الفندق ممتاز وموقعه روعه كل شي قريب منك
زين انك خذيت السويت لانه الغرف العاديه جدا صغيره
الريسبشن متعاونين جدا
ويومين ترى حدها قليله على برشلونه فيها اكتفتيز وايد اذا لابد واختصارا للوقت خذ الباص السياحي وبمر بيك على اهم الاشياء واذا ما راح تنزل فيمديك تغطي الخطين في يوم

وبخصوص المطاعم في نهاية الرامبلا وانته كانك متجه لدوار كولومبوس على يدك اليمين في شارع فرعي فيه مطاعم باكستانيه وتركيه واكلهم لذيذ

يعطيك العافية يا فندى
الفندق الي انا اخترته هذا الرابط حقه في موقع بوكينق https://www.booking.com/hotel/es/las-ramblas-suites.html?aid=1300939
بالنسبة لأماكن السهر بالليل هل في مناطق حلوة الواحد يروح لها يضيع الليل كله فيها
تكفين ضروري مابقى للسفر شي واسف جدا على الاطالة

مرحبا اخوي
يومين ببرشلونة:
اول يوم , تركب الباص السياحي من ساحة كاتالونيا (Plaza catalunya) , لونه اخضر فاتح وشعاره عين ورموش ملونة , اماكن بيع التذاكر في ساحة كاتالونيا , وله 3 مسارات , اختار المسار الازرق , سعره 23 يورو..
اذا خلصت من الباص , بترجع الى ساحة كاتالونيا , ومنها تروح شارع الرامبلا La Rambla , وبعدها تدخل الحي اللي ع اليسار اسمه الحي القوطي Barrio gotico , وبعدها للميناء El Port , وبعدها لشاطئ برشلونة La playa
ثاني يوم , من ساحة كاتالونيا تاخذ تاكسي الى جبل التبيدابو Tibidabo , وبعدها ساحة اسبانيا Plaza Espanya , بعدها تتمشى في شارع Passeig de gracia , واذا عندك وقت تمر منطقة قوس النصر Arc de triomf والحديقة اللي جنبه..
المطاعم :
مطعم اسباني , Taller de tapas , في شارع Rambla de catalunya
مطعم لبناني , Amir de nit , امير الليل , في حي جراسيا , عنوانه Plaza del sol,2
مطعم عربي , Al Barakah , البركة , عنوانه Valencia,204
مطعم عربي , Habibi , حبيبي , عنوانه Diagonal del mar,103
مجموعة مطاعم اسبانية , في برشلونيتا Barceloneta
مطاعم مأكولات بحرية , Villa olympic
اماكن سهر : عندك Port villa olympica فيها اماكن كثيرة , مطاعم وسهرات..
موفق ان شاء الله ودرب السلامه

الفندق الي حاطه الرابط له يختلف عن الي سكنا فيه
احنا رويال رامبلا
وبخصوص السهر في الليل فبرشلونه عكس اوروبا عندهم حياة ليل حلوه يعني لبعد نص الليل والدنيا صباحي
تقدر تروح عروض مسرحيات او عروض فلامينغو

الف الف الف الف شكر
لكم جميعا ماقصرتو
يعطيكم الف عافية