مانشستر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الذيب مسافر
19-08-2022 - 01:22 am
اتمنى من خبرا السفر يعطوني رايهم بموضوع سفره ؟
شهر 3 القادم بسافر لندن لمدة اسبوع في مهمة عمل (مع العلم اني اول مره اروح لندن)
حاب عقب هالاسبوع اخذلي سفرة وراحة واستجمام لمدة اسبوعين او 3 اسابيع
بس مادري وين اروح اسافر
بس عندي مشكلة الجو في اوروبا بشهر مارس كنت حاب اطلع من لندن وصعد الى شمال انقلترا بس مشكلة البرد خلتني اتردد فحاب تعطوني رايحكم بجم مقترح لو كنت بسافر لني حاب اخطط للسفره بشكل جيد وبمده مبكرة
هل اطلع من لندن الي باريس
او
اروح من لندن الى مانشستر مع منطقة من مناطق البحيرات العظمى
او
اطلع من لندن وروح اسكتلندا وويلز (هل ينصح بالذهاب لها في شهر مارس)
او
اطلع من لندن وروح سويسرا او المانيا والنمسا بس احسها ما تركب
يريت احد يعطيني مخطط حلو حق السفره ويريت يراعي الجو في وقت سفرتي لمن يحطلي مخطط للسفره ويريت يحطلي مكان اسكن فيه ويكون يمه اماكن وطبيعة تشرح القلب اتخلي الواحد ينسا الدنيا والحياة في المدينة


التعليقات (7)
metibalali
metibalali
شوف اخوي
بصراحه الجو عموما في بريطانيا راح يكون بارد في مارش بس انا انصحك ادا انت شخص تحب البيتش وزيي كدا
فعندك مدينه
بورنموث مرره روعه بس راح يكون الجو شوي بارد يعني مو عشان بيتش خلاص ، وهي تبعد عن لندن حوالي ساعتين بالقطار بس بصراحه ناسي اسم المحطه بس ادا تبني اتاكدلك انا حااضر وعندك بعد فندق الماريوت هاي كليف مرره خطير بس غالي شوي لانه اطلالته على البيتش الرائع وطبعا المدينه حلوه وهاديه واغلبها متقاعدين بس فيه كمان نصيب للشباب خ
خيار اخر وهي اسكتلندا وطبعا معروف هي ابرد شي
بس ادا انت انسان تحب الشوبينق والزحمه والداون تاون الكبيره فعندك جلاسكو
مرره مدينه خياليه الداون تاوون عجيب وتبعد عن لندن 5 ساعات بالقطار بس الطريق وناسه وخضاار يعني ماتمل وبرضو ادا تبيني اتاكدلك وش المحطه انا حااضر وفيه فندق الجوريز ان مرره حلوو وقريب من الداون تاون يعني مشي تنزله مايحتاج سياره اتمنى اكون افدتك او اعطيتك فكره ولو بسيطه واي سؤال عن لندن او بريطانيا احنا بالخدمه

الذيب مسافر
الذيب مسافر
metibalali
مشكور اخوي على ردك بورتموث ان شاء الله بشوف تقارير عنها ويريت تعطيني اسم المحطه لو اتعرفها بس هل بشهر 3 اتكون كئيبة ولا لا
اسكتلندا سمعتها سابقتها بس المشكله اخاف اروح مناك بشهر مارس واتوهق بالجو
اهو في برودة الواحد يقدر يستحملها ويستانس فيها وفي برودة لا تطاق فمادري هل اتكون باردة حيل ولا لا
حبيت اسألك منطقة windermere ويندرمر الي تقع عند البحيرات العظمى هل يصلح السفر لها بشهر 3 ولا لا
هل يكون فيها نزول ثلوج ولا لا بشهر مارس

metibalali
metibalali
هلا اخوي
بس حبيت اوضحلك شغله اسم المدينه بورنموث مو بورتموث لانه فيه مدن تتشابه وماابيك تتوهق وتروح مدينه ثانيه خ
المهم اسم المحطه لندن فيكتوريا تقدر تروحلها بالاندرجراوند ادا تعرفله او ادا ماتعرف مو بمشكله روح بتاكسي بس غالي شوي افضل شي انك تشوفلك شركات الميني كاب ادا انت ساكن بهوتيل بلندن اسأل الريسبشن وهم بيفيدونك بصراحه ماادري ادا بتكون كيئبه والا انا رحت لها بابريل كانت مرره ونااسه والجو كان حلوو بس شوي باارد
وبالنسبه لجلاسكو ايه راح تكون ابرد بس ادا انت تحب البرد ماعندك مشكله البس زين واتوكل وراح تكون دايركت من محطه لندن يوستن
اما بالنسبه للمنطقه وينديرمير بصراحه ماقد سمعت بها وان شالله يفيدونك الاعضاء بخصوصها وحبيت انبهك انه رحلة بورنموث مو دايركت يعني احتمال تغير باص او قطار ثاني بس تقدر تسال الموظفين هناك عن سير الرحله وبيفيدونك

الذيب مسافر
الذيب مسافر
هل من نصايح اخرى يا اخوان

وليد98
وليد98
من الافضل تشوف المناطق القريبة من لندن لان حيكون الجو في هالفترة بارد جدا وثلوج وحتضطر في بعض الاحيان انك حتكنسل بعض الاماكن اللي انت مرتب لها

الذيب مسافر
الذيب مسافر
وليد98
اخي الكريم
بعد الانتهاء من مهمة عملي باخذلي إجازة اسبوعين او 3 اسابيع وين تنصحني اذهب خلال هالفترة ممكن تعطيني مخطط من عندك
انا الي كنت بسويه بعد الانتهاء من مهمة العمل
بزيد 4 ايام إضافية في لندن
ثم مانشستر 4 ايام
ثم 3 ايام في البحيرات العظمى في ويندمير
وكنت بضيف منطقة رابعة لمدة 4 او 5 ايام بس ماحددت المنطقة
فشرايك بمخططي في شهر مارس هل ينفع ولا لا للمناطق المذكورة
ومخطط اروح عاصمة اوروبيه مثل باريس او اي مدينة اخرى بس محتار لحد الحين
اتمنى الكل يشاركني برايه

وليد98
وليد98
اخي العزيز افضل انك تقضيها في لندن لان انا اشوف ان الوقت اللي انت جاي فيه وقت بارد وثلوج ومتعب شوي لدرجة انه في بعض الاحيان تتوقف المواصلات بسبب كثافة الثلوج اقترح انك تزور الاماكن السياحية المهمة في لندن وتطلع علي تقارير الاخوان في لندن بالنسبة لزيارة البحيرات في ويندمير انساها لان هذه المنطقة في الصيف باردة لابالك في هالوقت .مع تمنياتي لك برحلة ممتعة وموفقة.


خصم يصل إلى 25%