امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سعد المعالي
02-12-2022 - 10:02 am
بسم الله الرحمن الرحيماولا هاذي اول مشاركه لي بالمنتدى ان شاء الله اكون من المتفاعلين
ثانيا باقي تقريبا على الاجازه الصيفيه 7 شهور وانا طالب في صف اول ثانوي
وفيه سوال محيرني او بالاصح محتار جدا فيه مره اقول ايه مره اقول لا
الي هو الدراسه بالخارج لدراسة اللغه الانجليزيه ولمدة 5 اسابيع شهر واسبوع
وتكون مكثفه 4 الى 6 ساعات في اليوم والغه عندي مقبوله وتنصحوني باي
دوله كنت ودي ببريطانيا لاكن فيها اولمبياد لندن وابي بلد يكون قريب مب بعيد زي امريكا والخ
هااذا اذا اقنعتوني بالدراسه
هل الدراسه تختلف عن الدراسه في بلدك بلدي السعوديه
وتنصحوني اية معهد يكون قوب وممتاز هاذا اهم شي عندي
والسلام عليكم ورحمة الله وبركاته
اخوكم سعد


الدراسة في امريكا
التعليقات (8)
kng200
kng200
والله ياخوي سعد شف إذا تبي نصيحتي ماعندك قريب إلا بريطانيا وعلى فكرة ترى الاولمبياد على مستوى المدن الكبيرة مثل لندن ومانشيستر وليفربول لكن تقدر تروح المدن الصغيرة أو إيرلندا لإنها حتى هي برضو حلوة في الدراسة
بالنسبة لموضوع الدراسة تختلف لا أبداً نفس إلي بتدرسة برا هو إلي بتدرسه هنا لكن إلي يفرق الإحتكاك فقط لا أقل ولا أكثر
الله يوفقك ويكتب لك إلي فيه الخير

سعد المعالي
سعد المعالي
الي افهمه منك يعني انا الدراسه برا ولا جوا كلها نفس بعض اجل وشوله ادفع مبلغ على شي نفسه

سعد المعالي
سعد المعالي
70 مشاهد ورد واحد يا شباب محتاج ردودكم

Stranger Man
Stranger Man
حياك الله اخوي
الدراسه في بلادك افضل من الخارج خصوصاً ان المده اللي انت طالبها قصيره وممكن انك تستحصل على نفس الافاده في بلادك وبتعليم نفسك بنفسك فما بالك انك تدخل معهد في بلادك !!
اخيراً قوانين المنتدى تمنع فتح اكثر من موضوع ، لذلك انا حذفت موضوعك بقسم بريطانيا
ونعتذر عن ذلك
تحياتي

kng200
kng200
سعد المعالي
إيه أكيد مافي فرق مثل ماقلت لك . لكن انا يوم شفتك حطيت بالعنوان حلم توقعت إن داخلك قناعة إنك تحقق حلمك ب أي وسيلة
والدراسة في بلدك أفضل بكثير منها قربك من أهلك والراحة النفسية وكل شيء الغربة صعبة ومثل ماقال لك المشرف المدة قصيرة وماراح تضيف لك الشيء الكثير وأنصحك تشوف لك أقرب معهد في مدينتك وتكون سمعته ممتازة
والله يوفقك أخوي سعد

سعد المعالي
سعد المعالي
جزاكم الله خير لاكن انا المشكله الصيف تعرف في الرياض عندنا كل الناس معطلين وما تتحمس للدراسه غيرر لين رحت برا محد حوك

kng200
kng200
سعد المعالي
واضح إنك متردد بين الجلوس والسفر أنصحك تجلس مع أمك أو أبوك أو أخوك الكبير وتستشيرة بيقدمون لك شيء يفيدك خصوصاً إنهم أكبر منك بالعمر وأدرى بمصلحتك
أنا أنصحك إنك تجلس في الرياض ومن ناحية محد يحمس خذ لك واحد من اخوياك يدخل معك عشان تصير تحمسون بعض تروحون وبما إنك أول ثانوي يعني عمرك تقريباً بين ال15 و ال16 أشوف صعبة عليك تروح لحالك يصير لك شيء لاسمح الله ممكن ماتقدر تتصرف بهالعمر
والرياض مليانة معاهد وأنصحك بمعهد (بريتيش كونسل) بحكم تجربة شخصية معهد جداً ممتاز وهو بريطاني والكوادر التدريسية بريطانية وبتحس فعلاً كأنك تدرس في بريطانيا بما إنك ماتبغى تروح عشان الاولمبياد والخساير المالية
وفي النهاية الله يكتب لك إلي فيه الخير

سعد المعالي
سعد المعالي
https://artravelers.com
يعطيك الف عافيه اخوي ساعدتني واجد الله يوفكك


خصم يصل إلى 25%