- و سعره رخييص الاجمالي طلع 101 باوند ( تقريبا 43دك/ 3 ليالي)
السلام عليكم
بعد التفكير العميق و طرح عدة وجهات للسفر في عطلة الربيع
و نظرا للغرض من السفر و هو
التسوق ))
فقد قررت السفر الى
بريطانيا ))
راح اكتب لكم كل شي بالتفصيل ان شاءالله
و طبعا حاليا راح اكتب وضعي الحالي و هو التجهيز للسفر
من خطوط الطيران
تحديد المناطق الي راح ازورها
اماكن التسوق
باختصار برنامج الرحله المحدد قبل السفر
اول شي سويته عقب تحديد وجهة السفر هو البحث عن تذاكر و خطوط الطيران
و انا غالبا اكثر رحلاتي عالاماراتيه او القطرية لانهم الصراحه بالنسبه لي خدمتهم فوق الممتازة
مبدئيا كنت ادور عالتذاكر و حصلت الاماراتيه ب 184 دك و القطرية 223 دك تقريبا
و عقبها بيوم هم كانت نفس السعر
و اليوم الثالث عقب ما عبيت بطاقة الائتمان عشان احجز ولا تضرب الاماراتيه 244 دك @@
هذا اول درس من هالسفره يوم اني شفت السعر ممتاز لازم على طول اقوم و احجز دام اني عزمت عالسفر
المهم اغير التواريخ يومين قبل يومين عقب نفس السعر
حولت عالقطرية و كان منزلين السعر و لقيتها 187 دك بس الوقت ثابت ماقدر اختار الوقت الي يناسبني
و اذا ابي الوقت الي يناسبني تصير التذكره 195 دك و توكلت على الله و حجزت حقي و حق زوجتي المرافقه الدائمة لي بالسفر )
و ان شاءالله راح نطير من الكويت يوم الجمعه 27/1/2012 ساعه 4.55 الفجر
نوصل مطار الدوحه 6.10
و عقبها نغير الطياره و الساعه 7.00 باذن الله الواحد الاحد راح نطير من الدوحه
و الساعه 12.00 الظهر بتوقيت بريطانيا راح نوصل مطار هيثرو باذن الله
و من هيثرو ان شاءالله اخذ قطار لي مانشستر
سفرتي راح تكون عبارة عن 3 وجهات للاقامة
الوجهة الاولى مانشستر: 27/1/2012 اليوم الاول: واليوم راح يكون رايح لان الرحله طويله فا يالله نوصل الفندق و ننام
28/1/2012 اليوم الثاني: نستكشف مانشستر لان اول مرة بنروحلها
29/1/2012 اليوم الثالث: تسوق و استكشاف
30/1/2012 اليوم الرابع: تسوق و استكشاف
31/1/2012 اليوم الخامس: تسوق و استكشاف
1/2/2012 اليوم السادس: تشيك اوت مانشستر
خليت اربع ايام تسوق و استكشاف لانها مدينه كبيرة و ثاني اكبر مدينه عقب لندن و اول مرة بروحلها و هم وايد ناس قالولي ان السوق عندهم حلو و ارخص من لندن بوايد
و السكن في مانشستر حجزت فندق ايبيس
هذا موقع الرابط الخاص بالفندق و طبعا عن طريق بوكينغ
https://www.booking.com/hotel/gb/ibis-manchester-centre.en-gb.html?aid=1300939 و سعره رخييص الاجمالي طلع 101 باوند ( تقريبا 43دك/ 3 ليالي)
الوجهة الثالثه والاخيره مدينة الضباب لندن: 4/2/2012 اليوم الاول: مدة الرحله من كوفنتري لي لندن بالباص ساعتين و نص و القطار ساعه و نص تقريبا فا ماكو تعب ان شاءالله و نوصل الفندق و عقب ننطلق في الاجواء اللندنيه
5/2/2012 اليوم الثاني: التجول في اجواء الضباب و الثلج
6/2/2012 اليوم الثالث: التجول في اجواء الضباب و الثلج
7/2/2012 اليوم الرابع والاخير: التجول صباحا و الوداع مساء
وقت الرحله الساعه 8 بتوقيت لندن و الوصول الى الدوحه الساعه 7 صباحا بتوقيت الدوحه
ثم الاقلاع الساعه 8 و الوصول الى الكويت الساعه 9.30 باذن الله تعالى )
بخصوص التنقلات من منطقة لي منطقة سواء بالقطار او الباص تقدرون تدشون على موقع الشركه و تشوفون الوقت و اذا كان في تحويلات وهم ممكن تحجزون عن طريق النت
و هذا الرابط الخاص بالشركه
http://www.nationalexpress.com/home.aspx
هذا راح يكون برنامج رحلتي و اي استفسار انا حاضر
و اي ملاحظه او اقتراح لحد يبخل عليي
و تحياتي )
بغيت استفسر عن فنادق ترافلودج انا اول مره اسمع عنها وعندي سؤال كيف مستواها ؟ وهل فيها تكييف؟ او بدون مكيف ؟
وشكرا