أبو جَنى
16-12-2022 - 06:37 pm
،
اللغه الأنجليزيّه ليست سبب يجعلك أضحوكه ومحلّ نصب وأحتيال من سائقي سيارات الأجره !
السلام عليكم ورحمة الله وبركاته
أنا تقدرون تسمّوني مكافح الأحتيال ( أغلب الأحيان )
كانت رحلتي قبل شهرين ورجعت بعد 15 يوم كانت تكلفة رحلتي كلها شهر عسل طبعاً 12 ألف ريال
لحد يقول لي بخيل وما تشتري ومدري أيش . بالعكس أسكن بفنادق معقوله وأتمشّى بكل مكان !
والفندق من الساعه 8 الصبح لينما الساعه 8 الليل وأنا ما أجيه . تمشيه في تمشيه ! لكن بعقل .
على فكره مكاتب السياحه ما تعاملت معها ، كل تعاملي في الشارع الماليزي . وحجوزاتي من ال booking
الحين أبي أتكلّم عن نقطة المواصلات فقط ، مسألة الحجوزات وغيرها أبي أشرحها بعدين
أول ما وصلت مطار كوالالمبور أخذت تآكسي من المطار ب قيمة 150 ريقنت . طبعاً أقدر آخذه بأقلّ بس
مالي خلق تعبان وجاي من مشوار . وصلنا الفندق في سيلانجور بعد 50 دقيقه . ونفس سائق التاكسي
وصّيته على 4 أشياء يخلّصها لي وعطيته مقابل وريّحت رآسي .
1- تذكرتين باص من سيلانجور إلى كاميرون هايلآندز - ( بتاريخ مغادرة الفندق )
2- تذكرتين باص من كاميرون هايلآندز إلى بينانغ - ( بتاريخ مغادرة الفندق )
3- تذكرتين فيري "سفينه" من بينانغ ل لنكّاوي - ( بتاريخ مغادرة الفندق )
4- تذكرتين طيران داخلي من لنكّاوي ل كوالالمبور - ( بتاريخ مغادرة الفندق )
طبعاً سائق التآكسي راح يعرض عليك خدمات خاصّه إنّه يوّصلك بنفسه على التآكسي . لكن قابله
بالرفض الشديد لأن الباص راح يآخذ عليك إذا كنت لحالك 35 رينقت فقط وهو يآخذ 500 رينقت .
كلّها تطلع 850 رينقت = ألف ريال تقريباً . لكن لو مثلاً سافرت من سيلانجور لكاميرون بتاكسي خاص
ومن كاميرون لبينانغ بتاكسي خاص . راح يآخذ التآكسي أقل شيء 1500 ريال وهو مشوارين فقط . !
تحذيرات هامّه :
1- أول ما توصل المطار تلقى مرشدين سياحيين يآخذون مبالغ مضاعفه عليك على شان يوفّر لك تنقلاتك من مكان إلى آخر ولو طلعت برى راح تلقى أرخص بكثير منّهم . يعني طنّش وأخذ تآكسي وتوكّل على الله .
2- إذا وصلت الفندق أبحث عن سائق مُسلم ليحضر لك تذاكر الباصات والطيران ، وأنتبه لا تحاسبه إلا إذا جابها ، أو تروح معه
3- لا تآخذ تآكسي بالساعات إذا كنت تبي تروح مشوار واحد قول له ( go ) وعطه أسم المكان ، وتلقى غيره ألف تآكسي مو لازم ينتظرك ويآخذ عليك فلوس زياده ويخليك تتعجّل + أخذ رقم جوّاله أو كرته إذا نزلت عشان إذا ما لقيت تدق عليه .
4- لا تركب مع أول تآكسي ، شاور الأول والثاني والثالث بعدين أركب .
5- أنتبه من إلي يقول لك (( جوله - جوله - جوله )) ، لإنهم كذّابين يطوّل المشوار فيك ويصدّع براسك عشان تزيد عدد الساعات وتزيد الفلوس عندّه .
6- أخذ لك قائمة بأسماء المواقع السياحيّه بالمنطقه - مثلاً الحدائق والمنتزهات والمطاعم / لا تروح لها ويحسب عليك ساعات ، روح لها مشوار واحد وأخذ وقتك وإذا خلصت أرجع مشوار واحد . ويحسب عليك حساب قليل
7- لآ تاخذ من تكاسي الفنادق لإنها غاليه . أخذ من التكاسي إلي برى .
8- المشي جميل ..
9- لا تسافر مع تآكسي لما في ذلك من دبل وثري من حساب الفاتورة عليك ..
10- خذ معك بعض المأكولات للسفر على الباص لأن الرحله تستغرق أقل شيء 4 ساعات إلى 5 ساعات
11- الطريقة سهله ورقم الباص موجود على التذكرة لا تخاف إنّك تضيّع ، أي واحد تفرجّه على التذكره يدلّك على المكان
12- التآكسي إلي يأخذك من محطّة الباصات والمطار والعبّارة حاول أنّه يكون مُسلم ، وهو راح يعرض عليك خدماته صور للباصات والطريق والتذاكر :
محطّة وقوف بعد ساعتين من أنطلاقنا من كوالالمبور إلى كاميرون
مواعيد الرحلات من كاميرون هايلاندز
ولي موضوع آخر أتكلّم فيه عن الفرق بين حجوزات مكاتب السياحه وال Booking مع الشرح .
وسلام عليكم
رحلتي الى ماليزيا
والحمد لله على سلامتكم
نصائح وفوائد لا تقدر بثمن
الف شكر على هذه المعلومات