أنفاسك دخون
04-12-2022 - 02:56 am
السلام عليكم اخوانى واخواتى الكرام
بقولكم موضوع مره حلو اتمنى أن يعجبكم وتستفيدون منه
فى يوم من الأيام كان عندى مراجعة فى وزارة الصحة بالرياض طبعا اخوكم فى الله مايعرف اى شى بالرياض وصلت الرياض الشرقية وقفت ليموزين عشان يدلنى على شارع الوزارات ماقصر وخذله 25 ريال وصلت شارع الوزارات وجلست ادورلى شقق مفروشة او فندق يكون قريب من حى الوزارات
جلست ادور فترة طويلة على فندق نظيف وسعره مناسب طبعا فى زحمة شقق بس وين النظيف وقفت وسألت عن فندق جديد ماقصر الرجال ووصفلى فندق فى شارع الجامعة قبل تقاطع الفرزدق اسمه برج جنان للوحدات السكنية بس ماشاء الله عليهم فندق فخم وجديد توه فاتح من شهرين بجد ديكورات ونظافة مره روعه والأستقبال مره محترم سكنت عندهم لمدة يومين تمنيت انها اكثر بس اخوكم فى الله ماعنده فلوس بس انا حاط فى بالى انى اذا نزلت الرياض ما أسكن غير فى هذا الفندق واتمنى انكم تزورونه وتشوفونه بقولكم شغله بدون ماحد يدرى ترانى سرقت من عندهم روب الحمام والمناشف الصغار اما الشامبو والحركات اللى يحطونها ابشركم الشنطة مليانة منها اما تصوير الديكورات ترانى ناوى اصممها فى غرفة النوم حقتى اذا تزوجت ان شاء الله
ونسألكم خالص دعائكم
طيب ليتك مصور لنا شي من الفندق
وبعدين قلنا لنا الاسعار والخدمات !
علشان الزوار يستفدون منها
ويعطيك الف عافيه