جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sa66y
18-07-2022 - 06:27 pm
  1. مسااكم الله بالخير ....

  2. اول شي ادري ان كثرة الاستفسارات تسبب لكم مغص


السلام عليكم ورحمة الله

مسااكم الله بالخير ....

اول شي ادري ان كثرة الاستفسارات تسبب لكم مغص

بس انا حالتي غير ... انا بديت بالترتيب لشهر العسل قبل 4 شهور وكانت الوجهه ماليزيا وجلست اقرا في المنتدى لين دخت وتشبعت وبعدها غيرت الوجه لاسبانيا ورجعت اقرا عنها في المنتدى واجمع المعلومات وارتب جدولي بنفسي وابشركم قصيت التثاكر وقدر الله والغيتها
وغيرت الوجه لتركيا وبديت ابحث واقرا لين رتبت جدولي كامل وقصيت التثاكر وبرضوا قدر الله والغيتها (( بصراحه تركيا الغيتها عشان واحد اعرفه قد راح تركيا وتوه جاي من اندونيسيا وطيرها لسماء ))
والحين زواجي نهاية شهر MAR وعلى ماقيل لا وجع الى وجع الضرس ولا هم الى هم العرس .... قرب العرس وكثرة الاشغال
انا بحجز التثاكر بعد بكره ان شاء الله الثهاب تاريخ 26/3/2012 العوده 09/04/2012
4يوم
لي يومين وانا اقرا في المنتدى واخثت فكره سريعه
مسار الرحله جاكرتا -الجبل -بالي (( على انه ما احد مدحها لي يقولون ماتصلح للمتزوجين كلها خنبقه )) بس قريت عنها في المنتدى واشوف كثير راحوا لها بس يبي لك تعرف وين تسكن وقررت اروح توافقوني الراي ؟؟
طبعن باندونق وش رايكم ادخلها في الحسبه ولا جاكرتا والجبل وبالي تكفي
التثاكر ازهلو امرها علي بس ابي مساعدتكم في السكن والسواقين وهالامور ووش افضل طريقه لحجز السكن ؟
((( مع العلم ان المزانيه 30 الف )))
لاعدمنااكم وتحملونا


التعليقات (6)
(علي الشهري)
(علي الشهري)
وعليكم السلام ورحمة الله وبركاته
احسن ماسويت اختيار اندونيسيا مع ان كل شخص وله وجهة نظر لكن كسياحة وطبيعة وجمال مافيه مقارنة بين تركيا واسبانيا واندونيسيا ( اندونيسيا اجمل )
مبروك مقدماً والله يتمم بينكم على خير ان شاء الله
انا راح افيدك بخصوص بالي فقط لأني ماجيت الجبل ولاباندونق الاعضاء بيفيدونك اكثر
بالي ممتازة للعوائل وصحيح مثل ماقلت فيها مناظر لأن اغلبها اجانب لكن تقدر تتجنبهم بالترتيب والتضبيط في مواقع السكن
ولو انك تروح دبي او حتى مصر او اي بلد عربي راح تحصلهم بكل أسف فخذها في بالك دامك مسافر خارج المملكة شي طبيعي تحصل هالأمور
والمناظر
واوافقك الرأي بالذهاب الى ( بالي ) لأنك لو مازرتها ماكأنك رحت اندونيسيا اصلن والسكن تقدر تسكن في شاطئ ( نوسادوا ) او ( سيميناك )
0الف مبلغ كافي وزيادة هل تبغى السكن في فلل بمسبح ؟ او شقق في فندق ؟
وأفضل طريقة لحجز السكن والطيران ( عبر الانترنت ) ارخص وكل الخيارات قدامك تشوف الي تناسبك
واذا مالك خلفية في هالامور ابشر راح اساعدك بكل امورك ومابغا منك الا ( دعوه لوجه الله لي ولزوجتي )

أبن السعودية
أبن السعودية
نشكر أخونا الفاضل والخبير بجزيرة بالي على الشهري ع هالاجابات الوافية والشافية
وبالنسبه لجاكرتا والجبل بنشاك وباندونق فاأنصحك أنك تكنسل باندونق وتكتفي ببالي
وبالجبل بنشاك وبالعاصمة جاكرتا وذلك لاأن عدد أيام رحلتكم الفعلية هي 13 يوم فقط
وأنصحك بخط السير والتوزيع التالي :-
جاكرتا يومين > جزيرة بالي 5 أيام > بنشاك الجبل 3 أيام > جاكرتا 3 أيام !!
وبالنسبه للسكن فاأنصحك بحكم ميزانيتك الممتازة جدا جدا السكن بفنادق الخمس نجوم
وأنصحك بحجزها عن طريق موقع بوكينق باأستثناء الجبل بنشاك الحجز يكون عن طريق
الاتصال على الفندق قبل موعد السفر بخمس أيام للحجز المسبق وأنصح وأرشح التالي :-
جاكرتا أنصحك بفندق كمبنسكي أو فندق جراند حياه ..
بالجبل بنشاك أنصحك بفندق سيروني 2 أو سيروني 3 ..
بجزيرة بالي أنصحك بفندق جراند حياة نوسادوا أو فندق الويستن نوسادوا ..
بالنسبه للسواقين أدخل على الرابط اللي مثبت بااعلى صفحة الاستفسارات وبأذن الله
راح يفيدك كثيرا فهو عن تجارب سابقة للاعضاء ,,

