- السلام عليكم ورحمة الله وبركاته
- أخوكم/ عادل..عضو جديد في هذا المنتدى الجميل والعملاق
- معلومات عن الرحلة:
- واتغدينا الحمدلله من هذا المطعم...
بسم الله الرحمن الرحيم
السلام عليكم ورحمة الله وبركاته
أخوكم/ عادل..عضو جديد في هذا المنتدى الجميل والعملاق
في البداية أحب أشكر كل من ساعدني بتقريره الرائع والجميل في هذا المنتدى الكبير وأخص بالذكر هنا الأخ (عاشق الشلالات الأبدي) لأن هو أكثر واحد استفدت من تقريره في أول سفرة لي في حياتي خارج المملكة العربية السعودية...ماقصرتم جميعا وجزاكم الله كل خير
طبعا أول سفرة لي وأول مررة أقوم بإعداد تقرير فاعذروني إخواني لأني أحس إني افتقر لأسلوب المتعة والتشويق والإبداع في انتقاء الكلمات لكن راح أحاول أبذل قصارى جهدي بأنه يعجبكم بإذن الله تعالى
معلومات عن الرحلة:
عدد الأيام:9 أيام يومين راحت في السفر يعني 7 أيام فعلية تاريخ الرحلة: حبيت تكون أول سفرة لي في يوم تاريخه مميز عشان ما أنساها أبدا كانت في (11/11/2011) تاريخ العودة: في (20/11/2011) عدد الأشخاص: شخصين (أنا وزميلي في العمل) الميزانية المتوقعة: من 7000 إلى 10000 ريال سعودي الخطوط الناقلة: الخطوط الجوية السعودية خطة الرحلة: بالي ==> بونشاك ==> جاكرتا الراعي الإعلامي: كاميرتي الكفية Canon Power Shot SX220 HS
طبعا هذي الرحلة يعلم الله ما كانت عالبال ولا عالخاطر مجرد مزحة قلتها لزميلي وصارت جد سبحان الله..طبعا احنا عندنا في العمل لازم نجدول الإجازة السنوية من بداية السنة فجيت طالعت في جدول الإجازات إلا أشوف إجازتي تشترك مع إجازة زميلي في 9 أيام فقط فقلتله إيش رايك نسافر لنا كذا سفرة حلوة وبسيطة قالي والله قدام أنا من زمان أدور على واحد أطلع معاه ومالقيت طبعا زميلي كمان ما سبق إنه سافر قبل كذا نفس حالتي يعنيولما قلتله على السفرة أصلا ماكان عندي جواز سفر حتى..وكان هذا الكلام قبل أسبوعين تماما من موعد الرحلة..قلت خليني ادخل على موقع الخطوط واشوف الحجوزات لقيتها رخيصة وبأقل الأسعار..طبعا هذا الكلام كان يوم خميس فقلت ما ابا احجز خليني اول شئ اطلع الجواز يوم السبت بعدين يحلها ألف حلال عشان كنت خايف تصير مشكلة ومايطلع الجواز خصوصا ان الوقت كان موسم حج وكان باقي على الدوائر الحكومية ثلاثه أيام وتقفل..
المهم اتيسرت الأمور الحمدلله وطلعت الجواز يوم السبت بكل يسر وسهولة وبعدها حجزنا الرحلات وبدأت ادخل على هذا المنتدى العملاق وصرت اقرا هنا وهناك..كل تقرير اشوفه ادخل عليه واعطيه نظرة واطلع منه بمعلومة واسجلها في ورقة حتى جمعت معلومات كاملة..وقمت واتصلت على ولد خالي لأنه دايما يسافر إندونيسيا فيعرف شخص هناك اسمه محمود هوه اللي يقوم بتنسيق حجوزات الفنادق وبرنامج الرحلة وكل حاجة له ماشاء الله..طبعا أعطاني رقم محمود واتصلت عليه واتفقت معاه على كل حاجه وهوه اللي أعد لنا برنامج الرحلة كامل..طبعا احنا رغم ان رحلتنا كانت قصيرة لكن اتوفقنا فيها الحمدلله وهذا كله بفضل الله ثم بفضل الأخ محمود اللي كان بمثابة الأخ لنا..محمود مسؤول في شركة سياحية بجاكرتا وهوه اللي استقبلنا من المطار وهوه اللي رتبلنا برنامجنا السياحي كامل بجزيرة بالي ولما رجعنا على جاكرتا وبونشاك هوه كان السائق والمترجم والناصح والمساعد و... فجزاه الله كل خير
كان موعد الإقلاع من جدة الساعة 11:30 مساءً وكان الوصول في حوالي الساعة ال 1 ظهراً بتوقيت جاكرتا..كانت الإجراءات سهلة ولله الحمد لكن خويي واجه مشكلة في الفيزا عشانه ماجاب نسخة من تذكرة العودة معاه فطلبو منه ضروري يجيب لهم تذكرة العودة ولا ماراح يفيز فقلتله انت خلص شغلك وانا راح استغل الوقت واستلم الشنط والحمدلله خلص أموره وفيز وطلعنا من المطار بسلام..وكان في انتظارنا الأخ محمود اللي كان مضبط لنا أمورنا والحجوزات ورحلة بالي..وكان موعد الإقلاع لرحلة بالي في تمام الساعة ال 6 مساءً بتوقيت جاكرتا
أول ما طلعنا السيارة مع محمود قام بتسليمنا شريحتي اتصال اندوسات مشحونة ليا ولخويي بعدها قلناله نبا نروح مطعم فقال عشان رحلة بالي باقيلها تقريبا 4 ساعات فخلينا نتغدى في المطاعم اللي عند المطار الداخلي عشان لا نروح بعيد وتطلعو على رحلتكم في وقت مناسب
طبعا أول ما وصلنا كان صباح يوم سبت وكان جداً زحام عشان إجازة نهاية الأسبوع عندهم وهذي بعض الصور...
واتغدينا الحمدلله من هذا المطعم...
بعدها رحنا على مسجد جنب المطار الداخلي وصلينا الظهر والعصر جمع تأخير ومن ثم اتوجهنا إلى المطار وشحنا العفش..طبعا أنا قعدولي طيران Lion على الشنطة ووزنها ورجعت نزلتها من الميزان وقاعد اخفف منها واشيل في يديعشان كذا نصيحة لاحد يشيل شنط كبيرة خصوصا اللي بيتنقلو من جزيرة لجزيرة..المهم شحنّا الشنط بسلام وهنا اتودعنا من الأخ محمود على أمل اللقاء به بعد 4 أيام ان شاء الله
أحبتي
ف ونواصل اصل
بإنتظار الحلقة القادمة على أحر من الجمر .