم ايراني وحتى اسعاره جدا معقوله
واما بالنسبه للاماكن اللي رحت لها
الهايد بارك روعه اكيد محد راح يفوتها بس لما كنا فيها جد تنرفزت مرتين اول مره كان في مظاهره للشيعه عن البحرين ويقولون يسقط يسقط حمد ويصرخون واستغفرالله اللي مكتوب على الشعارات اللي شايلينها كلها كذب في كذب جد شي ينرفز ضيقوا علي بصراحه وثاني مره افريقي مرتد عن الاسلام واتوقع يدعوا للعلمانيه ومب معترف بالديانات وكان يتكلم عن الاسلام بطريقه مش حلوه واخذو عاد السب فيه لان كان في مصاروه اعجبوني هدو فيه
الحي الصيني من اسخف الاماكن اللي زرتها ومقرف بدرجه رهيبه خصوصا لما تشوفون الدجاج معلق بالكامل حتى الراس بس قلوه وعلقوه اتخيل اشلون الدم فيه والريحه اه والله مرضت من هالشارع في كل مكان في هذا الشارع اتشوفون هذا المنظر من وجهة نظري لحد يروح له مافي شي غير مطاعمهم ماشفت شي يلفت النظر ولايستحق الزيارة
لندن اي او عين لندن انا من رايي اتشوفونها احسن من انكم تركبونها مادري ليش تمللت فيها وجاني النوم بعد
البيكدلي انصحكم اتروحون له وتقضون فيه يوم روعه .. هذا الشارع حق وناسه وممتع من حسن حظي حصلت محل للتصوير يلبسونكم ملابس انجليزيه ويصورنكم والتصوير روعه حدي استمتعت والمحلات بعد اسعارها حلوه عكس اللي عند الهارودز محد يقدر يشتري منها كل مامسكت فستان طلع لي على 20 الف ريال خير شايفينا مقصه وحتى بدلات الاطفال والله بدله عاديه جدا كنت باخذها حق ولدي اطلعت لي على 3000 بصراحه استخسرت اشتريها لان اللبس حده عادي انا من رايي اللي يبي يتسوق في لندن وخصوصا من ذوي الدخل المحدود يروحون بريمارك والاوتليت لان المحلات اللي حول هارودز وهارودز وحتى السلفرج الاسعار خياليه وغاليه بشكل خرافي حلو تشترون من هارودز والسلفرج عطورات مكياج وان شاءالله تحصلون ملابس باسعار معقوله
لحد يفوت الاوتليت نصيحه روعه بمعنى الكلمه
وفي متحف حصلناه في البيكدلي التذكره للشخص على 300 ريال واجد غاليه كنسلنا قلنا بنجيكم عقب شوي وعطيناهم طاف خ
في شارع اسمه كناري حبيت هالشارع تحسون نفسكم كانكم مش في لندن في نيويورك وفي الشارع مجمع صغيرون فيه محلات حلوه خذت من عندهم كذا شي
والاكسفورد وشارع العرب ممتعين بطريقه غير طبيعيه كلش ماتحسون نفسكم في غربه انواع الوناسه
وبقولكم شي عن لندن ياللي مارحتوا لها من قبل لها واجد غاليه طول ماانتو فيها حطوا في بالكم في اليوم مب اقل من 1500 ريال حق شخصين الله يعين اذا كنتو اكثر الحياه فيها غاليه والسكن وكل شي بس في الاخير البلد روعه وفوق الروعه بعد مريحه نفسيا ناس تحترم الاسلام وتقدر عادتنا وتقاليدنا محد يطالع حد كلش سوى لابسين عبايه برقع خيشه والله عجايز يمرون قدامي عباية راس وبرقع والله محد يلتفت عليهم وحتى شفت شباب عليهم ثياب وغتره وعقال نفس الشي محد يطالعهم عكس الدول الاوربيه الثانيه بل ماتخيل ان حد لابس ثوب وغتره ويمشي بيروحون فيها الحمدالله والشكر كل شي يستغربونه حتى اشكالنا ... واحنا في بلادنا لومن يجي مانطالعهم ولاندري عنهم ولاعن لبسهم
بالنسبه للسكن كان في فندق The Montcalm London فندق روعه ومكانه جدا جدا حلو وكل شي قريب منكم بس عيبه ان الغرف ضيقه شوي واجد حبيت مكانه
ولكل اللي ناوين الحين يرووحون لندن اقولكم الجو حلو وبردهم يرد العافيه مب البرد اللي في بالكم لا .. يعني لحد يتردد واتمنى اني قدرت افيد اللي ناوين على لندن لاول مره وانا اقولكم اكيد ماراح تندمون واي استفسار انا حاضره واذا تذكرت اي شي بكتبلكم
الحمدلله ع سلآمتكم .. وان شاءالله تكون السفره جميله وتتكرر قريب
طبعاً موضوعك بلآ شك انه مفيد وفيه معلومات مفيده ومختصره
لكن احنآ طمعآنين في تقرير وصور وتفآصيل
تعرفينآ مآنشبع من لندن *.*
بعض الاشياء اللي ذكرتيها صحيح كلامك وفي محلها
خآصة لما زرت الهآيد بآرك
طبعاً انا كنت يومياً فيها بحكم ان الفندق قريب منهآ
بس بعض الاوقات لما كنا نروح فيه هالاشكآل اللي يسب الاسلام واللي يدعو لمآدري اي دين
صراحه مسببين فوضه وازعآج وماتحسي وقتها بالأمان
هذا من أكثر الاشياء اللي ضايقني في لندن وفي الهآيد بارك تحديداً ..
,
الأوت لت شي رائع بس ع حظي لما رحت وقتها كان تقريباً آحسه فاضي
الصينيين قضوآ ع كل شي ههه .. يعني ماشريت اشياء كثير بس برضو كان حلو
وانا أشوف انه حلى بكثير من أوت لت باريس
,
البيكآدللي جد المكان اللي يوّنس من قلب
نآس وحياه وازعاج وفجأه رقص يعني جد جد حلوو .. بس مادري ليش يرعبني !! :@
,
نجي للمطاعم وهالشي اللي متحسفه عليه كثير
زيارتي المره اللي راحت للندن
كنت نآويتهآ كلها شوبينق واني ما اخلي ساعه تروح بدون شوبينق
ف والله ماكان عندنا وقت للأكل ههه أحس ماكنا نجوع اصلاً ..
ولما رجعت شفت مطاعم وكافيهات واماكن تحسفت اني مارحت لها ..
ولهالسبب !! ان شاءالله قريب باكرر زيارتي للندن عشان اشوف لندن ثانيه غير لندن الشوبينق
مع انها بكل حالاتهآ تجنن ..
,
آدري طولت بكلآمي بس شوقتيني لهآ مادري كيف باصبر لموعد السفر : (
آلف شكر مره ثانيه ع الموضوع الحلو ...
وننتظر التقرير البطل :@
آختك