sa66y
sa66y
أبن السعودية
طيب في جاكرتا لو قلت لك قيم هالفنادق :
منهاتن هوتيلا او fm7 أو فندق قران ميليا أو ريتز كارلتون أو كمبنسكي أو فندق جراند حياه ... طبعن هالفنادق عرفتها من تقرير بعض الاعضاء وكانها اعجبتني في الصور مدري عالطبيعه نفس الصور او لا ؟؟
بالنسبه للجو كيف بيكون في تاريخ سفريتي ؟؟ يحتاج اجيب شتوي ولا لا ؟؟

sa66y
sa66y
(علي الشهري)
ياجعل والديك في الجنه ياطويل العمر ... اشاهد الله اني ادعي لكل الي قايمين على هالمنتدى من جهود ومساعداات وابشر بدعي لك وبخلي الوالده بعد تدعي لك

أبن السعودية
أبن السعودية
sa66y
طبعا فندق كمبنسكي + جراند حياة + الريتز كارلتون هي فنادق من فئه الخمس نجوم وراقية جدا جدا
وأنصحك أولا بكمبنسكي وثانيا بالريتز كارلتون وثالثا بجراند حياة ,,
أما فندق منهاتن هوتيل فهو مصنف من فئه الاربع نجوم وكذلك وعلى ماأعتقد فندق اف ام سفن وهو
قريب من مطار جاكرتا .. وبالنسبه للاجواء حارة مع رطوبة قليلة بالعاصمة جاكرتا وجزيرة بالي أما بالجبل
بنشاك فلاجواء باردة من بعد صلاة المغرب وبفضل أخذ جاكيت لكل شخص ,,

(علي الشهري)
(علي الشهري)
طيب وابود وجمبران ؟؟ اشوف الكل يمدحها وش الفرق بينها وبين الي اخترتها لي ؟
كلها شواطئ جميلة ياغالي لكن الاشهر هو سيميناك وحركي شوي والخدمات كثيرة حولك
ونوسادوا شاطئ يميل للهدوء وجو الاستجمام
والله يالغالي من التقرير الي قريته لاخونا نجم الكويت جعل والديه في الجنه احس الفلل بمسبح افضل وتصلح للعرسان ويكون مطل ع بحر او طبيعه
خلاص توكل على الله دام الميزانية متوفرة وطبعاً الفلل افضل واجمل بكثير
مع العلم اني افكر اخلي جلستي في بالي قسمين ((يومين فله بمسبح مطله عالبحر ويومين فله بمسبح مطله ع الطبيعه ))
لا نصيحتي لك تخليها على فلة وحدة مايحتاج تتنقل لأن الطبيعة بتكون وراك وراك حتى لو سكنت تحت الارض ههه
وكيف الوضع مع الحشرات تعرف البنات عندهم مشكله معها ههه وقريت في بعض التقارير ناس استاجرو فله مطله ع الطبيعه وتضايقو من كثرة الحشرات ؟؟
اي جزيرة يابعد راسي الحشرات بكثرة فيها مهما رحت لكن طبعاً على البحر اخف من الي تجيك مطلة على غابة او طبيعة
طبعاً الحشرات تكون بكثرة في الليل وهالوقت استخدم ( بخاخ طارد الناموس ) او ( كريم طارد للناموس والحشرات )
بس انتبه تستخدمه في الظهر لأنه خطير مايتحمل درجات حرارة عالية الافضل استخدامة في الليل لك ولبناتك عسى ربي يخليهم لك
وراح تنسى مشكلة الحشرات او الناموس لكن بعض البخاخات او الاغلبية ريحتها لك عليها بس مو مشكلة الاهم الصحة والوناسة
طيب انا كثير نصحوني بالمكاتب السياحيه لان الحجز عن طريقهم يكون ارخص بحكم انهم طول السنه متعاملين معهم ( مع العلم ان المكتب الي افكر اروح له اعرف راعية ) وثاني شي يكون لك ظهر هناك لو سار شي ولا احتجت شي غير لما تكون الحالك ... طبعن مانستغني عن نصاايحك
ماراح يفيدك المكتب بأي شي وانت هناك الا اذا له فرع في اندونيسيا وهذا نادر جداً
لكن انت اقطع الشك باليقين واختار الفنادق الي تبغاها واكتب اساميها وشيك على اسعارها في مواقع الحجوزات
ثم روح مكتب خويك وشوف هل السعر اقل او اكثر وهنا خذ الارخص طبعاً مع ان المكاتب دايم فنادقهم محدودة جداً
اتمنى لك رحلة موفقة وسعيدة ولاتنسانا من دعواتك


خصم يصل إلى 25%