بلجيكا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
FuNnY GiRL
15-12-2022 - 08:55 am
مرحبا فيكم جميعا
بموضوعي هذا يمكن اقدر اساعد ولو بشي بسيط كل اللي بيجون بلجيكا في هذا الوقت
اول نصيحه جيبوا معاكم جوتي الله يعزكم مال الثلج لان امس نزل ثلج علينا والدنيا صارت بيضا واليوم انواع الزلق في الثلج والمشكله اني حامل اتشوفوني قد مقدر احاول احاسب زوجي طول الوقت ماسكني مابي اكمل باقي ايامي في المستشفى كل شوي رجلي تزلق ماساه الثلج حلو اول ماينزل عقب يصير مشكله في المشي
انطباعي عن بلجيكا انها روعه وبلد الاكل طول ماانتو تمشون انواع الاغراء من ناحية الوافل محلات الشوكلت عربات الشيبس والكاتشب مطاعمهم حلوه وحتى اسعارها جدا معقوله اسعار الفنادق جدا مناسب
ونصيحه نصيحه نصيحه اللي يبي مكان داخل ساحة القراند وكل شي يكون جنبه ومايحتاج يركب تاكسي يسكن في لمرديان لان فندق شيرتون مش قريب من الساحه مثل ماتوقعت لازم تضربون خط مب اقل من عشر دقايق وممكن تزيد حسب طاقة كل شخص وسرعته.. بلجيكا بلد حلوه وانصح اي حد يبي يروح لها مايتردد واي استفسار انا حاضره


التعليقات (9)
Arsenal-R7
Arsenal-R7
أجل جداً تصلح لي أنا كنت في ايطاليا قبل اسبوع .. كانت تجربة ممتعه جداً في الشتاء وصلت 5- تحت الصفر في فيرونا
لكني على قولتك كنت ادور الوافل لكني ماكنت القى ولما لقيت ماكان بالطعم اللي على البال .. عموما اوروبا تجربة حلوة في الشتاء .
وانتبهوا انتوا وقتكم اسوء بكثير من وقتي اقوى موجة تجي اوروبا والوضع اشوفه سئ جداً من ناحية البرد والثلوج .

FuNnY GiRL
FuNnY GiRL
مرحبا اخوي الف شكر لك على الرد صح كلامك الحين برد موت تونا الحين متعشين ورادين اقول حق زوجي البرد الحين موطبيعي طلعت الحرارة 12- بس الشتاء تجربه حلوه صدق برد موت بس دامك لابس اللي جايبه في الشنطه كله ماعليك شر
بتقدر تتحرك خصوصا في النهار
وايطاليا حلوه في الشتاء وقتك انت كان حلو لان اللي معروف ان ايطاليا حاره بالصيف خصوصا روما واذا اتحب الوافل انصحك وبقوه في بلجيكا ماراح تندم ان شاءالله
تحياتي لك اخي الكريم

LREEM@
LREEM@
يا هلا وسهلا عزيزتي
شاكرين لج لتلك النصايح و الإنطباعات
الله يعنكم على البرد
لا تنسين نصورين لنا الثلج
رحلة سعيدة نتمناها لكم في ربوع بلجيكا الجميلة

خالد السويدي
خالد السويدي
السلام عليكم
سؤال عن افضل شقق فندقيه قريبه من الساحه .. من ناحيه النظافة والسعر ,,
الجو لين متى بكون بارد جيه ,,, لانه احتمال الشهر الياي اكون في بروكسل

LREEM@
LREEM@
خالد السويدي
وعليكم السلام و الرحمه
شقق أداجيو ممتازة
https://artravelers.com/p/re/419747
و أبارتهوتيل في الساحة
http://www.b-aparthotels.com/grand-place
وخيارات آخرى تجدها في الدليل
https://artravelers.com/p/re/302033
بالتوفيق

ذهاب وعوده
ذهاب وعوده
هلا اختي ممكن سؤال عن الجو وشلون بارد مره لدرجه إن الواحد مايقدر يطلع وإلا برد محتمل سفرتنا بعد شهر نهاية مارس وبداية ابريل ياليت اتفيديني تتوقعين ايخف البرد

آخـــرفـــرصــة
آخـــرفـــرصــة
الله يهنيكم بالاجواء الشتوية الحلوة حالياً
بس مو الكل يقدر يتحملها
لا تنسين الشوكلاته تراها عندهم جنان

FuNnY GiRL
FuNnY GiRL
ذهاب وعوده
بيكون وقتك روعه احنا العام سافرنا بنفس وقتك رحنا باريس وسويسرا اتذكر بس اول يوم في باريس صادفنا برد بعدين الجو كان روعه البراد الحلو المنعش وبعد صادفتنا ايام حاره خصوصا اذا كان الجو مشمس وقتك بيكون ربيعي احلى وقت
انا وقتي برد موت خصوصا في المانيا وبلجيكا شي لايطاق مثلا لوتفصخ القفاز تحس انك بتصيح من الم يدك تتجمد ماعاد اتحس فيها .. وبردهم مع هواء تخيل الوضع
الجو كان طول الايام ماينس 16 وفالليل توصل ماينس 18
اتمنالكم سفره حلوه وممتعه

FuNnY GiRL
FuNnY GiRL
اخر فرصة
صدقت الشوكلت عندهم عذاب عذاب عذاب .. وشكرا على الدعوه الحلوه اسعدني ردك
مشرفتنا الريم مشكوره حبيبتي على المساعده حبيبتي والله يجعلها في ميزان حسناتج يارب


خصم يصل إلى 25%