المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
FuNnY GiRL
30-07-2022 - 02:22 pm
مرحبا يااحلى اعضاء وحشتوني خلال هاذي الايام القليله اللي انقطعت فيها عن موقعي المفضل
اليوم تحركت من كولون بعد رحلة استمرت 5 ايام والان اكتب لكم وانا في بلجيكا الحمدالله وجهنا خير على بلجيكا اليوم بلجيكا الرائعه شهدت ثلج قوي قوي قوي الدنيا صارت بيضا استمتعت بمنظر الثلج وهو ينزل بس المشكله في الزلق الله لايراويكم ان شاءالله تطلع بلجيكا حلوه مثل ماتوقعت لاني لحد الان ماطلعت تونا واصلين الفندق
ماعلينا بس حبيت اقولكم عن كولون مادري ليه انطباعي عنها مدينه قديمه بس مش القدم الحلو لا تخيلو شارع ليتاته نيون عرفتوها الطوال والله الواحد يمشي في الليل وهو خايف لان مايبين اذا تحتك حفره ولا في شي قلبي ماحب كولون واجد حبيت دوسلدورف حسيتها حلوه خصوصا شارع الملك والمدينه القديمه مادري عندي احلى من كولون
حتى ساحة كولون ميته مافيها حياه اول مره اشوف ساحه مافيها حياه صوب الكنيسه الناس شوي بس عند المحلات في ناس
مادري من تجربتي اللي يبي يروح هناك يسكن في دوسلدورف احسها اشرح وعلى فكره ترى البرد غير طبيعي اليوم الصبح كان 13 تحت الصفر طول اليوم درجة الحرارة ماتوصل صفر كله ماينس اللي يبي يجي لازم ياخذ احتياطه في اللبس بس فعلا اوروبا في الشتاء روعه خصوصا اذا ثلجت نفس الثلج اللي صادفنا اليوم وحتى بردها صحيح قارص بس حلو وحتى اشكال الناس في الشتاء حلوه والملابس الشتويه فعلا ستايل مادري احب الشتاء وانصح الكل انه يجرب اوروبا في الشتاء
سوري طولت عليكم بس اي سؤال انا حاضره خصوصا للي بيجون في هذا الوقت اوروبا


التعليقات (9)
F.A.H.D
F.A.H.D
ما شاء الله..
ترجعوا بالسلامة ان شاء الله وتمنياتي لكم برحلة سعيدة

AbOFareS2011
AbOFareS2011
الله يردكم سالمين ان شالله ..ورحله سعيده بإذن الله

&& بوحمووووود &&
&& بوحمووووود &&
يعطيك العافيه اخوي ..
وترجعون بالسلامه

FuNnY GiRL
FuNnY GiRL
الف شكر لكم جميعا ويعطيكم الصحه والعافيه يارب

ALI_Q8_77
ALI_Q8_77
اتمنى لكم رحله موفقه

Arsenal-R7
Arsenal-R7
بالفعل التجربة الشتوية في اوروبا حلوه جداً .
لكن المشكلة الحقيقه ان النهار جداً قصير وهذا يضايقك كثير اذا كان عندك مخطط انك تزور منطقة خارج منطقة سكنك .
لكن ماشاء الله انا استغرب تتكلمين على درجة حرارة 13- , صحيح انا كنت في ميلانو وكانت الحرارة -6 وكنت لابس مايكفيني من اللبس الثقيل لكن كان البرد مزعج جداً حقيقة حتى على الناس حولي واضح انهم جداً متضايقين من البرد .
فما بالك بضعف الدرجة تقريباً .. طبعاً اتفق معك ان البرد عندهم انعم شوي من بردنا والشعور بالبرد القارس اقل من عندنا , لكن تبقى درجة مثل هذي مزعجه جداً .

violetq8
violetq8
الجو باخليج لطيف ونتو رايحين هناك اذا علاج اوكي بس اذا سياحة
احس بايخة جدا برد موت 13 ماينس

Naif Bin Fahad
Naif Bin Fahad
رحله موفقه
وترجعون بالسلامه يا رب

FuNnY GiRL
FuNnY GiRL
  1. مرحبا جميعا


مرحبا جميعا

بصراحه البرد في المانيا صار مزعج اخر يومين كنت فيها شي غير طبيعي تصورو لدرجه مقدر افتح الشنطه واطلع كيمرتي لاني اذا بصور لازم افصخ القفاز واذا فصخته احس بالم فضيع جدا في يدي من البرد شي لايطاق اضطر ادخل اي محل قدامي علشان اقدر احرك يدي خصوصا في دوسلدورف ماصورت واجد والسبه البرد اول مره في حياتي احس وجهي تيبس مقدر ابتسم ولااسوي شي احساس غريب اول مره احس فيه مع اني رحت سويسرا من سنتين بنفس هذا الوقت بس برد المانيا غير
وبالنسبه لحد قالي السياحه بايخه هالوقت اتفق معاك خصوصا في المانيا لان بردها لايطاق انا رايحه لان امي تتعالج هناك مسكينه ماتطلع من الشقه الا اذا عندها مواعيد من البرد ... لكن الحين اكتب لكم وانا في لندن البرد هنا روعه يجنن احلى برد شفته حدي مستمتعه في الجو لدرجه اذا دخلنا محل اقول حق زوجي خلنا نطلع نبي البراد لانه يجيب العافيه من حلاته يازين شتاء لندن ويازين لندن صدق حياه
تصدقون في المانيا هلكنا انا وزوجي نبي خدمة البلاك بيري جننونا عليها والشعب ماعنده فكره عن البلاك بيري حسيته شعب متخلف يوم كلمنا فودافون قالوا مايصير تتفعل بنفس اليوم لازم ناخذ اذن من الشركه شي كذا وماراح ينفتح الا عقب 72 ساعه وش الفايده
في لندن نفس اليوم افتحوه لنا والحياه هنا اطول لين الفجر هناك المغرب تموت الحياه هاذي اول زياره لي حق لندن بس جد حبيتها ومايستغربون اشكالنا هناك الكل يطالع يحسسونك انك شي غريب لندن متعودين على العرب بصراحه i Love London
والف شكر لكم جميعا على الرد


خصم يصل إلى 25%