بينانغ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
قصة حب تايلندية
10-12-2022 - 12:29 am
GOLDEN-TLAI
قريب من فندق بارك رويال
بنفس الشارع
وبجانبه مطعم السفينة المشهور في بينانغ
وموقعه قريب جدا من مطعم الطربوش
كله احواض اسماك وبحريات حية
تختار اللي تبيه
وبالكيلو يحاسبونك
وتختار ايضا طريقة الطبخ والأضافات
المدخل
اول مرة اشوف الربيان بهالحجم
ومنها انواع
والخضراوات لها نصيب ايضا
بالمدخل وخلفها المطبخ
مكشوف
تقدر توقف وتشوف وعشاك اشلون ينطبخ
اني اتنفس تحت الماء
زحمة يا دنيا زحمة
وهذه الجلسات او الطاولات
والقعدة مطله على الشاطئ
يومها الجو كان وايد حلو ممطر وشوية براد
والفرقة قدمت اكثر من عرض للرقص الفلكلوري في ماليزيا
المنيو ( قائمة الطعام )
وعشانا كان
ما لذ وطاب
بيبسي بارد
دجاج مشوي
بس بصراحة ما حبيناه
كان مرهرط كأني جلي
اول مرة اشوف دجاجة فيها شحم مثل الخرفان
ههه
تركناه مو حلو
سمك شعوم مقلي مع صوص حار
حلو اكثر طبق عجبنا
والنتيجة
ربيان مشوي
مش ولا بد
لو زايدين فيه البهار شوي يطلع احلى
سلطة بحرية
طلبنا هالطبق بس طلع بيض محشي
مقبول
شبس صغير بس راهي
حيل
يعني لو طالبين الكبيبر بيطلع كبر الطاولة
طلبناه بعد ما ذقنا الدياي
على الأقل شي مضمون ومعروف طعمه
شوفوا اشلون مزينين السقف
والطاولات مرتبة
والسقف
اعجبني التصميم فصورته لكم
وأحلى قعدة على الشاطئ
وهذا عند السوق الليل بعد كا طلعنا من المطعم
عائلة باكستانية
مستمتعة بالجو الحلو
والحساب كان 500 رينجنت
تقييمي للمطعم
الخدمة حلوة
الأكل غالي نوعا ما
النظافة 10/10
المكان يشرح القلب ويرد الروح
لو رحت مرة ثانية اكرر التجربة واغير الطلب
وربي يديمها نعمة ويمنعها من الزوال
وأقول حق ماليزيا بكبرها
لو كان قلبي معي ما اخترت غيركم
و لا رضيت سواكم في الهوى بدلا ً
تحياتي لكم
أختكم / قصة حب


رحلتي الى ماليزيا
التعليقات (9)
أبو عَدي
أبو عَدي
هذي التقارير اللي تملا العين ، وترد الروح .
ماشاء الله عليكم .
وجعله بالعافية ، ومحل ما يسري يمري .
وتسلمي ثم تسلمي ثم تسلمي على هالتصوير الرائع ، والوصف الماتع ..

هوايابحر
هوايابحر
الله يعطيك العافيه علي الوصف
والصور والاجلسات فية رومنسية

جورج الرومانسية
جورج الرومانسية
كل يوم ربيان جديد وصور احلى
عجبتني صور جلست الباكستانية على الشاطي
ماشاء الله حتى بماليزيا وصلو
احييك على تقريرك الاكثر من رائعه

busy1
busy1
بالعافيه بس غالي مشان هيك ابتعدت عنه لاكن لايمنع من التجارب للقادر

AL3DNI
AL3DNI
ما شاء الله كل يوم تطلعي لنا بتقرير حلو
ولسا راجعين من ماليزيا
يالله في المفظله
شكرا ما قصرتي

ولدسدير
ولدسدير
الله يعطيك العافية ياغالي تقرير أفضل من رائع
تقبل مروري

أمير الروح1
أمير الروح1
الله يسعدك صراحه يفتح النفس

وافي بزمن جافي
وافي بزمن جافي
مأروعها من ( نشوة ) ... وماأجملها من ( عشوة )
لاجديد ... يستمر الأبداع ... ويتواصل التميز بحضرة ( قصة حب تايلندية ) ...
وفقكِ الله أختي الغالية ... على كل ماتقدمينه لمنتدانا ... تحياتي ...

علوش جدة
علوش جدة
ماشالله مطعم جميل
احس فكرتة مشابها لفكرة مطعم السفينة بمعني نفس الاطباق ونفس النظام سي فود
تحياتي لك


خصم يصل إلى 25%