بيروت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
planazur
11-12-2022 - 04:08 pm
السلام عليكم ورحمة الله وبركاته
مساء الخير لكل اعضاء بوابة لبنان
كيف حالكم ان شاء الله الكل بخير
من مدة تراودني فكرة السفر للبنان وكانت تتاجل بشكل مستمر لكن الحين نويت ان شاء الله
لكن مازال هناالك شي شايل همه الا وهو الجو
سؤالي كيف راح يكون الجو ان شاء الله بمنتصف شهر مارس الجاي اذا الله راد يعني بالعادة
كيف بيكون الجو في بيروت في ها الفترة من السنة
لانو الجو بالنسبة لي مهم بشكل كبير لانو اذا الجو جيد الواحد ممكن يتحرك ويروح اماكن كثيرة
ان شاء الله لكن لو الجو مطر وبرد الواحد مايقدر يتحرك
اذا قدر الله وسافرت راح تكون نقطة الانطلاق من دبي ان شاء الله مسالة الطيران راح انسقها
ان شاء الله من بعد
اتمنى اجد اجابة لسؤالي بخصوص الجو لانه مهم كثير بالنسبة لي
وايضا هل تشوفون انه الافضل اني اؤجلها لاخر مارس او اول ابريل ابغى نصائحكم من خلال التجربة
بارك الله فيكم
اخوكم
Planazur


التعليقات (6)
اصول2
اصول2
عليكم السلام ورحمة الله وبركاته بالنسبة للجو بمنتصف 3 بيكون ربيعي يعني يخف البرد اكيد بإذن الله مونفس برودة هالشهر وبالليل بيكون في بريد شوية ،والمطر ماشاء الله بيكون موجود بس متقطع ومافي عواصف رعدية وعفسه مثل قبل فتره قريبة وانت لك حرية الاختيار شهر4 بالنسبة لي وايد حلو ويتعدل الجو شوي يدفئ بالنهار وطبعا الجبل بارد والثلج بإذن الله موجود بشهر3و4
والله يكتب لك اللي فيه الخير.

banderino
banderino
وعليكم السلام ورحمة الله
هلا ياعمدة المغرب في بوابتك بوابة لبنان واسمحلي بنقل الموضوع للاستفسارات
اولا اهنيك على اتخاذ القرار بسفرتك الى لبنان في وقت مناسب جدا خصوصا اذا اخرتها لشهر 4 او 5
فافضل اوقات السفر الى لبنان من وجهة نظري شهري 4 و 5 من ناحية الجو يكون ربيعي
وتقدر من خلاله بزيارة معظم الاماكن السياحية جبل وبحر وماعندك هذاك البرد او العواصف اللي تمنعك من الخروج
ومن خلال خبرتي وتجاربي السابقة في لبنان نصيحتي لك فترة تغيير الطقس من شتاء الى ربيع
توقع جميع الاحتمالات في يوم واحد يعني من الممكن تشوف الفصول الاربعة في يوم واحد
ومن خلال استفسارك في احد المواضيع اخونا Planazur عن الثلوج والتزلج في المزارات
تقريبا بنهاية شهر 3 تقل نسبيا كثافة الثلج وعلى بداية 4 من الصعوبة تتزلج
كل التوفيق لك واي استفسار اخر لاتتردد

عبير لبنان
عبير لبنان
يعطيكم الف عافية اختي اصول وخيي ابوتركي ما قصرتوا والله
بالتوفيق ان شاء الله

اصول2
اصول2
عبير لبنان
الله يعافيج يالغالية

goldeye
goldeye
اهلن اهلن بالعمده ..
صراحه الجو ببيروت حلو مو بارد حيل ،، واذا جا مطر فهو غالبا حسب ما شفت ما يجي متواصل ساعات ،، يجي خفيف دقايق ويروح ويعطي الجو لوحه جماليه ارووع
وانا ارشح لك تروح هالفتره لان البرد كله تحصله بالجبال ،، اما بيروت غالبا ما يكون برد بالدرجه اللي انت متصورها ،، ولان اذا رحت الحين بتحصل جو التزلج ع الفاريا بآحلى مواسمه ،، يمديك تروح تستانس ع هالثلج
الله يوفقك ويسهل سفرتك ،، واذا تبي اي شي انا حاضر ،، موفق اخوي

planazur
planazur
السلام عليكم ورحمة الله وبركاته
شاكر لكم كثير على الافادة
بارك الله فيكم ولي عودة ان شاء الله
تحياتي


خصم يصل إلى 25%